ອົງການກູ້ຊ່ວຍເດັກນ້ອຍ (SC) ຫາກໍ່ເລີ່ມເຄື່ອນໄຫວໂຄງການ “ປັບປຸງ ສຸຂະພາບແມ່ ແລະ ເດັກເກີດໃໝ່ໃນຊຸມຊົນເຜົ່າສ່ວນໜ້ອຍ” ຢູ່ນະຄອນ ບວນມາທວດ (ດັກລັກ).
 |
| ປັບປຸງສຸຂະພາບແມ່ ແລະ ເດັກເກີດໃໝ່ຢູ່ຊຸມຊົນເຜົ່າສ່ວນໜ້ອຍຢູ່ ດັກລັກ. ພາບປະກອບ: thoidai.com.vn |
ຕາມສະຖິຕິຂອງອົງການ UNICEF ປະຈໍາຫວຽດນາມ ແລ້ວ, ຍັງມີແມ່ ຢູ່ Ea Sup 26,5% ແລະ 42,5% ຢູ່ M'Drak ມີການກວດ ແລະ ເອໂກຖືພາ ຕໍ່າກວ່າ 3 ຄັ້ງ ຫຼື ຊ້ຳບໍ່ໜຳແມ່ນບໍ່ໄປກວດ. ສິ່ງດັ່ງກ່າວເຮັດໃຫ້ເກີດຄວາມສ່ຽງ ແລະ ອາການແຊກຊ້ອນຫຼາຍຢ່າງສໍາລັບທັງແມ່ ແລະ ລູກກ່ອນ, ໃນ ແລະ ຫຼັງເກີດລູກ.
ໂຄງການມຸ່ງໄປເຖິງໝາກຜົນທີ່ຄາດຄະເນບັນລຸໄດ້, ນັ້ນແມ່ນການປັບປຸງຄວາມຮູ້ກ່ຽວກັບການດູແລແມ່ ແລະ ເດັກເກີດໃໝ່ຂອງແມ່ຍິງຖືພາ ແລະ ສະມາຊິກຊຸມຊົນເຜົ່າສ່ວນໜ້ອຍໃນບັນດາເມືອງໃນໂຄງການ, ດ້ວຍການເຂົ້າຮ່ວມຂອງຜູ້ທີ່ມີອິດທິພົນຊື່ສຽງ ແລະ ສະມາຊິກໃນຊຸມຊົນ; ປັບປຸງກໍາລັງຄວາມອາດສາມາດ ຂອງພະນັກງານການແພດໃນການດູແລແມ່ຍິງຖືພາ ແລະ ເດັກເກີດໃໝ່. ໂຄງການ “ປັບປຸງສຸຂະພາບແມ່ ແລະ ເດັກເກີດໃໝ່ຢູ່ຊຸມຊົນເຜົ່າສ່ວນໜ້ອຍ” ຈະໄດ້ຈັດຕັ້ງປະຕິບັດຢູ່ 20 ຕາແສງ ໃນ 4 ເມືອງຂອງແຂວງດັກລັກ ແລະ ເຊີນລາ. ຄາດວ່າ ມີ 73.673 ຄົນຈະໄດ້ຮັບຜົນປະໂຫຍດຈາກການເຄື່ອນໄຫວ ຂອງໂຄງການ.
ບູນມີ
