| ຫວຽດນາມ - ລາວ ເພີ່ມທະວີການປົກປັກຮັກສາປ່າໄມ້ຢູ່ເຂດຊາຍແດນ | |
| ຫວຽດນາມ - ລາວ: ກໍ່ສ້າງອຸດົມການຮ່ວມກັນ: ການຮ່ວມມືດ້ານອຸດົມຄະຕິ ແລະ ທິດສະດີ ແລະ ກໍ່ສ້າງພັກແມ່ນຫຼັກໝັ້ນຂອງການພົວພັນທາງການເມືອງ ຫວຽດນາມ - ລາວ. |
ກອງປະຊຸມເຈລະຈາ ເພື່ອແລກປ່ຽນບັນດາມາດຕະການຊຸກຍູ້ການຮ່ວມມືໃນຂົງເຂດພະລັງງານ, ຊັບພະຍາກອນແຮ່ທາດລະຫວ່າງ ຫວຽດນາມ - ລາວ, ນອນໃນຂອບເຂດການປະຕິບັດງານຂອງຄະນະປະຕິບັດງານທ່ານລັດຖະມົນຕີອຸດສາຫະກຳ ແລະ ການຄ້າ ໂດຍທ່ານລັດຖະມົນຕີ ຫງວຽນຮົ່ງຢ່ຽນ ເປັນຫົວໜ້າຄະນະ ຢູ່ນະຄອນຫຼວງ ວຽງຈັນ ແຕ່ວັນທີ 6 – 8 ເມສາ 2024 .
ທີ່ການພົບປະເຈລະຈາ, ໂດຍແຈ້ງໃຫ້ກັບທ່ານ ລັດຖະມົນຕີພະລັງງານ ແລະ ບໍ່ແຮ່ ລາວ ກ່ຽວກັບສະພາບການເຄື່ອນໄຫວຜະລິດອຸດສາຫະກຳ, ການຄ້າ, ການລົງທຶນຢູ່ ຫວຽດນາມ ໃນໄລຍະທີ່ມໍ່ໆມານີ້, ທ່ານ ລັດຖະມົນຕີອຸດສາຫະກຳ ແລະ ການຄ້າ ຫງວຽນຮົ່ງຢ່່ຽນ ໃຫ້ຮູ້ວ່າ ປະຈຸບັນ ຫວຽດນາມ ຕ້ອງການໄຟຟ້າ ແລະ ພະລັງງານຢ່າງຮີບດ່ວນເພື່ອຮັບໃຊ້ການພັດທະນາການຜະລິດ.
ກ່ຽວກັບບາງບັນຫາສະເພາະ, ທ່ານ ລັດຖະມົນຕີອຸດສາຫະກຳ ແລະ ການຄ້າ ເນັ້ນໜັກວ່າ ການຊຸກຍູ້ລະດັບຄວາມຄືບໜ້າໃນການປະກາດໃຊ້ກອບລາຄາ ຫວຽດນາມ ເພື່ອຮັບຊື້ໄຟຟ້າຈາກ ລາວ ພາຍຫຼັງປີ 2025 ແມ່ນຈຳເປັນທີ່ສຸດ. ຫວ່າງມໍ່ໆນີ້, ກະຊວງອຸດສາຫະກຳ ແລະ ການຄ້າ ຫວຽດນາມ ໄດ້ຕັ້ງໜ້າຊີ້ນຳກຸ່ມບໍລິສັດໄຟຟ້າ ຫວຽດນາມ (EVN) ຄົ້ນຄວ້າ, ສະເໜີສ້າງກອບລາຄາຊື້ໄຟຟ້າຫຼັງປີ 2025 ເພື່ອລາຍງານຕໍ່ກະຊວງອຸດສາຫະກຳ ແລະ ການຄ້າ, ແລ້ວລາຍງານຕໍ່ລັດຖະບານເພື່ອອະນຸມັດ.
 |
| ລັດຖະມົນຕີສອງທ່ານໄດ້ລົງນາມໃນບົດບັນທຶກຊ່ວຍຈຳລະຫວ່າງ 2 ຝ່າຍກ່ຽວກັບການຮ່ວມມືດ້ານພະລັງງານ ແລະ ຂຸດຄົ້ນຊັບພະຍາກອນແຮ່ທາດ. ທີ່ມາ: ກະຊວງອຸດສາຫະກຳ ແລະ ການຄ້າ. |
“ປະຈຸບັນ, EVN ກໍ່ໄດ້ສຳເລັດການຄົ້ນຄ້ວາ, ສ້າງຮ່າງກອບລາຄາ ແລະ ພວມຍື່ນສະເໜີເພື່ອຂໍຄຳເຫັນຂອງສະພາສະມາຊິກ EVN ຮັບຮອງເອົາກ່ອນທີ່ຈະລາຍງານໃຫ້ກະຊວງອຸດສາຫະກຳ ແລະ ການຄ້າ. ພາຍຫຼັງໄດ້ຮັບບົດລາຍງານຢ່າງເປັນທາງການຂອງ EVN, ກະຊວງອຸດສາຫະກຳ ແລະ ການຄ້າ ຈະປະເມີນຜົນ ແລະ ລາຍງານຕໍ່ນາຍົກລັດຖະມົນຕີ ເພື່ອອະນຸມັດ. ຄາດວ່າ ໃນໄຕມາດທີ 2 ປີນີ້, ກອບລາຄາຊື້ໄຟຟ້າຈາກລາວ ພາຍຫຼັງປີ 2025 ຈະໄດ້ປະກາດໃຊ້ຢ່າງເປັນທາງການ”, ທ່ານລັດຖະມົນຕີ ຫງວຽນຮົ່ງຢ່ຽນ ແຈ້ງໃຫ້ຊາບ.
ກ່ຽວກັບການສະເໜີໃຫ້ ຫວຽດນາມ ໜູນຊ່ວຍດ້ານວິຊາສະເພາະ, ແລກປ່ຽນປະສົບການກ່ຽວກັບການສ້າງຕັ້ງອົງການກຳກັບການໄຟຟ້າຂອງ ລາວ (ຄ້າຍຄືກັນກັບອົງການກຳກັບການໄຟຟ້າຂອງກະຊວງອຸດສາຫະກຳ ແລະ ການຄ້າຫວຽດນາມ), ທ່ານລັດຖະມົນຕີ ຫງວຽນຮົ່ງຢ່ຽນ ໄດ້ຕີລາຄາສູງ ແລະ ມອບໃຫ້ກົມກຳກັບໄຟຟ້າ ເປັນຫົວໜ່ວຍປະສານໂດຍກົງ, ສົມທົບກັບຝ່າຍ ລາວ, ແບ່ງປັນປະສົມການ, ໜຸນຊ່ວຍດ້ານວິຊາສະເພາະ, ຕ້ອນຮັບບັນດາຄະນະຮ່ຳຮຽນ, ແລກປ່ຽນປະສົບການຂອງຝ່າຍປະເທດເພື່ອນ.
ຫວຽດນາມ ປາຖະໜາໃຫ້ ລາວ ຫຼຸດລາຄາຂາຍຖ່ານຫີນ
ຕໍ່ກັບຂໍ້ສະເໜີຂອງຫວຽດນາມ ໃນການຊຸກຍູ້ ແລະ ສ້າງເງື່ອນໄຂສະດວກໃຫ້ແກ່ການຂົນສົ່ງສິນຄ້າຈາກ ລາວ ໄປຍັງບັນດາດ່ານຊາຍແດນ/ທ່າກຳປັ່ນ ກວາງຈີ້ ແລະ ເຫ້ວ, ທ່ານລັດຖະມົນຕີກະຊວງອຸດສາຫະກຳ ແລະ ການຄ້າ ຢືນຢັນວ່າ ຫວຽດນາມ ຍາມໃດກໍ່ສ້າງເງື່ອນໄຂສະດວກໃຫ້ແກ່ການຂົນສົ່ງສິນຄ້າຈາກ ລາວ ມາ ຫວຽດນາມ. ພິເສດ ແມ່ນຜ່ານບັນດາດ່ານຊາຍແດນໄປຍັງທ່າກຳປັ່ນຢູ່ ຫວຽດນາມ.
ຢູ່ແຂວງ ກວາງຈີ້, ມີດ່ານຊາຍແດນສາກົນ ລາໄລ, ເປັນດ່ານຊາຍແດນທີ່ສຳຄັນໃນການຂົນສົ່ງສິນຄ້າ, ພິເສດແມ່ນຖ່ານຫີນ, ຮັບໃຊ້ໂດຍກົງໃຫ້ແກ່ການຊື້-ຂາຍຖ່ານຫີນລະຫວ່າງ ລາວ-ຫວຽດນາມ. ຖ່ານຫີນຈາກ ລາວ ມາ ຫວຽດນາມ ຜ່ານດ່ານຊາຍແດນລາໄລ ຈະສົ່ງໄປຍັງທ່າກຳປັ່ນ ເຈີ່ນໄມ, ທ້ວນອ່ານ ຂອງ ເທືອທຽນເຫ້ວ ຫຼື ທ່າກຳປັ່ນ ເກື໋ອຫວຽດ.
“ການຊື້-ຂາຍຖ່ານຫີນແມ່ນບັນຫາທີ່ໄດ້ຮັບຄວາມສົນໃຈຫຼາຍຂອງລັດຖະບານສອງປະເທດ ແລະ ສອງກະຊວງ. ການຊື້ຖ່ານຫີນຂອງຫວຽດນາມ ນອກຈາກຜົນປະໂຫຍດທີ່ນຳມາໃຫ້ ລາວ ແລ້ວ ກໍ່ຍັງຈະປະກອບສ່ວນຮັບປະກັນການສະໜອງໄຟຟ້າພາຍໃນປະເທດຂອງ ຫວຽດນາມ. ສະນັ້ນ, ການອຳນວຍຄວາມສະດວກໃຫ້ການຂົນສົ່ງສິນຄ້າ, ຂົນສົ່ງຖ່ານຫີນຈາກ ລາວ ຜ່ານບັນດາດ່ານຊາຍແດນມາ ຫວຽດນາມ ແລະ ທ່າກຳປັ່ນ ກໍ່ແມ່ນເປົ້າໝາຍຂອງຝ່າຍ ຫວຽດນາມ”, ທ່ານລັດຖະມົນຕີ ຫງວຽນຮົ່ງຢ່ຽນ ເນັ້ນໜັກ.
ກ່ຽວກັບບັນຫາການຊື້-ຂາຍຖ່ານຫີນ, ທ່ານລັດຖະມົນຕີ ຫງວຽນຮົ່ງຢ່ຽນ ໃຫ້ຮູ້ວ່າຫວຽດນາມ ໄດ້ຮັບຄວາມຕ້ອງການນຳເຂົ້າຖ່ານຫີນຫຼາຍຢ່າງ, ພິເສດແມ່ນບັນດາກຸ່ມບໍລິສັດໃຫຍ່. ນອກຈາກນັ້ນ, ການຊຸກຍູ້ການສົ່ງອອກຖ່ານຫີນກໍ່ແມ່ນຄວາມປາຖະໜາຂອງ ລາວ.
ໃນໄລຍະ 2025 – 2030, ຫວຽດນາມ ມີຄວາມຕ້ອງການນຳເຂົ້າຖ່ານຫີນຢ່າງໃຫຍ່ຫຼວງ (ປະມານ 60 – 100 ລ້ານໂຕນ/ປີ). ເພື່ອຕອບສະໜອງຄວາມຕ້ອງການດັ່ງກ່າວ, ກະຊວງອຸດສາຫະກຳ ແລະ ການຄ້າ ຫວຽດນາມ ພ້ອມແລ້ວທີ່ຈະເຊື່ອມຕໍ່ຂໍ້ມູນລະຫວ່າງບັນດາກຸ່ມບໍລິສັດ ແລະ ວິສາຫະກິດ 2 ປະເທດ ຫວຽດນາມ - ລາວ ເພື່ອຊຸກຍູ້ການຮ່ວມມືດ້ານການຊື້-ຂາຍຖ່ານຫີນ.
ແຕ່ເຖິງຢ່າງໃດກໍ່ຕາມ, ຕາມທ່ານລັດຖະມົນຕີ ຫງວຽນຮົ່ງຢ່ຽນ ແລ້ວ, ຄວາມຫຍຸ້ງຍາກໃນການຄ້າຖ່ານຫີນລະຫວ່າງສອງປະເທດໃນປະຈຸບັນ ແມ່ນບັນຫາລາຄາຖ່ານຫີນຂອງ ລາວ ຍັງສູງ, ສະນັ້ນ, ຕ້ອງຊອກຫາວິທີແກ້ໄຂ ເພື່ອຫຼຸດລາຄາຂາຍຖ່ານຫີນຈາກ ລາວ ມາ ຫວຽດນາມ, ລາຄາຖ່ານຫີນຂອງລາວ ຢ່າງໜ້ອຍຕ້ອງເທົ່າກັບລາຄາໂລກ ຈື່ງຈະສາມາດແກ່ງແຍ້ງໄດ້.
ເພື່ອຕອບສະໜອງຄວາມຕ້ອງການນຳເຂົ້າຖ່ານຫີນຈາກ ລາວ ມາ ຫວຽດນາມ, ທ່ານລັດຖະມົນຕີ ຫງວຽນຮົ່ງຢ່ຽນ ໄດ້ສະເໜີໃຫ້ບັນດາເຈົ້າຂອງບໍ່ຖ່ານຫີນ ລາວ ສ້າງໂຄງປະກອບຂະບວນການຜະລິດຄືນໃໝ່ໃຫ້ກະທັດຮັດ, ມີປະສິດທິຜົນ, ລົງທຶນລະບົບຂົນສົ່ງຖ່ານຫີນຜ່ານຊາຍແດນ ເພື່ອຫຼຸດລາຄາຕົ້ນທຶນການຂຸດຄົ້ນ, ຜະລິດ, ຂົນສົ່ງຖ່ານຫີນ; ສະເໜີໃຫ້ກະຊວງພະລັງງານ ແລະ ບໍ່ແຮ່ຂອງ ລາວ ພິຈາລະນາລາຍງານຕໍ່ລັດຖະບານ ລາວ ເພື່ອຍົກເລີກພາສີສົ່ງອອກຖ່ານຫີນ (10%).
“ພາສີນີ້ແມ່ນໄດ້ປະກາດໃຊ້ເພື່ອສ້າງລາຍຮັບໃຫ້ລັດຖະບານ, ແຕ່ໃນຕົວຈິງຈະເພີ່ມລາຄາຂາຍຖ່ານຫີນຂອງລາວ, ເຮັດໃຫ້ຖ່ານຫີນບໍ່ໄດ້ຂາຍ ແລະ ຈາກນັ້ນ, ລັດຖະບານ ແລະ ບັນດາວິສາຫະກິດທັງສອງຈະປະສົບກັບຄວາມເສຍຫາຍ", ທ່ານລັດຖະມົນຕີ ຫງວຽນຮົ່ງຢ່ຽນ ກ່າວ.
ຢູ່ພາຍໃນປະເທດ, ກະຊວງອຸດສາຫະກຳ ແລະ ການຄ້າ ຫວຽດນາມ ກໍ່ໄດ້ຊີ້ນຳບັນດາຫົວໜ່ວຍຈັດຕັ້ງປະຕິບັດບັນດາໜ້າທີ່, ວິທີແກ້ໄຂສະເພາະ, ລວມມີ ການສົ່ງເສີມບັນດາວິສາຫະກິດໃຫ້ບຸລິມະສິດລົງນາມໃນສັນຍາຊື້–ຂາຍຖ່ານຫີນຈາກລາວ ເພື່ອຮັບໃຊ້ການຜະລິດໄຟຟ້າພາຍໃນປະເທດ.
ໂດຍໄດ້ຮັບຟັງການແລກປ່ຽນຈາກຝ່າຍຄະນະປະຕິບັດງານ ຫວຽດນາມ, ທ່ານລັດຖະມົນຕີກະຊວງພະລັງງານ ແລະ ບໍ່ແຮ່ ລາວ ໂພໄຊ ໄຊຍະສອນ ໄດ້ສະແດງຄວາມຂອບໃຈ ແລະ ເຫັນດີເປັນເອກະພາບກັບບັນດາແຜນງານ, ວິທີແກ້ໄຂໂດຍທ່ານລັດຖະມົນຕີ ຫງວຽນຮົ່ງຢ່ຽນ ຍົກອອກ. ພ້ອມກັນນັ້ນ, ກໍ່ຢືນຢັນວ່າ ກະຊວງພະລັງງານ ແລະ ບໍ່ແຮ່ ລາວ ພ້ອມແລ້ວທີ່ຈະສົມທົບກັບກະຊວງອຸດສາຫະກຳ ແລະ ການຄ້າ ຫວຽດນາມ ຜັນຂະຫຍາຍ, ສ້າງສາບັນດາແຜນງານ ເພື່ອຊຸກຍູ້ການຮ່ວມມືດ້ານພະລັງງານລະຫວ່າງ ຫວຽດນາມ - ລາວ.
ພ້ອມກັນນັ້ນ, ກໍ່ຈະມອບໃຫ້ບັນດາຫົວໜ່ວຍທີ່ມີໜ້າທີ່ສົມທົບກັນຢ່າງແໜ້ນແຟ້ນກັບບັນດາ ກົມສະເພາະຂະແໜງງານຂອງຝ່າຍ ຫວຽດນາມ ເພື່ອສົມທົບກັນແກ້ໄຂຄວາມຫຍຸ້ງຍາກໃຫ້ແກ່ບັນດາໂຄງການທີ່ຍັງຄົງຄ້າງ ກໍຄືການຂຸດຄົ້ນຄວາມສາມາດບົ່ມຊ້ອນການຮ່ວມມືລະຫວ່າງສອງປະເທດໃນຂົງເຂດການຊື້-ຂາຍໄຟຟ້າ, ການຄຸ້ມຄອງບໍ່ແຮ່ ແລະ ການຂຸດຄົ້ນຊັບພະຍາກອນແຮ່ທາດຫຼາຍກວ່າອີກ.
ເນື່ອງໃນໂອກາດນີ້, ທ່ານລັດຖະມົນຕີກະຊວງອຸດສາຫະກຳ ແລະ ການຄ້າ ຫງວຽນຮົ່ງຢ່ຽນ ແລະ ທ່ານ ລັດຖະມົນຕີພະລັງງານ ແລະ ບໍ່ແຮ່ ລາວ ໂພໄຊ ໄຊຍະສອນ ໄດ້ລົງນາມໃນບົດບັນທຶກຊ່ວຍຈຳລະຫວ່າງ 2 ຝ່າຍກ່ຽວກັບການຮ່ວມມືດ້ານພະລັງງານ ແລະ ຂຸດຄົ້ນຊັບພະຍາກອນແຮ່ທາດ. ນີ້ສືບຕໍ່ແມ່ນໜຶ່ງໃນບັນດາເຫດການທີ່ສຳຄັນ, ເປັນບາດກ້າວໃໝ່ໃນການພົວພັນຮ່ວມມືດ້ານພະລັງງານລະຫວ່າງ ຫວຽດນາມ - ລາວ.
ມິງດຶກ
