| ລາວ ອະນຸຍາດໃຫ້ພາກເອກະຊົນກໍ່ສ້າງສາຍສົ່ງໄຟຟ້າເຊື່ອມຕໍ່ກັບຫວຽດນາມ | |
| ອົດສະຕາລີ ພ້ອມແລ້ວທີ່ຈະຊຸກຍູ້ສາຍພົວພັນຮອບດ້ານກັບ ຫວຽດນາມ |
ໂດຍຕອບສະໜອງຕາມຄຳເຊີນຂອງທ່ານລັດຖະມົນຕີກະຊວງການຕ່າງປະເທດ ສ. ເກົາຫຼີ Chung Eui-yong, ລັດຖະມົນຕີກະຊວງການຕ່າງປະເທດ ບຸ່ຍແທງເຊີນ ໄດ້ເດີນທາງຢ້ຽມຢາມ ສ. ເກົາຫຼີ ຢ່າງເປັນທາງການ ແລະ ເຂົ້າຮ່ວມກອງປະຊຸມລັດຖະມົນຕີການຕ່າງປະເທດພາກພື້ນອາຊີຕາເວັນອອກສຽງໃຕ້ (SEARP) ຂອງອົງການຮ່ວມມື ແລະ ພັດທະນາເສດຖະກິດ (OECD) ແຕ່ວັນທີ 9 ຫາ 11 ກຸມພາ.
 |
| ທ່ານປະທານາທິບໍດີ Moon Jae-in ກ່າວ: ສ. ເກົາຫຼີ ຖືເອົາ ສສ. ຫວຽດນາມ ເປັນຄູີຮ່ວມມືທີ່ສຳຄັນ. ພາບ: Yonhap |
ໃນທ່າມກາງວາລະການຢ້ຽມຢາມ, ຕອນເຊົ້າວັນທີ 9 ກຸມພາ ທ່ານລັດຖະມົນຕີກະຊວງການຕ່າງປະເທດ ບຸ່ຍແທງເຊີນ ໄດ້ມີໂອກາດເຂົ້າພົບປະກັບທ່ານປະທານາທິບໍດີ ສ. ເກົາຫຼີ Moon Jae-in.
ຕາມການລາຍງານຂອງນັກຂ່າວສຳນັກງານຂ່າວຫວຽດນາມທີ່ Seoul: ໃນວາລະການຕ້ອນຮັບການເຂົ້າພົບປະ, ທ່ານປະທານາທິບໍດີ Moon Jae-in ໄດ້ຝາກຄຳຢື້ຢາມຖາມຂ່າວອັນສະໜິດແໜ້ນໄປຍັງສະຫາຍເລຂາທິການໃຫຍ່ ຫງວຽນຟຸຈ້ອງ, ປະທານປະເທດ ຫງວຽນຊວນຟຸກ ແລະ ບັນດາທ່ານການນຳຂັ້ນສູງຂອງຫວຽດນາມ; ຕ້ອນຮັບການຢ້ຽມຢາມ ສ. ເກົາຫຼີ ຂອງທ່ານລັດຖະມົນຕີກະຊວງການຕ່າງປະເທດ ບຸ່ຍແທງເຊີນ ຢ່າງເປັນທາງການຄັ້ງນີ້ ຖືເປັນເຫດການທີ່ມີຄວາມໝາຍສຳຄັນເປີດສາກໃຫ້ແກ່ປີລະນຶກຄົບຮອບ 30 ປີ ການສ້າງຕັ້ງສາຍພົວພັນການທູດ ສ. ເກົາຫຼີ - ສສ. ຫວຽດນາມ.
ປະທານາທິບໍດີ Moon Jae-in ຢືນຢັນວ່າ ສ. ເກົາຫຼີ ຍາມໃດກໍຖືຫວຽດນາມເປັນຄູ່ຮ່ວມມືທີ່ສຳຄັນໃນການຈັດຕັ້ງປະຕິບັດນະໂຍບາຍ New Southern; ຫວັງວ່າທັງສອງຝ່າຍຈະຍົກລະດັບການພົວພັນເປັນ “ຄູ່ຮ່ວມມືຍຸດທະສາດຮອບດ້ານ” ໂດຍໄວຂຶ້ນ; ສະເໜີໃຫ້ສືບຕໍ່ສ້າງຄວາມສະດວກໃຫ້ແກ່ວິສາຫະກິດຜູ້ປະກອບການສັນຊາດ ສ.ເກົາຫຼີ ທີ່ເຄື່ອນໄຫວຢູ່ຫວຽດນາມ, ເປັນຕົ້ນແມ່ນການລົງທຶນເຂົ້າໃນຂະແໜງການພື້ນຖານໂຄງລ່າງ, ການເງິນ ກໍຄືບັນດາໂຄງການທີ່ມີຂະໜາດໃຫຍ່ຢູ່ຫວຽດນາມ; ເພີ່ມທະວີການປະສານງານໃນບັນຫາພາກພື້ນ ແລະ ສາກົນຕ່າງໆທີ່ຕ່າງຝ່າຍຕ່າງມີຄວາມໃສ່ໃຈ.
ປະທານາທິບໍດີ Moon Jae-in ຕີລາຄາສູງບົດບາດການປະສານງານຂອງຫວຽດນາມໃນການພົວພັນ ສ. ເກົາຫຼີ - ອາຊຽນ ໄລຍະ 2021-2024, ຖືວ່າການຢ້ຽມຢາມຂອງລັດຖະມົນຕີກະຊວງການຕ່າງປະເທດຫວຽດນາມ ຈະປະກອບສ່ວນຊຸກຍູ້ການຂະຍາຍຕົວການພົວພັນລະຫວ່າງ ສ. ເກົາຫຼີ ກັບ ສສ. ຫວຽດນາມ ເວົ້າສະເພາະ ແລະ ກັບອາຊຽນເວົ້າລວມໃນໄລຍະເວລາທີ່ຈະມາເຖິງ.
ທ່ານລັດຖະມົນຕີ ບຸ່ຍແທງເຊີນ ຊົມເຊີຍຕໍ່ຜົນງານຕ່າງໆທີ່ ສ. ເກົາຫຼີ ທີ່ບັນລຸໄດ້ໃນໄລຍະເວລາຜ່ານ, ເປັນຕົ້ນແມ່ນຫາກໍການຮັບມືຕໍ່ຜົນລັບຂອງພະຍາດລະບາດ, ຫາກໍພັດທະນາເສດຖະກິດ-ສັງຄົມ; ຢືນຢັນວ່າຫວຽດນາມສຸດທີ່ຖືສຳຄັນ ແລະ ຫວັງໃຫ້ມີການພັດທະນາການພົວພັນກັບ ສ. ເກົາຫຼີ ໃຫ້ຫຼາຍຂຶ້ນ, ໃນນັ້ນ ຈຸດສຸມແມ່ນດຳເນີນກິດຈະກຳລະນຶກຄົບຮອບ 30 ປີ ແຫ່ງການສ້າງຕັ້ງການພົວພັນການທູດໃຫ້ໄດ້ດີ ແລະ ຍົກລະດັບການພົວພັນສອງຊາດຂຶ້ນເປັນ “ຄູ່ຮ່ວມມືຍຸດທະສາດຮອບດ້ານ” ໃນປີ 2022; ຮັກສາການພົວພັນແລກປ່ຽນ ແລະ ພົບປະຂັ້ນສູງຢ່າງເປັນປົກກະຕິ, ສ້າງສະພາບແວດລ້ອມທາງການເມືອງທີ່ສະດວກ, ຜັນຂະຫຍາຍກົນໄກຕ່າງໆຢ່າງມີປະສິດທິຜົນເພື່ອເປີດກວ້າງການຮ່ວມມື, ພິເສດແມ່ນໃນຂົງເຂດເສດຖະກິດ, ການຄ້າ, ການລົງທຶນ ແລະ ການຟື້ນຟູຫຼັງຈາກພະຍາດລະບາດ; ສູ້ຊົນຍົກລະດັບຈຳນວນມູນຄ່າການຄ້າສອງປະເທດໃຫ້ບັນລຸ 100 ຕື້ ໂດລາ USD ໃນປີ 2023; ເພີ່ມທະວີການຮ່ວມມືທາງວັດທະນະທຳ, ການສຶກສາ, ການທ່ອງທ່ຽວ, ແຮງງານ, ການພົບປະຂອງປະຊາຊົນ, ປະສານງານຢ່າງແໜ້ນແຟ້ນໃນວຽກງານຊ່ວຍໜູນພົນລະເມືອງຂອງກັນ ແລະ ກັນ; ສືບຕໍ່ຮັກສາການປະສານງານເທິງເວທີປາໄສຫຼາຍຝ່າຍ.
ລັດຖະມົນຕີ ບຸ່ຍແທງເຊີນ ຢືນຢັນວ່າ ຫວຽດນາມຈະປະສົບຜົນສຳເລັດຢ່າງດີຕໍ່ບົດບາດການເປັນປະເທດຜູ້ປະສານງານອາຊຽນ-ສ. ເກົາຫຼີ ໄລຍະ 2021-2024, ນຳເອົາການພົວພັນລະຫວ່າງອາຊຽນ ແລະ ສ.ເກົາຫຼີ ສືບຕໍ່ມີບາດກ້າວທີ່ແທດຈິງ, ມີປະສິດທິຜົນຫຼາຍກວ່າ.
ລັດຖະມົນຕີຫວັງວ່າຫວຽດນາມ ແລະ ສ.ເກົາຫຼີ ຈະສືບຕໍ່ປະສານສົມທົບ, ສະແດງຈຸດຢືນທີ່ຕັ້ງໜ້າໃນການຮັກສາສັນຕິພາບ, ສະຖຽນລະພາບ, ຄວາມເປັນລະບຽບຮຽບຮ້ອຍເທິງໜ້ານ້ຳທະເລ, ເຄົາລົບເສລີພາບການເດີນເຮືອ, ການບິນ, ແກ້ໄຂຂໍ້ພິພາດເທິງທະເລຕາເວັນອອກດ້ວຍມາດຕະການສັນຕິວິທີບົນພື້ນຖານກົດໝາຍສາກົນ, ໃນນັ້ນມີສົນທິສັນຍາສະຫະປະຊາຊາດກ່ຽວກັບກົດໝາຍທາງທະເລ (UNCLOS) 1982; ສືບຕໍ່ສະໜັບສະໜູນການສ້າງປະມວນຂໍ້ກຳນົດການກະທຳເທິງທະເລຕາເວັນອອກ (COC) ຢ່າງແທດຈິງ, ມີປະສິດທິຜົນ, ແທດເໝາະກັບກົດໝາຍສາກົນ, (UNCLOS) 1982.
ວິລະຊົນ
