 |
| ມອບຂອງຂວັນໃຫ້ແກ່ຜູ້ທຸກຍາກ |
ຫວ່າງແລ້ວນີ້, ຄະນະຊີ້ນຳບຸນເຕັດ ທະຫານ - ປະຊາຊົນ ແຂວງ ຊອກຈັງ ໄດ້ຈັດຕັ້ງ 2 ຄະນະປະຕິບັດງານ ໄປຢ້ຽມຢາມ, ມອບຂອງຂັວນ 450 ພູດ, ເຮືອນ ມະຫາສາມັກຄີ 6 ຫຼັງ ໃຫ້ແກ່ຄອບຄົວເປົ້າໝາຍນະໂຍບາຍ, ຄອບຄົວປະສົບກັບຄວາມຫຍຸ້ງຍາກ, ມອບລົດຖີບ 40 ຄັນ, ທຶນການສຶກສາ 120 ພູດ ໃຫ້ແກ່ບັນດານັກຮຽນທີ່ບືນຕົວຂຶ້ນຜ່ານຜ່າຄວາມຫຍຸ້ງຍາກ, ຮຽນເກັ່ງ... ດ້ວຍຍອດເງິນເກືອບ 800 ລ້ານດົ່ງ.
ບຸນເຕັດທະຫານ - ປະຊາຊົນ ແມ່ນຮູບແບບ “ຂົນຂວາຍປະຊາຊົນຢ່າງຄ່ອງແຄ້ວ” ໂດຍແຂວງ ຊອກຈັງ ຈັດຕັ້ງໃນຫຼາຍປີຜ່ານມາ ດ້ວຍເນື້ອໃນທີ່ອຸດົມສົມບູນທີ່ສຸດ ເພື່ອແນໃສ່ເບິ່ງແຍງດູແລ ໃຫ້ແກ່ຜູ້ທຸກຍາກ, ຄອບຄົວນະໂຍບາຍ, ແຕ່ຍ້ອນສະພາບການໂລກລະບາດໂຄວິດ - 19 ຍັງມີການຜັນແປຢ່າງສັບສົນ ດັ່ງນັ້ນ ປີນີ້ ບັນດາເນື້ອໃນເຄື່ອນໄຫວໄດ້ຫຼຸດລົງ, ເປັນຕົ້ນແມ່ນສຸມໃສ່ການຢຶ້ຢາມຖາມຂ່າວ, ມອບເຮືອນ “ມະຫາສາມັກຄີ”, ມອບຂອງຂວັນໃຫ້ແກ່ຄອບຄົວເປົ້າໝາຍນະໂຍບາຍ, ຄອບຄົວທຸກຍາກ, ມອບທຶນການສຶກສາ, ລົດຖີບໃຫ້ແກ່ບັນດານັກຮຽນປະຖົມ...
ຜ່ານນັ້ນ, ກໍເພື່ອເປັນການສະແດງຄວາມຮູ້ບຸນຄຸນຕໍ່ຄອບຄົວທີ່ມີຄຸນງາມຄວາມດີຕໍ່ການປະຕິວັດ, ສະແດງສິນທຳ “ກິນເຂົ້າຄິດຮອດຄຸນນາ, ກິນປາຄິດຮອດຄຸນນ້ຳ” ໂດຍແມ່ນມູນເຊື້ອອັນດີງາມນັບພັນປີຂອງຊາດ, ພ້ອມທັງ, ສ້າງບັນຍາກາດເບີດບານມ່ວນຊື່ນ, ອົບອຸ່ນນ້ຳໃຈທະຫານ, ປະຊາຊົນໃນຍາມບຸນເຕັດ.
ແລະກໍ່ໃນວັນດຽວກັນ, ປ້ອມທະຫານປ້ອງກັນຊາຍແດນ ລາຍຮ່ວາ, ທະຫານປ້ອງກັນຊາຍແດນ ຊອກຈັງ ກໍໄດ້ສົມທົບກັບຄະນະຊາວໜຸ່ມ ຕາແສງ ລາຍຮ່ວາ ແລະ ວິງເຕິນ, ເທດສະບານ ວິງເຈົາ, ແຂວງຊອກຈັງ ຈັດຕັ້ງຫຼາຍການເຄື່ອນໄຫວທີ່ມີຄວາມໝາຍເບິ່ງແຍງດູແລບຸນເຕັດໃຫ້ແກ່ຜູ້ທຸກຍາກ, ພໍ່ແມ່ປະຊາຊົນຊົນເຜົ່າສ່ວນໜ້ອຍ ຢູ່ເຂດຊາຍແດນທະເລ.
ບັນດາໜ່ວຍງານໄດ້ຈັດຕັ້ງການມອບທຶນການສຶກສາ 15 ພູດແຕ່ລະພູດ 1 ລ້ານດົ່ງ ແລະ ຂອງຂວັນ ໂດຍມີມຸນຄ່າ 400.000 ດົ່ງ/ພູດ ໃຫ້ແກ່ບັນດານ້ອງໆນັກຮຽນທຸກຍາກປະສົບກັບຄວາມຫຍຸ້ງຍາກ ບືນຕົວຂຶ້ນຮຽນເກັ່ງ ແລະ ບັນດາຄອບຄົວເປົ້າໝາຍນະໂຍບາຍ, ຄອບຄົວທຸກຍາກທີ່ມີສະພາບການຫຍຸ້ງຍາກເປັນພິເສດໃນບໍລິເວນຕາແສງ ລາຍຮ່ວາ ແລະ ວິງເຕິນ, ເທດສະບານ ວິງເຈົາ. ແຫຼ່ງງົບປະມານໂດຍບັນດາຫົວໜ່ວຍຂົນຂວາຍຜູ້ໃຈບຸນໃຈກຸ້ສົນໃນບໍລິເວນໜູນຊ່ວຍ.
ບຸນຄົງ
