 |
| ທ່ານປະທານປະເທດ ຫງວຽນຊວັນຟຸກ ກ່າວຄຳເຫັນທີ່ພິທີ (ພາບ: danviet.vn) |
ກ່າວຄຳເຫັນທີ່ພິທີ, ທ່ານປະທານປະເທດ ຫງວຽນຊວັນຟຸກ ສະແດງຄວາມຊົມເຊີຍຕໍ່ກຸ່ມບໍລິສັດ ເຕິນລອງ ທີ່ໄດ້ຍູ້ແຮງການລົງທຶນເຂົ້າເຕັກໂນໂລຢີ ປຸງແຕ່ງເຂົ້າສານພາຍຫຼັງການເກັບກ່ຽວ, ສ້າງການເຊື່ອມຕໍ່ກັບຊາວກະສິກອນ. ການຍູ້ແຮງການລົງທຶນຄືໂຄງການໂຮງງານເຂົ້າສານທີ່ທັນສະໄໝ ແມ່ນສິ່ງຈຳເປັນເພື່ອແນໃສ່ປະກອບສ່ວນຍົກສູງຄຸນຄ່າເຂົ້າສານ.
ທ່ານປະທານປະເທດ ຫງວຽນຊວັນຟຸກ ໄດ້ສະເໜີໃຫ້ບັນດາວິສາຫະກິດ ຄວນເພີ່ມທະວີການສົມທົບກັບທ້ອງຖິ່ນ, ຊາວກະສິກອນຄົ້ນຄ້ວາເຂດວັດສະດຸຕົ້ນເຂົ້າທີ່ມີຄຸນນະພາບເພື່ອສ້າງການເຊື່ອມຕໍ່ຢ່າງແໜ້ນແຟ້ນ. ກະຊວງກະສິກຳ ແລະ ພັດທະນາຊົນນະບົດພ້ອມກັບແຂວງ ອານຢາງ ຕ້ອງສົ່ງເສີມການຜະລິດ, ເປີດກວ້າງເຂດປູກເຂົ້າ, ພັດທະນາບັນດາຮູບແບບການຜະລິດໃໝ່, ຂອບຂະໜາດໃຫຍ່ ແລະ ມີການເຂົ້າຮ່ວມຂອງຊາວກະສິກອນ ເພື່ອພ້ອມກັນພັດທະນາກະສິກຳ ຕາມທິດທັນສະໄໝ.
ຄວນຍູ້ແຮງການນຳກົນຈັກເຂົ້າໃນການຜະລິດກະສິກຳ, ບຳລຸງສ້າງຜູ້ອອກແຮງງານ, ສົ່ງເສີມການ Startup, ຍູ້ແຮງໂຄງປະກອບໃນການກະສິກຳທີ່ເໝາະສົມ, ເອົາໃຈໃສ່ຄຸນນະພາບ, ຄຸນຄ່າແທນທີ່ໃຫ້ດ້ານປະລິມານ. ແຂວງອານຢາງຕ້ອງຄົ້ນຄ້ວາການກໍ່ສ້າງພື້ນຖານໂຄງລ່າງເຂດປູກຕົ້ນເຂົ້າ, ສ້າງເງື່ອນໄຂສະດວກໃຫ້ແກ່ການພັດທະນາການຜະລິດໃຫຍ່...
ຕາມຕົວເລກສະຖິຕິແລ້ວ, ເນື້ອທີ່ດິນປູກເຂົ້າ ເຂດທົ່ງພຽງແມ່ນ້ຳຂອງທາງພາກໃຕ້ ບັນລຸປະມານ 1,6 ລ້ານ ha, ໃນນັ້ນມີເນື້ອທີ່ຢູ່ 5 ເມືອງທີ່ໃກ້ກັບໂຮງງານເຂົ້າສານແຮັງຝຸກບັນລຸໄດ້ເກືອບ 300.000ha, ລວມມີ: ຈີຕົນ, ທ້ວາຍເຊີນ (ແຂວງ ອານຢາງ), ຢາງແທັງ, ຮ່ອນເດິດ ແລະ ກຽນເລືອງ (ແຂວງກຽນຢາງ).
ໂຮງງານເຂົ້າສານ ແຮັງຝຸກ ຈະແກ້ໄຂຂັ້ນຕອນສຳຄັນທີ່ສຸດ ພາຍຫຼັງການເກັບກ່ຽວຢ່າງມີປະສິດທິຜົນ ນັ້ນແມ່ນຂົນສົ່ງຕົ້ນເຂົ້າ ຈາກທົ່ງນາໄປຍັງ ໂຮງງານຢ່າງທັນການ, ຮັບປະກັນການຮັກສາໃນໄລຍະເວລາດີທີ່ສຸດ, ຊ່ວຍຮັບປະກັນລົດຊາດ ແລະ ຄຸນນະພາບເຂົ້າສານ. ຈາກນັ້ນແມ່ນຫຼຸດຜ່ອນຜົນເສຍຫາຍຂອງການເກັບກ່ຽວ, ເພີ່ມອັດຕາເກັບກ່ຽວເຂົ້າສານກາຍເປັນຜະລິດຕະພັນ.
ບຸນຄົງ
