| ດ່ານັ້ງ ຈັດຕັ້ງການປະກວດຮູບຖ່າຍທາງໄກໃຫ້ນັກທ່ອງທ່ຽວ ສ.ເກົາຫຼີ | |
| ດ່ານັ້ງ ໜູນຊ່ວຍ, ສ້າງທຸກເງື່ອນໄຂໃຫ້ແກ່ນັກທ່ອງທ່ຽວໃນບໍລິເວນແຂວງ |
ຂໍ້ມູນຈາກພະແນກທ່ອງທ່ຽວນະຄອນດ່ານັ້ງ ໃຫ້ຮູ້ວ່າ: ນະຄອນ ຫາກໍ່ໄດ້ຈັດອັນດັບສູງສຸດຕາມການຕີລາຄາປະມວນດັດຊະນີກຳລັງຄວາມສາມາດແກ່ງແຍ້ງຈຸດໝາຍປາຍທາງການທ່ອງທ່ຽວຂັ້ນແຂວງຫວຽດນາມ (VTCI), ນີ້ແມ່ນໝາກຜົນຂອງການຄົ້ນຄວ້າກ່ຽວກັບດັດຊະນີກຳລັງຄວາມສາມາດແກ່ງແຍ້ງການທ່ອງທົດລອງຢູ່ 15 ແຂວງ, ນະຄອນຂອງຫວຽດນາມ ໂດຍສະພາທີ່ປຶກສາການທ່ອງທ່ຽວ (TAB) ປະກາດໃນວັນທີ 18 ມັງກອນ.
 |
| ຂົວເຫຼືອງ. ພາບ: TTXVN |
ນະຄອນດ່ານັ້ງ ນຳໜ້າປະເທດກ່ຽວກັບດັດຊະນີກຳລັງຄວາມສາມາດແກ່ງແຍ້ງ ການທ່ອງທ່ຽວ ດ້ວຍ 4,7 ຄະແນນ, ຖັດມາແມ່ນກວາງນິງ (4,68 ຄະແນນ), ແຄ໋ງຮວ່າ (4,56 ຄະແນນ), ກວາງນາມ (4,55 ຄະແນນ), ເທື່ອທຽນ-ເຫວ້ (4,52 ຄະແນນ).
ໃນຈຳນວນ 15 ແຂວງ, ນະຄອນ, ສອງໃຈກາງໃນທົ່ວປະເທດ ຄື: ຮ່າໂນ້ຍ ແລະ ນະຄອນໂຮ່ຈິມິນ ຢືນອັນດັບທີ 6 ແລະ 8 ຕາມລຳດັບ.
ດ່າໜັງ ໄດ້ຮັບການຈັດອັນດັບສູງຍ້ອນບັນດາທ່າແຮງບັນດາເສົາຄໍ້າ ຄື: ສາທາລະນະສຸກ ແລະສຸຂະອະນາໄມ, ລະດັບຄວາມພ້ອມດ້ານເຕັກໂນໂລຢີຂໍ້ມູນຂ່າວສານ, ລະດັບບຸລິມະສິດດ້ານການທ່ອງທ່ຽວ, ພື້ນຖານໂຄງລ່າງຄົມມະນາຄົມທ່ອງທ່ຽວ, ພື້ນຖານໂຄງລ່າງການບໍລິການທ່ອງທ່ຽວ, ຄວາມຍືນຍົງດ້ານສິ່ງແວດລ້ອມ…
ທ່ານຮອງຫົວໜ້າພະແນກທ່ອງທ່ຽວດ່ານັ້ງ ຫງວຽນຊວນບິ່ງ ແບ່ງປັນວ່າ ໂດຍໝາກຜົນຂອງການຕີລາຄານີ້ຈະຊ່ວຍໃຫ້ຂະແໜງທ່ອງທ່ຽວທ້ອງຖິ່ນສືບຕໍ່ປັບປຸງຄຸນນະພາບ ແລະ ແກ້ໄຂບັນດາຂໍ້ຈຳກັດ...
ໂຄງການສ້າງປະມວນດັດຊະນີກຳລັງຄວາມສາມາດແກ່ງແຍ້ງຈຸດໝາຍປາຍທາງການທ່ອງທ່ຽວ ຂັ້ນແຂວງຫວຽດນາມ (VTCI) ແມ່ນໄດ້ຮັບການອຸປະຖໍາ ແລະສະໜັບສະໜູນຈາກຄະນະຜູ້ຕາງໜ້າ EU ແລະ ໜູນຊ່ວຍດ້ານເຕັກນິກໃຫ້ສະພາທີ່ປຶກສາການທ່ອງທ່ຽວ (TAB) ແຕ່ປີ 2019.
ໂຄງການເພື່ອແນໃສ່ຊຸກຍູ້ຍົກສູງກຳລັງຄວາມສາມາດແກ່ງແຍ້ງດ້ານການທ່ອງທ່ຽວຂອງແຕ່ລະທ້ອງຖິ່ນ, ຜ່ານນັ້ນ ກໍປະກອບສ່ວນຍົກສູງກຳລັງຄວາມສາມາດແກ່ງແຍ້ງຂອງການທ່ອງທ່ຽວ ຫວຽດນາມ ໃນການພັດທະນາເສດຖະກິດການທ່ອງທ່ຽວ, ສ້າງການກໍານົດທິດພັດທະນາໃນອະນາຄົດ.
ບູນມີ
