ຖະໜົນທີ່ເປັນເອກະລັກສະເພາະ ໃສ່ຊື່ໂຮຈິມິນ ຢູ່ອິນເດຍ

	ງານວາງສະແດງຮູບພາບ “ເດລີ - ຮ່າໂນ້ຍ: ຂົວມິດຕະພາບ”
	ອິນເດຍ ຕີລາຄາສູງການປະກອບສ່ວນຂອງຫວຽດນາມ ໃນສະພາຄວາມໝັ້ນຄົງ

20 ກວ່າ​ປີ​ຜ່ານ​ມາ, ໃນປີ 1990, ຕໍ່ໜ້າ​ຄວາມ​ມຸ່ງ​ມາດ​ປາຖະໜາ​ຂອງ​ປະຊາຊົນ, ສະພາ​ນະຄອນ ​ແລະ ຄະນະ​ກຳມະການ​ພາກ​ຕາ​ເວັນ​ຕົກ Bengal ​ສາມັກຄີ ​ອິນ​ດູ​ຈີນ - ຫວຽດນາມ ​ໄດ້​ຮັບ​ຮອງເອົາເສັ້ນທາງ Ho Chi Minh Sarani ​ຢ່າງ​ເປັນ​ທາງ​ການ ​ແລະ ​ໄດ້​ຈັດ​ພິທີ​ເປີດ​ສະຫຼອງ​ຢ່າງ​ສົມ​ກຽດ​ເນື່ອງ​ໃນ​ໂອກາດວັນຄ້າຍວັນເກີດຂອງ ລຸງໂຮ່ ຄົບຮອບ 100 ປີ.

Ho Chi Minh Sarani ແມ່ນ​ໜຶ່ງ​ໃນ​ບັນ​ດາ​ເສັ້ນ​ທາງ​ພາກ​ກາງ​ຂອງ​ນະ​ຄອນ Kolkata. ອາຄານຕັ້ງຢູ່ ເລກທີ 1 ຖະໜົນ Ho Chi Minh Sarani ແມ່ນສູນການຄ້າ Metro, ເປັນໜຶ່ງໃນສູນການຄ້າທີ່ທັນສະໄໝທີ່ສຸດໃນ Kolkata.

ຖະໜົນທີ່ເປັນເອກະລັກສະເພາະ ໃສ່ຊື່ໂຮຈິມິນ ຢູ່ອິນເດຍ. (ພາບ: VOV)

ເມື່ອແບ່ງປັນ​ກ່ຽວ​ກັບ​ຄວາມ​ຮັກ​ແພງ​ທີ່​ປະຊາຊົນ​ນະຄອນ Kolkata ມີ​ຕໍ່​ປະທານ ​ໂຮ່ຈີ​ມິນ ແລ້ວ, ນັກ​ຂ່າວ ​ແລະ ນັກປະພັນ​ອິນ​ເດຍ Geetesh Sharma ​ເຄີຍ​ເວົ້າ​ວ່າ: “ສຳລັບ​ພວກ​ຂ້າພະ​ເຈົ້າ, ປະຊາຊົນ ອິນ​ເດຍ, ຄຳ​ວ່າ “ຊາວ​ຫວຽດນາມ” ​ຫຼື “​ໂຮ່​ຈິ​ມິນ” ແມ່ນຊື່ທີ່ສະໜິດສະໜົມ ແລະ ໃກ້ຊິດທີ່ບໍ່ແຕກຕ່າງເໝືອນດັ່ງ ອ້າຍນ້ອງຮ່ວມທ້ອງດຽວຂອງຕົນ. ໂດຍ​ສະ​ເພາະ ​ແມ່ນ​ກັບ​ປະ​ຊາ​ຊົນ​ຢູ່ Kolkata ໃນ​ໄລ​ຍະ 1945-1975 - ເປັນ​ໄລ​ຍະ​ທີ່​ຫວຽດ​ນາມ ​ໄດ້​ອຸ​ທິດ​ສຸດ​ຄວາມ​ພະ​ຍາ​ຍາມ​ ເພື່ອ​ສູ້​ຮົບ​ຕ້ານ​ ຝະ​ລັ່ງ, ອາ​ເມ​ລິ​ກາ ແລະ ຍີ່​ປຸ່ນ. ໃນ​ໄລ​ຍະ​ນັ້ນ, ປະ​ຊາ​ຊົນ​ອິນ​ເດຍເວົ້າລວມ ແລະ ປະ​ຊາ​ຊົນ​ຢູ່​ໃນເຂດ​ລັດ Bengal ຕາ​ເວັນ​ຕົກ​ ໄດ້ເປັນຈິດໜຶ່ງໃຈດຽວໃນຂະບວນການຕໍ່​ຕ້ານ​ສົງ​ຄາມ​ຢູ່​ຫວຽດ​ນາມ, ສະ​ໜັບ​ສະ​ໜູນ​ວິ​ລະ​ຊົນ​ຮັກ​ຊາດ​ຫວຽດ​ນາມ.

ໃນປີ 1990, ຖະໜົນຫົນທາງຂອງນະຄອນຫຼວງ ນິວເດລີ ຂອງອິນເດຍ ໄດ້ໃສ່ຊື່ ​ໂຮ​ຈິ​ມິນ. ສິ່ງ​ທີ່​ເຮັດ​ໃຫ້​ນັກ​ທ່ອງ​ທ່ຽວ​ປະ​ທັບ​ໃຈ​ເປັນ​ພິ​ເສດ ​ເມື່ອ​ມາ​ຖະໜົນ​ສາຍ​ນີ້ ​ແມ່ນ​ທຸກ​ຄັ້ງ​ທີ່ໄປ​ຜ່ານ​ອຸປະກອນ GPS ຊີ້ທາງ, ​ເຂົາ​ເຈົ້າ​ອ່ານ​ຊື່​ໂຮ​ຈິ​ມິນ ​ຢ່າງ​ດັງ​ກ້ອງ ເຊິ່ງໄດ້​ເປັນ​ຫຼັກຖານ​ ສະ​ແດງ​ຄວາມ​ຮັກ​ແພງ​ຂອງ​ເພື່ອນ​ມິດສາ​ກົນ​ທີ່​ມີ​ຕໍ່ ​ລຸງໂຮ່.

ອິນ​ເດຍ ​ຍັງ​ໄດ້​ຮັບ​ຮູ້​ວ່າ​ເປັນ​ປະ​ເທດ​ທຳ​ອິດ​ໃນ​ໂລກ​ທີ່​ສ້າງ​ຮູບ​ປັ້ນ​ລຸງ​ໂຮ່.

ປີ 1990, ​ເນື່ອງ​ໃນ​ໂອກາດ​ສະ​ເຫຼີ​ມສະຫຼອງ 100 ປີ​ແຫ່ງ​ວັນຄ້າຍ​ເກີດ​ຂອງ​ລຸງ​ໂຮ່, ລັດຖະບານ​ລັດ Bengal ຕາ​ເວັນ​ຕົກ ​ໄດ້​ຕັດສິນ​ໃຈ​ສ້າງ​ຮູບ​ປັ້ນ​ລຸງໂຮ່ ຢູ່​ສວນສາທາລະນະ​ໃຈກາງ​ນະຄອນ, ​ເຊິ່ງ​ເປັນ​ຈຸດ​ຕັດ​ລະຫວ່າງ​ຖະໜົນ Ho Chi Minh Sarani ກັບ​ຖະໜົນ Jawaharlan Nehru.

ບັນດາ​ການ​ນຳ​ເມືອງ Kolkata ຍັງ​ໄດ້​ເຊື້ອ​ເຊີນ​ນັກແຕ້ມ ​ແລະ ນັກແກະສະຫຼັກ​ຊາວ​ຫວຽດນາມ ​ໄປ​ສຳ​ຫຼວດວິວຢ່າງລະອຽດ. ລັດຖະມົນຕີວັດທະນະທໍາອິນເດຍໃນເວລານັ້ນ, ທານ Bhudadev Battacharya, ໄດ້ມີຄວາມສົນໃຈ ແລະ ຊີ້ນໍາວຽກງານເປັນປະຈຳ.