| ເບິ່ງແຍງດູແລບຸນເຕັດປະຈຳຊາດ ໃຫ້ແກ່ປະຊາຊົນບັນດາທ້ອງຖິ່ນ | |
| ຜ່ານຜ່າຄວາມຫຍຸ້ງຍາກ, ພໍ່ແມ່ປະຊາຊົນຊາວຫວຽດນາມ ອາໄສຢູ່ຕ່າງປະເທດ ມີການປະກອບສ່ວນຫຼາຍຢ່າງໃຫ້ຫແກ່ປະເທດຊາດ |
 |
| ທ່ານ ຫງວຽນວັນຢວາງ ຮອງປະທານສະຫະພັນບັນດາອົງການຈັດຕັ້ງມິດຕະພາບ ຫວຽດນາມ |
3 ການຫັນປ່ຽນໃໝ່
ປີ 2021, VUFO ມີບັນດາການເຄື່ອນໄຫວຄື: ປະກາດໃຊ້ບັນດາຂໍ້ກຳນົດ, ກົດລະບຽບ, ການແນະນຳ, ຈັດຕັ້ງ, ກອງປະຊຸມສຳມະນາ, ກອງປະຊຸມ, ການຝຶກອົບຮົມ, ເຮັດວຽກໂດຍກົງ, ທາງໄກ ຕາມຫົວຂໍ້ສະເພາະ... ດ້ວຍບັນດາສະຫະພັນທ້ອງຖິ່ນ ແລະ ຫຼາຍອົງການຈັດຕັ້ງສະມາຊິກ. ເນື້ອໃນຂອງການເຄື່ອນໄຫວແມ່ນແຜ່ຂະຫຍາຍ, ໄຈ້ແຍກບົດບາດ, ໜ້າທີ່, ທິດທາງ, ວິທີການປະຕິບັດວຽກງານການທູດປະຊາຊົນ... ພ້ອມກັບຄວາມຕັ້ງໜ້າໃນການສົມທົບກັບແຕ່ລະທ້ອງຖິ່ນ ບັນຫາກ່ຽວກັບຄວາມຮັບຮູ້ຂັ້ນຮາກຖານໄດ້ມີການຫັນປ່ຽນຫຼາຍຢ່າງ. ໄປຄຽງຄູ່ກັບບັນດາການເຄື່ອນໄຫວນີ້, VUFO ໄດ້ພົບປະ, ເຮັດວຽກກັບຄະນະພັກທຸກຂັ້ນ, ອຳນາດການປົກຄອງບັນດາແຂວງ, ນະຄອນກ່ຽວກັບເນື້ອໃນດັ່ງກ່າວ. ຄວາມຮັບຮູ້, ຈິນຕະນາການ, ທັດສະນະຂອງການທູດປະຊາຊົນຢູ່ບັນດາອົງການນີ້ ກໍ່ຄືບັນດາພະແນກ, ຄະນະ, ຂະແໜງການ ທ້ອງຖິ່ນໄດ້ຮັບການຍົກສູງຂຶ້ນ. ການນຳບາງແຂວງນະຄອນໄດ້ກ່າວຄຳເຫັນວ່າ: ເມື່ອຮັບເອົາບັນດາຂໍ້ມູນ, ເອກະສານຢ່າງເປັນທາງການ, ຮອບດ້ານກ່ຽວກັບການປະຕິບັດວຽກງານການທູດປະຊາຊົນ ຫຼື ເຮັດວຽກ, ແລກປ່ຽນໂດຍກົງ ກັບ VUFO, ເຂົ້າເຈົ້າໄດ້ປ່ຽນແປງຄວາມຮັບຮູ້ກ່ຽວກັບຂົງເຂດນີ້ຢ່າງເລິກເຊິ່ງກ່ວາອີກ. ມີຫຼາຍທ້ອງຖິ່ນໄດ້ເຂົ້າຮ່ວມການເຊື່ອມຊືມ, ປັບປຸງ, ຊຸກຍູ້ວຽກງານການທູດປະຊາຊົນໂດຍໄວ. ມີສະຫະພັນມິດຕະພາບທ້ອງຖິ່ນ ຫຼາຍແຫ່ງໄດ້ ບູລະນະກົງຈັກ, ຈັດຕັ້ງຕາມທິດຍົກສູງຄຸນນະພາບ ແລະ ຈຳນວນ, ແທດຈິງ ແລະ ປະສິດທິຜົນກ່ວາອີກ.
ໝາກຜົນອັນໜຶ່ງກໍ່ກ່ຽວກັບການປ່ຽນແປງຄວາມຮັບຮູ້ຂອງປະຊາຄົມທ້ອງຖິ່ນແມ່ນວຽກງານການທູດປະຊາຊົນບໍ່ພຽງແຕ່ແມ່ນຂອງອົງການສະເພາະກິດເຊິ່ງແມ່ນລະບົບສະຫະພັນມິດຕະພາບເທົ່ານັ້ນ ຫາກຍັງຢູ່ຫຼາຍພະແນກ, ຄະນະ, ຂະແໜງການ ແລະ ບັນດາອົງການຈັດຕັ້ງປະຊາຊົນ, ການເມືອງ, ສັງຄົມ, ໝູ່ຄະນະ, ວິສາຫະກິດນຳອີກ... ຜົນປະໂຫຍດໃຫ້ແກ່ບັນດາເປົ້າໝາຍເຂົ້າຮ່ວມວຽກງານນີ້ ແມ່ນຈະແຈ້ງ ແລະ ແທດຈິງ. ດ້ວຍບັນດາແຂວງ, ນະຄອນເຂດຊາຍແດນ, ເຂດພັດທະນາການທ່ອງທ່ຽວ, ການລົງທຶນຈາກຕ່າງປະເທດ ໂດຍມີຄວາມເປັນໄປໄດ້ສູງ ແລະ ຄວາມສາມາດບົ່ມຊ້ອນຮັບຜົນປະໂຫຍດຢ່າງສູງ. ການສົມທົບກັນ, ປະສານງານລະຫວ່າງການເຄື່ອນໄຫວວິຊາສະເພາະ ກັບການທູດປະຊາຊົນຍິ່ງສະດວກ ແລະ ເປັນປະໂຫຍດ.
ການຫັນປ່ຽນທີ 2 ແມ່ນປ່ຽນແປງໃໝ່ກ່ຽວກັບວິທີການເຄື່ອນໄຫວ, ປີ 2021, VUFO ໄດ້ປະກາດໃຊ້ຂໍ້ຕົກລົງແບ່ງເຂດໃຫ້ແກ່ບັນດາສະຫະພັນມິດຕະພາບທ້ອງຖິ່ນ ເພື່ອສົມທົບກັນເຄື່ອນໄຫວ. 52 ສະຫະພັນມິດຕະພາບ ບັນດາແຂວງ, ນະຄອນ ໄດ້ແບ່ງເປັນ 5 ກຸ່ມ ອີງຕາມລັກສະນະພູມີປະເທດ, ຮູບແບບການຈັດຕັ້ງ ແລະ ຄວາມສາມາດບົ່ມຊ້ອນ. ເປົ້າໝາຍແມ່ນແບ່ງປັນ, ຮ່ຳຮຽນປະສົບກັນເຊິ່ງກັນແລະກັນ ແລະ ສົມທົບກັນຈັດຕັ້ງການເຄື່ອນໄຫວດ້ານວິຊາສະເພາະ. ບັນດາການເຄື່ອນໄຫວການທູດປະຊາຊົນ ໄດ້ຍົກສູງຂຶ້ນຫຼາຍພໍສົມຄວນ ກ່ຽວກັບປະສິດທິຜົນຂອງການປະຕິບັດງານ, ຄວາມສາມາດບົ່ມຊ້ອນກໍ່ຄືຈິດໃຈ.
ການຫັນປ່ຽນທີ 3 ແມ່ນຍຸດທະສາດຈັດຕັ້ງການເຄື່ອນໄຫວ, ບັນດາທ້ອງຖິ່ນໄດ້ກຳນົດວ່າ: ບໍ່ປະຕິບັດຫຼາຍເປົ້າໝາຍ, ຫຼາຍລາຍການເກີນໄປ ແຕ່ຕ້ອງເປັນເຈົ້າການໃນການເລືອກວຽກເຮັດງານທຳທີ່ມີຄວາມເປັນໄປໄດ້ສູງ ແລະ ມີປະສິດທິຜົນ. ນັ້ນແມ່ນບັນດາການເຄື່ອນໄຫວ, ບັນດາຊ່ອງທາງທີ່ມີທ່າໄດ້ປຽບ, ຈຸດສຸມຂອງແຕ່ລະທ້ອງຖິ່ນ.
ຍົກຕົວຢ່າງຄືການເຄື່ອນໄຫວທາງການທູດ, ສັນຕິພາບ, ມີຄວາມສາມັກຄີ, ບໍ່ຂຶ້ນກັບລັດຖະບານນັ້ນ, ດ່ານັ້ງ, ຮ່າໂນ້ຍ, ນະຄອນໂຮ່ຈີມິນ, ດົ່ງນາຍ ມີຄວາມສະດວກ ດັ່ງນັ້ນ ຈິ່ງຜັນຂະຫຍາຍເປີດກວ້າງ, ຫັນເປັນຫຼາຍຮູບແບບ, ຫຼາຍຄູ່ຮ່ວມມື. ບັນດາທ້ອງຖິ່ນຄື ລາຍເຈົາ, ກ໋ວາງບິ່ງ, ກ໋ວາງຈິ... ພັດສຸມໃສ່ຂຸດຄົ້ນການເຄື່ອນໄຫວມິດຕະພາບເຂດຊາຍແດນຜ່ານການເຄື່ອນໄຫວຄືແຮກສ່ຽວ, ຢື້ຢາມຖາມຂ່າວເຊິ່ງກັນແລະກັນ. ບັນດາແຂວງຢູ່ເຂດພາກຕາເວັນຕົກສ່ຽງໃຕ້ ຕ້ອງຜັນຂະຫຍາຍບັນດາການເຄື່ອນໄຫວໜູນຊ່ວຍຊາວກຳປູເຈຍ ເຊື້ອຊາດຫວຽດນາມ ທີ່ປະສົບກັບຄວາມຫຍຸ້ງຍາກເມື່ອກັບເມືອປະເທດ...
ຈາກບັນດາການປ່ຽນແປງໃໝ່ດັ່ງກ່າວ, ປີ 2021, ລະບົບບັນດາສະຫະພັນມິດຕະພາບແຂວງ, ນະຄອນເວົ້າສະເພາະ, ວຽກງານການທູດປະຊາຊົນທ້ອງຖິ່ນເວົ້າລວມ ໄດ້ຮັບມື, ແກ້ໄຂຄວາມຫຍຸ້ງຍາກ ຈາກພະຍາດໂຄວິດ - 19 ຍົກລະດັບຄວາມສຳຄັນກ່ຽວກັບຄຸນນະພາບກົງຈັກ, ຄຸນນະພາບໃນການເຄື່ອນໄຫວ. ຄວາມຮັບຮູ້ລວມ ກ່ຽວກັບການທູດປະຊາຊົນທັງຢູ່ພາຍໃນ ແລະ ນອກລະບົບ ໄດ້ຮັບການປັບປຸງໂດຍພື້ນຖານ ແລະ ຫຼາຍພໍສົມຄວນ. ມີການເຄື່ອນໄຫວຫຼາຍຢ່າງໄດ້ຮັບການຈັດຕັ້ງຢ່າງສຳເລັດຜົນ. ມີບັນດາກົນໄກ, ຮູບແບບ, ວິທີການເຄື່ອນໄຫວໃໝ່ໄດ້ຮັບການສ້າງຕັ້ງຂຶ້ນ. ມີແຜນນະໂຍບາຍ, ແຜນການທີ່ມີຫົວຄິດປະດິດສ້າງ, ການກໍ່ສ້າງພື້ນຖານໃຫ້ແກ່ວຽກງານໃນໄລຍະຍາວ.
3 ປະສົບການອັນລ້ຳຄ່າ
ຄວາມຫຍຸ້ງຍາກບໍ່ແມ່ນໜ້ອຍຢູ່ບາງທ້ອງຖິ່ນແມ່ນ ຄະນະພັກ, ອຳນາດການປົກຄອງ, ພະແນກ, ຂະແໜງການ ຍັງບໍ່ທັນມີຄວາມເຂົ້າໃຈຢ່າງຖືກຕ້ອງ, ພຽງພໍ ແລະ ບໍ່ມີການຊີ້ນຳ, ຈັດຕັ້ງວຽກງານການທູດປະຊາຊົນຢ່າງທັນການ. ເຖິງຢ່າງໃດກໍ່ຕາມ, ບັນດາສະຫະພັນມິດຕະພາບທ້ອງຖິ່ນ ເປັນເຈົ້າການໃນການລາຍງານ, ອະທິບາຍ, ສະເໜີ, ເປັນເສນາທິການຢ່າງທັນການ, ຕັ້ງໜ້າກັບຂັ້ນເທິງຄື ໂຄສະນາ, ລະດົມບັນດາຫົວໜ່ວຍ, ອົງການຈັດຕັ້ງຕ່າງໆເປັນຢ່າງດີນັ້ນ ປະສິດທິຜົນໃນການປະຕິບັດວຽກງານກໍຈະສູງ. ດ້ານອື່ນ, ບັນດາສະຫະພັນມິດຕະພາບນີ້ ກໍ່ຕິດແທດ, ຍາດແຍ່ງໄດ້ການແນະນຳ, ກຳນົດທິດຈາກ VUFO. ເມື່ອໄດ້ຮັບການໜູນຊ່ວຍ, ໄດ້ຮັບການມອບໝາຍວຽກງານ, ຮູ້ວິທີປະຕິບັດງານ ແນ່ນອນວ່າ ຈະເພີ່ມ ປະສິດທິຜົນຂຶ້ນ. ຈາກນັ້ນ, ອິດທິພົນຊື່ສຽງ, ແຫຼ່ງກຳລັງ, ກຳລັງແຜ່ຂະຫຍາຍກໍ່ດີຂຶ້ນ.
ປະສົບການທີ 2 ແມ່ນລັກສະນະເປັນເຈົ້າການຂອງບັນດາສະຫະພັນມິດຕະພາບ ທ້ອງຖິ່ນ. ເປັນເຈົ້າການກຳນົດທິດ, ເປົ້າໝາຍ, ກໍ່ສ້າງແຜນການ, ແຜນຮ່າງ, ໂຄງການ. ເປັນເຈົ້າການເຊື່ອມຕໍ່, ເຊື່ອມໂຍງ, ປະສົມປະສານ. ເປັນເຈົ້າການເປັນເສນາທິການ, ສະເໜີ. ມີຄຳເຫັນຖືວ່າ: ວຽກງານການທູດປະຊາຊົນຢູ່ທ້ອງຖິ່ນ ຖ້າບໍ່ປະຕິບັດ ແມ່ນຈະບໍ່ຮູ້ວ່າຈະເຮັດຫຍັງ. ຖ້າປະຕິບັດ ຈະຮູ້ວ່າ ວຽກເຮັດບໍ່ໝົດຈັກເທື່ອ. ໝາຍຄວາມວ່າພວກເຮົາຕ້ອງເປັນເຈົ້າການກ້າຄິດກ້າທຳ ແລະ ຕ້ອງມີການກະທຳ.
ປະສົບການທີ 3 ແມ່ນການເຊື່ອມຕໍ່ ແລະ ຮ່ວມມື. ນັ້ນແມ່ນໃນລະບົບສະຫະພັນມິດຕະພາບຕ້ອງມີການເຊື່ອມຕໍ່ລະຫວ່າງບັນດາທ້ອງຖິ່ນນຳກັນ. ຢູ່ຝ່າຍນອກແມ່ນການສົມທົບກັບບັນດາພະແນກ, ຂະແໜງການ, ອົງການຈັດຕັ້ງການເມືອງ, ສັງຄົມ, ໝູ່ຄະນະຄືທະຫານປ້ອງກັນຊາຍແດນ, ຕຳຫຼວດ, ການພົວພັນຕ່າງປະເທດ, ສະພາກາແດງ, ຄະນະຊາວໜຸ່ມ, ສະມາຄົມແມ່ຍິງ... ບັນດາຫົວໜ່ວຍນີ້ນັບມື້ນັບມີການເຄື່ອນໄຫວຢ່າງຟົດຟື້ນກ່ຽວກັບການທູດປະຊາຊົນ, ຖ້າພວກເຮົາສົມທົບກັນໄດ້ ແມ່ນຈະທັງເຂັ້ມແຂງດ້ານກຳລັງ, ທັງເພີ່ມອິດທິພົນຊື່ສຽງ, ທັງມີຕື່ມປະສົບການອີກ ແລະ ແນ່ນອນວ່າກາລະໂອກາດປະສົບຜົນສຳເລັດຈະນັບມື້ນັບສູງຂຶ້ນ.
3 ການກຳນົດທິດພື້ນຖານ
ປີ 2022, ໃນວຽກງານຊຸກຍູ້, ໜູນຊ່ວຍການພັດທະນາບັນດາສະຫະພັນມິດຕະພາບທ້ອງຖິ່ນ, VUFO ຈະສືບຕໍ່ສຸມໃສ່ເອົາໃຈໃສ່ເຖິງບັນດາອົງການຈັດຕັ້ງ, ຫົວໜ່ວຍຍັງມີຈຸດອ່ອນ. ກ່ອນອື່ນໝົດແມ່ນພວກເຮົາຕ້ອງຜັນຂະຫຍາຍໂຄງການສຳຫຼວດກວດກາ, ສັງລວມ, ໄຈ້ແຍກ ແລະ ຕີລາຄາຢ່າງຮອບດ້ານສະພາບເຄື່ອນໄຫວຂອງບັນດາສະຫະພັນມິດຕະພາບທ້ອງຖິ່ນໃຫ້ເປັນຢ່າງດີ. ບັນດາບັນຫາກ່ຽວກັບຮູບແບບ, ການຈັດຕັ້ງກົງຈັກ, ລະບອບນະໂຍບາຍ, ແຫຼ່ງກຳລັງ, ຄວາມສະດວກ, ສິ່ງທ້າທາຍ... ຕ້ອງເຮັດໃຫ້ຈະແຈ້ງ.
ທີ 2, VUFO ຈະຕັ້ງໜ້າກ່ວາອີກ, ເດັດດ່ຽວ, ປະຕິບັດບັນດາມາດຕະການຢ່າງຄົບຊຸດເພື່ອເຜີຍແຜ່, ໂຄສະນາ, ເພື່ອສະເໜີແນະແກ້ໄຂຄວາມຫຍຸ້ງຍາກ, ຂໍ້ຕິດຂັດ... ໄປຍັງບັນດາອົງການທີ່ມີສິດອຳນາດຂັ້ນສູນກາງ ແລະ ທ້ອງຖິ່ນ ເພື່ອແນໃສ່ຫັນແຜນນະໂຍບາຍຂອງພັກ ກ່ຽວກັບການພັດທະນາການທູດປະຊາຊົນເວົ້າລວມ ແລະ ສະຫະພັນບັນດາອົງການມິດຕະພາບບັນດາທ້ອງຖິ່ນເວົ້າສະເພາະ ໃຫ້ປະກົດຜົນເປັນຈິງ.
ທີ 3, VUFO ຈະຕິດຕາມ, ເດັດດ່ຽວໜູນຊ່ວຍບັນດາໜ່ວຍງານ, ອົງການຈັດຕັ້ງສະມາຊິກນີ້ຂອງຕົນໃນບັນດາການເຄື່ອນໄຫວໃຫຍ່ນ້ອຍ ກໍ່ຄືຄູ່ຮ່ວມມື, ກາລະໂອກາດ, ຄວາມຮູ້, ບົດຮຽນ, ປະສົບການ, ທັກສະ... ເປົ້າໝາຍເພື່ອແນໃສ່ເສີມຂະຫຍາຍ, ທະວີຄູນບັນດາຮູບແບບ, ວິທີປະຕິບັດທີ່ດີ, ແກ້ໄຂບັນດາຂໍ້ຈຳກັດ, ຈຸດອ່ອນ ໃນປັດຈຸບັນ.
ດ້ວຍທິດນຳທີ່ວ່າ: “ປ່ຽນແປງໃໝ່, ເປັນເຈົ້າການ, ມີໄຫວພິບ, ປະດິດຄິດສ້າງ, ມີປະສິດທິຜົນ” ແລະ ການຮັບມືໂດຍໄວ, ມີໄຫວພິບ, ລະບົບສະຫະພັນມິດຕະພາບເວົ້າລວມ ແລະ ບັນດາອົງການຈັດຕັ້ງສະມາຊິກຢູ່ທ້ອງຖິ່ນ ຈະສືບຕໍ່ບັນລຸໄດ້ຜົນສຳເລັດ, ສືບຕໍ່ຢັ້ງຢືນທີ່ຕັ້ງບົດບາດ, ອິດທິພົນຊື່ສຽງຂອງການທູດປະຊາຊົນ ປະກອບສ່ວນປະຕິບັດບົດບາດແມ່ນໜຶ່ງໃນ 3 ເສົາຄ້ຳການທູດຂອງພັກ ແລະ ລັດເຮົາໃຫ້ເປັນຢ່າງດີ.
ບຸນຄົງ
