 |
| ພາບປະກອບ |
ກິດຈະກຳດັ່ງກ່າວຈັດຕັ້ງຂຶ້ນໂດຍແມ່ນ TAIHEN ຮ່ວມກັບເຄືອຄ່າຍການເຄື່ອນໄຫວຕ້ານພະຍາດວັນນະໂລກ (ກຸ່ມຄົ້ນຄວ້າວິໄຈສຸຂະພາບຄົນຍ້າຍຖິ່ນຖານ ທີ່ຂຶ້ນກັບສະຖາບັນຄົ້ນຄວ້າວັນນະໂລກ - RIT/ ສະຫະພັນຕ້ານວັນນະໂລກຍີ່ປຸ່ນ - JATA) ແລະ ສູນແຫ່ງຊາດດ້ານສາທາລະນະສຸກ ແລະ ສຸກຂະພາບໂລກ (NCGM) ແລະ ອົງການວິທະຍາສາດສຸຂະພາບຊຸມຊົນ.
ເວລາມາກວດສຸຂະພາບນັ້ນ, ຊາວຫວຽດນາມຈະໄດ້ຮັບການໃຫ້ຄຳປຶກສາທາງດ້ານສຸຂະພາບຈາກທ່ານໝໍ, ແພດ ແລະ ພະຍາບານ, ອອກໜັງສືແນະນຳຖ້າຕ້ອງການກວດເພີ່ມເຕີມໃນບັນດາສະຖາບັນການແພດອື່ນ, ອະທິບາຍແກ້ຂໍ້ຂ້ອງໃຈກ່ຽວກັບວັກຊິນໂຄວິດ-19, ສ່ອງ X-ray ໜ້າເອິກ ແລະ ກວດຄັດກອງວັນນະໂລກ.
ໃນເວລາກວດສຸຂະພາບແຕ່ລະວັນນັ້ນຈະມີນາຍແປພາສາຊ່ວຍ ແລະ ຜົນການກວດພະຍາດວັນນະໂລກຈະໄດ້ມອບໃຫ້ທັນທີໃນວັນດຽວກັນ.
ໃນກໍລະນີກວດພົບເຫັນພະຍາດໄວນັ້ນ, ຄົນເຈັບວັນນະໂລກທີ່ບໍ່ແຜ່ລາມໃຫ້ຄົນອື່ນຈະໄດ້ຮັບອະນຸຍາດປິ່ນປົວທີ່ບ່ອນພັກອາໄສຊຶ່ງບໍ່ຈຳເປັນຕ້ອງນອນໂຮງໝໍ. ວິທີທີ່ດີທີ່ສຸດເພື່ອກວດໃຫ້ພົບເຫັນພະຍາດວັນນະໂລກໄວ ແມ່ນສ່ອງ X-ray ປອດ. ຖ້າຜົນການບົ່ງມະຕິພະຍາດວັນນະໂລກ, ຄົນເຈັບຈະໄດ້ຮັບການສະໜັບສະໜູນຊ່ວຍເຫຼືອຈາກລະບົບການແພດສາທະລະນະ ຄ່າໃຊ້ຈ່າຍປິ່ນປົວສ່ວນໃຫຍ່ຄືກັນກັບພະຍາດໂຄວິດ-19 ເຖິງວ່າຈະໝົດກຳນົດການປະກັນສຸຂະພາບຢູ່ປະເທດຍີ່ປຸ່ນ.
ວິລະຊົນ
