ຊາວຫວຽດນາມ ອາໄສຢູ່ຝລັ່ງ ພາວະນາຍາມຕົ້ນລະດູບານໃໝ່ຢູ່ວັດ ຈຸກເລິມທຽນວຽນ

19:00 | 15/02/2022

ຍສໝ - ເນື່ອງໃນໂອກາດວັນເພັງເດືອນຈຽງ ໄລ່ຕາມຈັນທະປະຕິທິນ, ຕອນເຊົ້າວັນທີ 13 ກຸມພາ, ວັດຈຸກເລິມທຽນວຽນ ຢູ່ນະຄອນ Villebon-sur-Yvette ໃກ້ກັບນະຄອນຫຼວງ ປາຣີ ຂອງຝລັ່ງ ໄດ້ຈັດຕັ້ງພິທີພາວະນາຂໍຄວາມສະຫງົບສຸກໃຫ້ແກ່ພໍ່ແມ່ປະຊາຊົນຊາວຫວຽດນາມ ອາໄສຢູ່ປາຣີ ແລະ ບັນດາເຂດໃກ້ຄຽງ.

	ເຊື່ອມຕໍ່ນັກທຸລະກິດຊາວ ຫວຽດນາມ ອາໄສຢູ່ຕ່າງປະເທດ, ຊຸກຍູ້ການຄ້າ ແລະ ການລົງທຶນໃນຂົງເຂດກະສິກຳ
	ລັດຖະມົນຕີກະຊວງການຕ່າງປະເທດ ຫວຽດນາມ ບຸ່ຍແທັງເຊີນ: ຫວຽດນາມ ໃຫ້ຄວາມສົນໃຈຕໍ່ປະຊາຄົມຊາວ ຫວຽດນາມ ອາໄສຢູ່ຕ່າງປະເທດ, ໃນນັ້ນ ມີ ສ.ເກົາຫຼີ

ຊາວຫວຽດນາມ ອາໄສຢູ່ຝລັ່ງ ພາວະນາຍາມຕົ້ນລະດູບານໃໝ່ຢູ່ວັດ ຈຸກເລິມທຽນວຽນ. ພາບ: baotintuc.vn

ພໍ່ແມ່ປະຊາຊົນຊາວຫວຽດນາມ ອາໄສຢູ່ຝລັ່ງເປັນຈຳນວນຫຼາຍ ໄດ້ມີໜ້າຢູ່ບໍລິເວນວັດນັບແຕ່ຮຸ່ງເຊົ້າເພື່ອເຂົ້າຮ່ວມພິທີພາວະນາໂດຍພະມະຫາອາຈານ ທິກເຕິມຮຸຍ ເປັນເຈົ້າພາບຈັດຕັ້ງ. ທຸກໆຄົນພາວະນາຂໍໃຫ້ປີໃໝ່ຈົ່ງມີສຸຂະພາບທີ່ແຂງແຮງ ແລະ ຂໍໃຫ້ຄອບຄົວ ແລະ ພໍ່ແມ່ພີ່ນ້ອງມີຄວາມສະຫງົບສຸກ.

ພາຍຫຼັງພິທີ, ບັນດາພຸດທະສາສະນິກກະຊົນ ແລະ ຜູ້ເຂົ້າຮ່ວມໄດ້ຮັບປະທານບັນດາເຍື່ອງອາຫານເຈ ໂດຍວັດແຕ່ງ ແລະ ເຊື່ອມຕົວເຂົ້າກັບບັນຍາກາດແບບຫວຽດຂອງວັດ.

ທຸກປີ, ໃນໂອກາດວັນ 1 ບຸນເຕັດ ແລະ ວັນເພັງເດືອນຈຽງ ໄລ່ຕາມຈັນຕະປະຕິທິນ, ພໍ່ແມ່ປະຊາຊົນ ພັດມາວັດຈຸກເລິມ ເພື່ອບູຊາພະພຸດທະເຈົ້າ ຂໍໃຫ້ມີຄວາມສະຫງົບສຸກ, ວັດທະນາຖາວອນໃຫ້ແກ່ປະເທດຊາດ, ປະສົບຜົນສຳເລັດ ແລະ ຄວາມໂຊກດີໃຫ້ແກ່ຕົນເອງ ກໍ່ຄືສະແດງຄວາມເຄົາລົບນັບຖືຕໍ່ບັນພະບຸລຸດ. ມູນເຊື້ອນີ້ໄດ້ກາຍເປັນຈຸດຄວາມງາມໃນຈິດວິນຍານຂອງຊາວຫວຽດນາມ ອາໄສຢູ່ຕ່າງປະເທດ.

ບຸນຄົງ