| ຖະໜົນເມືອງເກົ່າຮ່າໂນ້ຍ ຮຸ່ງເຮືອງເຫຼືອງເຫຼື້ອມດ້ວຍສີສັນພື້ນເມືອງຕ້ອນຮັບບຸນປີໃໝ່ປະຈຳຊາດປີຂານ | |
| ກະຊວງການສຶກສາ ແລະ ບຳລຸງສ້າງຮັບສະໝັກນັກສຶກສາ 1000 ທຶນໄປສຶກສາຢູ່ລັດເຊຍ |
 |
| ພາບປະກອບ: anninhthudo.vn |
ຕາມຄະນະກຳມະການປະຊາຊົນນະຄອນ ຮ່າໂນ້ຍ ແລ້ວ, ການກໍ່ສ້າງ ແລະ ຈັດຕັ້ງປະຕິບັດແຜນຮ່າງ “ສ້າງຕັ້ງ ເຂດອຸດສາຫະກຳໃໝ່ 2 – 5 ແຫ່ງໄລຍະ 2021 – 2025” ເພື່ອຫັນເປັນລະອຽດໜ້າທີ່ ແລະ ວິທີແກ້ໄຂໃນການກວດກາ, ພັດທະນາລະບົບພື້ນຖານໂຄງລ່າງອຸດສາຫະກຳ ແລະ ຮຽກຮ້ອງວິສາຫະກິດລົງທຶນເຂົ້າໃນບັນດາເຂດອຸດສາຫະກຳ, ເຂດເຕັກໂນໂລຊີສູງໃນບໍລິເວນນະຄອນ, ປະກອບສ່ວນຢ່າງຕັ້ງໜ້າເຂົ້າໃນການພັດທະນາເສດຖະກິດ - ສັງຄົມຂອງນະຄອນຫຼວງຢ່າງໝັ້ນຄົງໃນໄລຍະ 2021 - 2025.
ດ້ວຍທ່າໄດ້ປຽບໃນການແກ່ງແຍ້ງກ່ຽວກັບສະພາບແວດລ້ອມແຫ່ງການລົງທຶນທີ່ປອດໂປ່ງ, ການເມືອງໝັ້ນຄົງ, ພັດທະນາເສດຖະກິດ - ສັງຄົມແບບຍືນຍົງ, ແຫຼ່ງຊັບພະຍາກອນມະນຸດອຸດົມສົມບູນ, ມີຄຸນນະພາບສູງ, ນະຄອນຫຼວງ ຮ່າໂນ້ຍ ແມ່ນໜຶ່ງໃນບັນດາທ້ອງຖິ່ນທີ່ດຶງດູດນັກລົງທຶນຕ່າງປະເທດ.
ເນື່ອງຈາກບັນດາທ່າໄດ້ປຽບດັ່ງກ່າວ, ການລົງທຶນໂດຍກົງຈາກຕ່າງປະເທດ (FDI) ເຂົ້າມາຮ່າໂນ້ຍ ໃນຊຸມປີມໍ່ໆມານີ້ ມີທ່າອ່ຽງເພີ່ມຂຶ້ນ, ພິເສດແມ່ນພາຍຫຼັງທີ່ຫວຽດນາມ ໄດ້ເຂົ້າຮ່ວມບັນດາສັນຍາການຄ້າເສລີ (FTA) ສອງຝ່າຍ ແລະ ຫຼາຍຝ່າຍ.
ໄລ່ມາຮອດເດືອນທັນວາ 2021, ບັນດາເຂດອຸດສາຫະກຳຮ່າໂນ້ຍ ໄດ້ດຶງດູດກວ່າ 700 ໂຄງການ, ໃນນັ້ນມີ 303 ໂຄງການລົງທຶນໂດຍກົງຈາກຕ່າງປະເທດ (FDI) ດ້ວຍຍອດຈຳນວນທຶນຈົດທະບຽນເກືອບ 6,1 ຕື້ USD; ມີ 399 ໂຄງການລົງທຶນພາຍໃນປະເທດ ດ້ວຍຍອດຈຳນວນທຶນຈົດທະບຽນເກືອບ 18.000 ຕື້ດົ່ງ. ໄລຍະ 2015 - 2020, ການດຶງດູດການລົງທຶນຂອງບັນດາເຂດອຸດສາຫະກຳຮ່າໂນ້ຍ ບັນລຸ 1,7 ຕື້ USD, ບັນລຸ 130% ຄາດໝາຍທີ່ວາງອອກ, ເພີ່ມຂຶ້ນ 13% ເມື່ອທຽບໃສ່ໄລຍະ 2011 - 2015.
ມີ 25 ປະເທດ, ເຂດແຄວ້ນມີໂຄງການລົງທຶນຢູ່ບັນດາເຂດອຸດສາຫະກຳຂອງ ຮ່າໂນ້ຍ; ໃນນັ້ນ, ຍີ່ປຸ່ນເປັນປະເທດນຳໜ້າ ດ້ວຍທຶນຈົດທະບຽນກວມ 60%; ຫຼາຍໂຄງການທີ່ມີຍອດຈຳນວນທຶນຫຼາຍແຕ່ 100 ລ້ານ ເຖິງກວ່າ 300 ລ້ານ USD, ໂດຍນຳໃຊ້ເຕັກໂນໂລຊີສູງເຊັ່ນ ບັນດາໂຄງການຂອງ Canon, Panasonic, Yamaha, Meiko, Young Fast... ນອກນີ້ຍັງມີປະເທດອື່ນໆເຊັ່ນ: ຈີນ, ສ.ເກົາຫຼີ, ສິງກະໂປ...
ໄຊພອນ
