| ລາວມອບໃບຍ້ອງຍໍໃຫ້ສ່ວນບຸກຄົນ ແລະໝູ່ຄະນະຊາວຫວຽດນາມ ທີ່ຕັ້ງໜ້າເຄື່ອນໄຫວການກຸສົນ | |
| ກຽນຢາງ ສົ່ງຂອງຂວັນໜູນຊ່ວຍພີ່ນ້ອງຊາວຫວຽດນາມຢູ່ກຳປູເຈຍ ຕ້ອນຮັບບຸນປີໃຫມ່ປີຂານ 2022 |
ສຽງຂໍຄວາມຊ່ວຍເຫຼືອໃນຄໍ່າຄືນ
ໃນທ່າມກາງພະຍາດໂຄວິດ-19 ແຜ່ລະບາດຢ່າງຮຸນແຮງ, ພວມຢູ່ໃນເວລາຫ້າມອອກນອກເຮືອນ, ສະນັ້ນ ເຈົ້າໜ້າທີ່ກຳປູເຈຍໄດ້ຄວບຄຸມການໄປມາຂອງປະຊາຊົນຢ່າງເຂັ້ມງວດ. ລົດຂອງສະຖານກົງສູນໃຫຍ່ ສສ ຫວຽດນາມ ປະຈຳ Preah Sihanouk (ກຳປູເຈຍ) ຜ່ານດ່ານກວດກາ 10 ດ່ານ, ຍິ່ງໃຫ້ຈະໄປຮອດເຂດແດງ, ດ່ານກວດກາ ກໍ່ຍິ່ງຖີ່ ແລະ ກວດເຄັ່ງຄັດຂຶ້ນ. ຄວາມຫຍຸ້ງຍາກຫຼາຍຂຶ້ນເມື່ອຜູ້ປະສົບເຄາະຮ້າຍບໍ່ຮູ້ພາສາຂະແມ, ບໍ່ຄຸ້ນເຄີຍກັບພື້ນທີ່, ບໍ່ສາມາດນໍາໃຊ້ແອັບໂລເຄຊັນໃນໂທລະສັບ...
ໃນເຄື່ອງນຸ່ງປ້ອງກັນທີ່ແໜ້ນໜາ, ພາຍຫຼັງການຊອກຫາຢ່າງລໍາບາກເປັນເວລາເກືອບ 2 ຊົ່ວໂມງ, ສຸດທ້າຍ, ສະຖານກົງສູນໃຫຍ່ຫວຽດນາມ ປະຈຳແຂວງ Preah Sihanouk ກໍຮັບເອົາຄົນຫວຽດນາມ ທີ່ປະສົບກັບເຄາະຮ້າຍໄດ້ຢ່າງປອດໄພ (ເວລາຊ່ວງນັ້ນແມ່ນ 1:30 ໂມງເຊົ້າ).
ຜູ້ປະສົບເຄາະຮ້າຍຊື່ ເຟືອງ ຢູ່ແຂວງເງະອານ ໄປເຮັດວຽກຢູ່ກຳປູເຈຍ ປະມານ 2 - 3 ເດືອນກ່ອນ. ຍ້ອນລະດັບການອອກແຮງງານຫຼາຍ, ເງິນເດືອນ ຖືກຫຼຸດລົງ ແລະ ຖືກຍ້າຍໄປຫຼາຍບໍລິສັດຕ່າງໆເລື້ອຍໆ, ສະນັ້ນ ລາວ ຊອກວິທີອອກວຽກ ແລະ ປະສົບອຸບັດຕິເຫດ. ພົບປະກັບນັກການທູດ, ອ້າຍ ເຟືອງ ດີໃຈຫລາຍທີ່ສຸດ ແລະເບິ່ງຄືວ່າລືມຄວາມເຈັບປວດຂອງຕົນ.
ຕາມສະຖານກົງສູນໃຫຍ່ຫວຽດນາມ ປະຈຳ Preah Sihanouk (ກຳປູເຈຍ) ແລ້ວ, ນັບແຕ່ປີ 2020 ມາຮອດປະຈຸບັນ, ອົງການດັ່ງກ່າວໄດ້ຊ່ວຍເຫຼືອ ແລະ ໜູນຊ່ວຍດ້ານນິຕິກໍາໃຫ້ຫຼາຍຮ້ອຍກໍລະນີທີ່ຄ້າຍຄືກັນນີ້.
ບໍ່ຫວາດຫວັ່ນຕໍ່ການແຜ່ລະບາດຂອງພະຍາດ ແລະ ຄວາມຫຍຸ້ງຍາກໃນການເດີນທາງ, ສະຖານກົງສູນໃຫຍ່ຫວຽດນາມ ປະຈຳ Preah Sihanouk ໄດ້ນຳເອົາຂອງຂວັນນັບຮ້ອຍພູດໄປຊ່ວຍເຫຼືອປະຊາຊົນທຸກຍາກຢູ່ເຂດທີ່ຖືກຈໍາກັດ ບໍລິເວນ ຍ້ອນໂລກລະບາດ.
ທ່ານ ຫວູຫງອັກລີ ຫົວໜ້າສະຖານກົງສູນໃຫຍ່ ແບ່ງປັນວ່າ “ເຖິງວ່າຈະນ້ອຍ ຫຼືຫຼາຍກໍ່ຕາມ, ພໍ່ແມ່ປະຊາຊົນທຸກຄົນທີ່ມາຫາພວກເຮົາກໍ່ໄດ້ຮັບການຊ່ວຍເຫຼືອເພື່ອຜ່ານຜ່າຄວາມຫຍຸ້ງຍາກຢູ່ຕ່າງປະເທດ. ຂ້າພະເຈົ້າຮູ້ສຶກຕື້ນຕັນໃຈ ເມື່ອໄດ້ພ້ອມກັບອ້າຍນ້ອງໄປມອບຂອງຂວັນໃຫ້ພໍ່ແມ່ປະຊາຊົນ, ໃນຂະນະນັ້ນ ໄດ້ມີຄົນບໍ່ຮັບຂອງຂວັນ ເພື່ອສະຫງວນໃຫ້ຄົນທີ່ປະສົບກັບຫຍຸ້ງຍາກກວ່າ”.
 |
| ສະມາຄົມຊາວຂະແມ - ຫວຽດນາມ ແຂວງ Takeo (ກໍາປູເຈຍ) ມອບເຂົ້າສານໃຫ້ປະຊາຊົນກໍາປູເຈຍ ເຊື້ອຊາດຫວຽດນາມ ທຸກຍາກ. |
ທ່ານ ດວ່ານວັນເຮົ້າ , ຮອງປະທານສະມາຄົມຊາວຂະແມ - ຫວຽດນາມ ແຂວງ Takeo (ກໍາປູເຈຍ) ໃຫ້ຮູ້ວ່າ: ໃນຊຸມປີມໍ່ໆມານີ້, ປະຊາຄົມຊາວ ຫວຽດນາມ ຢູ່ແຂວງ Takeo ກໍໄດ້ຮັບຄວາມເອົາໃຈໃສ່, ແບ່ງປັນ ແລະ ໜູນຊ່ວຍຈາກບ້ານເກີດເມືອງນອນ ລວມມີທັງເງິນ, ສິ່ງຂອງທີ່ຈຳເປັນ; ອຸປະກອນການແພດ ...
“ພາຍຫຼັງໄດ້ຮັບຂອງຂວັນໜູນຊ່ວຍ, ຄະນະບໍລິຫານງານສະມາຄົມຊາວຂະແມ - ຫວຽດນາມ ແຂວງ Takeo ໄດ້ຈັດຕັ້ງການແຈກຢາຍຂອງຂວັນໃຫ້ປະຊາຄົມຊາວຫວຽດນາມ ຢູ່ແຂວງ Takeo, ຢູ່ບາງບ່ອນ, ພວກຂ້າພະເຈົ້າໄດ້ເຊົ່າເຮືອຈັກໄປຍັງເຂດຫ່າງໄກສອກຫຼີກ. ໃນນັ້ນ, ມີບັນດາຄອບຄົວທີ່ມີແຕ່ຜູ້ເຖົ້າຜູ້ແກ່ຢູ່ຄົນດຽວ, ລູກຫລານເຮັດວຽກເປັນກຳມະກອນ, ເມື່ອເຫັນສະມາຄົມມາຢ້ຽມຢາມ ແລະ ມອບຂອງຂວັນ, ຊາວຫວຽດນາມ ອາໄສຢູ່ຕ່າງປະເທດເປັນຈຳນວນຫຼວງຫຼາຍກໍຮູ້ສຶກຕື້ນຕັນໃຈ, ຂອບອົກຂອບໃຈຕໍ່ປະເທດຊາດ, ບ້ານເກີດເມືອງນອນທີ່ຍັງບໍ່ລືມເຂົາເຈົ້າ”. .
ບໍ່ພຽງແຕ່ຊ່ວຍເຫຼືອເງິນ ແລະ ເຄື່ອງໃຊ້ຈຳເປັນໃຫ້ຊາວຫວຽດນາມ ອາໄສຢູ່ຕ່າງປະເທດເທົ່ານັ້ນ, ຕາມທ່ານ Hau, ຄະນະບໍລິຫານງານສະມາຄົມຊາວຂະແມ-ຫວຽດນາມ ແຂວງ Takeo ຍັງເປັນຫ່ວງໃຫ້ພໍ່ແມ່ປະຊາຊົນໃນເລື່ອງສັກວັກຊິນກັນພະຍາດໂຄວິດ-19. ປະຈຸບັນ, ຊາວຂະແມ ເຊື້ອຊາດຫວຽດນາມ ຢູ່ແຂວງ Takeo ສ່ວນຫຼາຍໄດ້ຮັບການສັກວັກຊິນກັນພະຍາດໂຄວິດ-19 ແລ້ວ.
ໜູນຊ່ວຍໂດຍກົງໃຫ້ຄອບຄົວຊາວຂະແມ ເຊື້ອຊາດຫວຽດນາມ ເກືອບ 16.000 ຄອບຄົວ
ຍ້ອນວ່າໃນ 2 ປີຜ່ານມາ, ຕໍ່ໜ້າພະຍາດໂຄວິດ-19 ທີ່ແຜ່ລະບາດຢ່າງແຮງ ສົ່ງຜົນສະທ້ອນຢ່າງໜັກໜ່ວງເຖິງຊີວິດການເປັນຢູ່ຂອງປະຊາຊົນຢູ່ບັນດາປະເທດ, ຄະນະກຳມະການແຫ່ງລັດກ່ຽວກັບຊາວຫວຽດນາມ ອາໄສຢູ່ຕ່າງປະເທດ ນະຄອນ ໂຮ່ຈີມິນ ບໍ່ໄດ້ຈັດຕັ້ງຄະນະຜູ້ປະຕິບັດງານໄປຢ້ຽມຢາມປະຊາຄົມຊາວ ຫວຽດນາມ ອາໄສຢູ່ຕ່າງປະເທດ ແລະ ປະຊາຊົນທີ່ອາໄສຢູ່ກໍາປູເຈຍ ໂດຍກົງ ຄືກັບປີທີ່ຜ່ານມາ.
ເພື່ອໜູນຊ່ວຍ ແລະ ຊ່ວຍເຫຼືອຊາວຫວຽດນາມ ອາໄສຢູ່ຕ່າງປະເທດ ຜ່ານຜ່າຄວາມຫຍຸ້ງຍາກຢ່າງທັນການ, ວັນທີ 11 ພະຈິກ 2021, ຢູ່ດ່ານຊາຍແດນສາກົນເທື່ອງເຟືອກ, ແຂວງດົ່ງທາບ, ຄະນະກຳມະການແຫ່ງລັດກ່ຽວກັບຊາວຫວຽດນາມ ອາໄສຢູ່ຕ່າງປະເທດ ນະຄອນ ໂຮ່ຈີມິນ ໄດ້ຈັດຕັ້ງພິທີມອບຂອງຂວັນໃຫ້ຊາວຫວຽດນາມ ອາໄສຢູ່ຕ່າງປະເທດ ແລະ ປະຊາຊົນທີ່ປະສົບກັບຄວາມຫຍຸ້ງຍາກຢູ່ ກຳປູເຈຍ ຜ່ານຜູ້ຕາງໜ້າສະມາຄົມຂະແມ - ຫວຽດນາມ ແລະ ສະມາຄົມຊາວຫວຽດນາມ ຢູ່ທ້ອງຖິ່ນ ປະເທດປະຈໍາຖິ່ນ ດ້ວຍຍອດມູນຄ່າ 1,5 ຕື້ດົ່ງ.
 |
| ມອບຂອງຂວັນຊ່ວຍເຫຼືອຊາວຫວຽດນາມ ອາໄສຢູ່ກຳປູເຈຍ. |
ຂອງຂວັນແຕ່ລະພູດລວມມີ 2 ລ້ານດົ່ງ ໄດ້ມອບໃຫ້ຊາວຫວຽດນາມ ອາໄສຢູ່ຕ່າງປະເທດ 750 ຄົນຢູ່ 3 ແຂວງ, ນະຄອນຂອງກຳປູເຈຍ, ໃນນັ້ນ ລວມມີ: ນະຄອນຫຼວງພະນົມເປັນ, ແຂວງ Kandal ແລະ ແຂວງ Prey Veng. ນອກນີ້, ຄະນະກຳມະການແຫ່ງລັດກ່ຽວກັບຊາວຫວຽດນາມ ອາໄສຢູ່ຕ່າງປະເທດນະຄອນ ໂຮ່ຈີມິນ ຍັງໄດ້ມອບເຄື່ອງຊ່ວຍເຫຼືອ ລວມມີ: ຜ້າອັດປາກອັດດັງ 15.000 ອັນ, ນ້ຳຢາລ້າງມື 200 ຕຸກ, ເຄື່ອງນຸ່ງເດັກນ້ອຍ 1.000 ຜືນ ແລະ ເຂົ້າສານ 2,5 ໂຕນ.
ທ່ານ ຫວໍແມ່ງເຈິດ ຮອງປະທານກໍາມະການກ່ຽວກັບຊາວຫວຽດນາມ ອາໄສ ຢູ່ຕ່າງປະເທດ ນະຄອນໂຮ່ຈີມິນ ແບ່ງປັນວ່າ “ອົງຄະນະພັກ, ອໍານາດການປົກ ຄອງ ແລະ ປະຊາຊົນນະຄອນ ໂຮ່ຈີມິນ ຈະມອບຂອງຂວັນນີ້ໃຫ້ເຖິງມືໃຫ້ແກ່ຊາວຫວຽດນາມ ອາໄສຢູ່ຕ່າງປະເທດ ແລະ ຊາວກຳປູເຈຍ ຢ່າງແທ້ຈິງ, ທັນການ, ເຄົາລົບ ແລະ ເຕັມໄປດ້ວຍຄວາມໝາຍ, ຝາກຄວາມຮັກແພງ, ຄວາມໄວ້ເນື້ອເຊື່ອໃຈຂອງປະຊາຊົນທີ່ມີຕໍ່ປະຊາຄົມຊາວຫວຽດນາມ ອາໄສຢູ່ກຳປູເຈຍ.
ຕາມຄະນະກຳມະການແຫ່ງລັດກ່ຽວກັບຊາວຫວຽດນາມ ອາໄສຢູ່ຕ່າງປະເທດແລ້ວ, ບົນພື້ນຖານຂໍ້ສະເໜີຂອງກະຊວງການຕ່າງປະເທດ, ທ່ານນາຍົກລັດຖະມົນຕີ ໄດ້ອະນຸມັດຜ່ານງົບປະມານຈັດແບ່ງ 70.000 USD ແລະ 352 ລ້ານດົ່ງ ຈາກງົບປະມານໜູນຊ່ວຍການປ້ອງກັນ, ຕ້ານໂລກລະບາດ ໂຄວິດ – 19 ໂດຍຄະນະກຳມະການສູນກາງແນວໂຮມປະເທດຊາດຫວຽດນາມ ປະສານງານ ເພື່ອໜູນຊ່ວຍຊາວຂະແມ ເຊື້ອຊາດຫວຽດນາມ ອາໄສຢູ່ກຳປູເຈຍ.
ມາຮອດປະຈຸບັນ, ກະຊວງການຕ່າງປະເທດໄດ້ລະດົມ ແລະ ສົ່ງໜູນຊ່ວຍປະຊາຄົມຊາວຫວຽດນາມ ອາໄສຢູ່ ກຳປູເຈຍ ຜ້າອັດປາກອັດດັງ 145.000 ອັນ ແລະ ບັນດາອຸປະກອນກາແພດຫຼາຍຢ່າງເພື່ອປ້ອງກັນ, ຕ້ານພະຍາດລະບາດ… ໃຫ້ ຄອບຄົວຊາວຂະແມ ເຊື້ອຊາດຫວຽດນາມ ທີ່ປະສົບກັບຄວາມຫຍຸ້ງຍາກ ເກືອບ 16.000 ຄອບຄົວ ຢູ່ 16 ແຂວງ, ນະຄອນຂອງ ກຳປູເຈຍ. ຄຽງຂ້າງນັ້ນ, ໃນດ້ານພົວພັນຕ່າງປະເທດ, ຫວຽດນາມ ກໍ່ສະເໜີໃຫ້ຝ່າຍກຳປູເຈຍ ສັກວັກຊິນກັນພະຍາດໂຄວິດ-19 ໃຫ້ປະຊາຄົມຊາວຂະແມ ເຊື້ອຊາດຫວຽດນາມ. ມາຮອດປະຈຸບັນ, ປະຊາຄົມສ່ວນຫຼາຍໄດ້ຮັບການສັກຢາແລ້ວ.
ບູນມີ
