 |
| ລຸງໂຮ່ລົງຢ້ຽມຢາມ ແລະ ອວຍພອນປີໃໝ່ ປະຊາຊົນ (ພາບ: ຄະນະຈັດຕັ້ງ) |
ເນື່ອງໃນໂອກາດລະດູບານໃໝ່ປີຂານ 2022 ແລະ ສະເຫຼີມສະຫຼອງ 92 ປີແຫ່ງວັນສ້າງຕັ້ງພັກກອມມູນິດ ຫວຽດນາມ (3 ກຸມພາ 1930 – 3 ກຸມພາ 2022), ນັບແຕ່ວັນທີ 26 ມັງກອນ ຫາວັນທີ 30 ມີນາ, ຢູ່ສູນວາງສະແດງວັດທະນະທຳສິລະປະ ຫວຽດນາມ (ເຮືອນເລກທີ 2, ຖະໜົນຮວາລື, ຮ່າໂນ້ຍ) ໄດ້ດຳເນີນງານວາງສະແດງພາບຖ່າຍ “ປະເທດຊາດກ້າວເຂົ້າສູ່ລະດູບານໃໝ່”.
ງານວາງສະແດງລວມມີ 2 ເນື້ອໃນ ດ້ວຍ 2 ຫົວຂໍ້ຫຼັກແມ່ນ “ລະດູບານໃໝ່ມາສູ່ ພັກ” ແລະ “ສີສັນແຫ່ງລະດູບານໃໝ່ ຢູ່ທຸກແຖບຖິ່ນໃນທົ່ວປະເທດ”. ງານວາງສະແດງດ້ວຍຫົວຂໍ້ “ລະດູບານໃໝ່ມາສູ່ພັກ” ໄດ້ສະແດງພາບຖ່າຍ 40 ແຜ່ນ ໂດຍສະແດງໃຫ້ເຫັນຄວາມເອົາໃຈໃສ່ຂອງ ປະທານໂຮ່ຈີມິນ ແລະ ບັນດາການນຳພັກ, ລັດ ຕໍ່ປະຊາຊົນໃນທົ່ວປະເທດເນື່ອງໃນໂອກາດບຸນເຕັດວຽນມາ.
ງານວາງສະແດງພາບຖ່າຍທີ່ມີຫົວຂໍ້ “ສີສັນແຫ່ງລະດູບານໃໝ່ຢູ່ທຸກແຖບຖິ່ນໃນທົ່ວປະເທດ” ໄດ້ວາງສະແດງພາບຖ່າຍກ່ວາ 100 ແຜ່ນ ຊຶ່ງສະແດງໃຫ້ເຫັນຮູບພາບການຕ້ອນຮັບບຸນເຕັດລະດູບານໃໝ່ຢ່າງເບີກບານມ່ວນຊື່ນຢູ່ທຸກແຖບທິ່ນໃນທົ່ວປະເທດ ພ້ອມກັບຮູບພາບຂອງຊາວຫວຽດນາມ ອາໄສຢູ່່ຕ່າງປະເທດຕ້ອນຮັບບຸນເຕັດຢູ່ຕ່າງປະເທດ.
vovworld.vn
