| ອະນຸສາວະລີມິດຕະພາບຫວຽດນາມ-ກຳປູເຈຍ: ສັນຍາລັກຕົວແທນແຫ່ງຄວາມຜູກພັນລະຫວ່າງປະຊາຊົນສອງຊາດ | |
| ມອບອຸປະກອນຮັບໃຊ້ຫ້ອງການໃຫ້ແກ່ກອງທະຫານເຮືອລາດຊະວົງກຳປູເຈຍ |
ທ່ານພົນເອກ Vong Pisen ໄດ້ສະແດງຄວາມຂອບອົກຂອບໃຈ ກອງທັບປະຊາຊົນຫວຽດນາມ ທີີ່ຍາມໃດກໍ່ໃຫ້ການສະໜັບສະໜູນກອງທັບພະບໍລົມວົງສານຸວົງກໍາປູເຈຍ ໃນທຸກດ້ານ ບົນຈິດໃຈມິດຕະພາບທີ່ເປັນມູນເຊື້ອ; ພ້ອມກັນນັ້ນ, ທ່ານພົນເອກ Vong Pisen ກໍປາດຖະໜາວ່າ ພະຍາດໂຄວິດ-19 ໄດ້ຮັບການສະກັດກັ້ນໂດຍໄວ ເພື່ອໃຫ້ກອງທັບສອງປະເທດ ປະຕິບັດບັນດາການເຄື່ອນໄຫວຮ່ວມມືດ້ານປ້ອງກັນຊາດທີ່ໄດ້ລົງນາມ, ເພື່ອຜົນປະໂຫຍດຂອງກອງທັບ ແລະ ປະຊາຊົນສອງປະເທດ.
ທ່ານພົນເອກ Vong Pisen ໄດ້ແບ່ງປັນກ່ຽວກັບປະສົບການໃນການຮັບມືກັບໂລກລະບາດໂຄວິດ-19 ຂອງປະຊາຊົນ ແລະ ກອງທັບພະບໍລົມວົງສານຸວົງກໍາປູເຈຍ, ພ້ອມທັງຢືນຢັນບົດບາດຂອງກອງທັບພະບໍລົມວົງສານຸວົງກໍາປູເຈຍ ໃນວຽກງານຕ້ານພະຍາດລະບາດຂອງລັດຖະບານ, ພ້ອມກັບບັນດາສະມາຊິກຂອງກອງທັບພະບໍລົມວົງສານຸວົງກຳປູເຈຍ ແລະ ປະຊາຊົນກໍາປູເຈຍ ທີ່ໝາະສົມກັບສະພາບປົກກະຕິໃໝ່.
 |
| ທ່ານພົນໂທ ຫງວຽນເຕິນເກື່ອງ, ຫົວໜ້າກົມໃຫຍ່ເສນາທິການກອງທັບປະຊາຊົນຫວຽດນາມ, ຮອງລັດຖະມົນຕີກະຊວງປ້ອງກັນປະເທດຫວຽດນາມ. (ພາບ: QDND) |
ທ່ານພົນເອກ Vong Pisen ປະກາດແຜນການຈັດຕັ້ງກອງປະຊຸມ ຜູ້ບັນຊາການກຳລັງປ້ອງກັນຊາດ ອາຊຽນ (ACDFM) ຄັ້ງທີ 19 ແລະ ບັນດາການເຄື່ອນໄຫວທີ່ກ່ຽວຂ້ອງ ເພື່ອຈັດຕັ້ງໃນເດືອນມີນາ 2022 ແລະ ໄດ້ສົ່ງຄຳເຊີນເຖິງຫົວໜ້າກົມໃຫຍ່ເສນາທິການ, ຄະນະຜູ້ແທນ ຫວຽດນາມ ເຂົ້າຮ່ວມ ກອງປະຊຸມ ACDFM ຄັ້ງທີ 19 ຢູ່ນະຄອນຫຼວງພະນົມເປັນ.
ທ່ານພົນໂທ ຫງວຽນເຕິນເກື່ອງ ຂໍສະແດງຄວາມຂອບອົກຂອບໃຈ ທ່ານຫົວໜ້າຄະນະຜູ້ແທນ ກຳປູເຈຍ ທີ່ໄດ້ເຊື້ອເຊີນຄະນະຜູ້ແທນ ຫວຽດນາມ ເຂົ້າຮ່ວມກອງປະຊຸມ ACDFM-19 ຢູ່ ກຳປູເຈຍ; ພ້ອມກັນນັ້ນ, ທ່ານພົນໂທ ຫງວຽນເຕືນເກື່ອງ ກໍ່ເຊື່ອໝັ້ນວ່າ ພາຍໃຕ້ການເປັນປະທານຂອງກຳປູເຈຍ, ກອງປະຊຸມ ADFM-19 ຈະປະສົບຜົນສຳເລັດຢ່າງຈົບງາມ, ປະກອບສ່ວນຊຸກຍູ້ການຮ່ວມມືດ້ານການທະຫານ - ປ້ອງກັນປະເທດ ອາຊຽນ ໃຫ້ແທດກັບຕົວຈິງ ແລະ ມີປະສິດທິຜົນ.
ທ່ານພົນໂທ ຫງວຽນເຕິນເກື່ອງ ຢືນຢັນວ່າ ກອງທັບປະຊາຊົນຫວຽດນາມ ຍາມໃດກໍ່ສະໜັບສະໜູນ ແລະ ພ້ອມແລ້ວທີ່ຈະໜູນຊ່ວຍກອງທັບພະບໍລົມວົງສານຸວົງ ກຳປູເຈຍ ເປັນເຈົ້າພາບຈັດຕັ້ງກອງປະຊຸມການທະຫານ - ປ້ອງກັນຊາດ ອາຊຽນ ໃນປີ 2022 ຢ່າງສຳເລັດຜົນ.
ບົນຈິດໃຈແຜນການຮ່ວມມືດ້ານປ້ອງກັນປະເທດປີ 2022 ໂດຍລັດຖະມົນຕີກະຊວງປ້ອງກັນປະເທດ 2 ຝ່າຍໄດ້ລົງນາມ, ທ່ານພົນໂທ ຫງວຽນເຕິນເກື່ອງ ປາດຖະໜາວ່າ ທ່ານພົນເອກ Vong Pisen ຈະສືບຕໍ່ເອົາໃຈໃສ່, ຊີ້ນຳບັນດາອົງການທີ່ກ່ຽວຂ້ອງສົມທົບກັນຢ່າງແໜ້ນແຟ້ນ ກັບບັນດາຫົວໜ່ວຍຂອງປະຊາຊົນຫວຽດນາມ ເພື່ອປະຕິບັດບັນດາການເຄື່ອນໄຫວຮ່ວມມືທີ່ໄດ້ກຳນົດໄວ້ໃນແຜນການ ຢ່າງເປັນເອກະພາບ ແລະ ມີປະສິດທິຜົນ, ໃນນັ້ນສຸມໃສ່ແລກປ່ຽນຄະນະຜູ້ແທນທຸກຂັ້ນ, ແລກປ່ຽນຂໍ້ມູນຂ່າວສານ, ການຮ່ວມມືໃນການຄຸ້ມຄອງຊາຍແດນ, ຕ້ານ ແລະ ຄວບຄຸມອາດຊະຍາກຳ, ກະກຽມໃຫ້ແກ່ບາງການເຄື່ອນໄຫວແລກປ່ຽນໃນປີ 2022.
ຄຳຮຸ່ງ
