| ປີ 2022, ຫວຽດນາມ ແມ່ນຕະຫຼາດສຳຄັນຂອງບັນດາກຸ່ມວິສາຫະກິດຂາຍຍ່ອຍຍີ່ປຸ່ນ | |
| 33 ບົດຂຽນດີເດັ່ນໄດ້ຮັບລາງວັນສື່ມວນຊົນກ່ຽວກັບຫົວຂໍ້ໄພພິບັດທາດພິດສີສົ້ມຢູ່ຫວຽດນາມ |
 |
| ບັນຍາກາດທີ່ກອງປະຊຸມ |
ສະມາຄົມມິດຕະພາບຫວຽດນາມ-ລາວ ແຂວງ ດັກລັກ ມີສະມາຊິກທັງໝົດ 2.098 ຄົນ. ປີ 2021, ສະມາຄົມໄດ້ຈັດຕັ້ງຫຼາຍການເຄື່ອນໄຫວຢ່າງມີປະສິດທິຜົນ, ປະກອບສ່ວນເພີ່ມທະວີຄວາມສາມັກຄີ, ມິດຕະພາບ, ການຮ່ວມມືຮອບດ້ານລະຫວ່າງສອງປະເທດ ຫວຽດນາມ - ລາວ ແລະ ລະຫວ່າງ ແຂວງ ດັກລັກ ແລະ ບັນດາແຂວງພາກໃຕ້ລາວ.
ຄະນະປະຈຳສະມາຄົມແຂວງ ໄດ້ເຂົ້າຮ່ວມພິທີສະເຫຼີມສະຫຼອງວັນຊາດ ແຫ່ງ ສາທາລະນະລັດ ປະຊາທິປະໄຕ ປະຊາຊົນລາວ ຄົບຮອບ 46 ປີ ທີ່ໄດ້ຈັດໂດຍ ມະຫາວິທະຍາໄລ ໄຕງວຽນ ແລະ ໂຮງຮຽນສາມັນຊົນເຜົ່າກິນນອນ ໄຕງວຽນ; ສົມທົບກັບແຂວງເຊກອງ ປະຕິບັດລະບຽບການເຂົ້າອອກເມືອງ, ສະໜອງທຶນໃຫ້ນັກສຶກສາ 2 ແຂວງ ດັກລັກ ໄປຮຽນພາສາລາວ ຢູ່ແຂວງຈຳປາສັກ; ສົມທົບມອບຂອງຂວັນ 5 ພູດ ໃຫ້ແກ່ບັນດາຄອບຄົວຄົນຫວຽດນາມ ທີ່ມີເຊື້ອສາຍລາວ ອາໄສຢູ່ເມືອງບວນໂດນ; ມອບຂອງຂວັນ 29 ພູດໃຫ້ແກ່ນັກຮຽນ, ນັກສຶກສາທີ່ຮຽນຢູ່ມະຫາວິທະຍາໄລ ໄຕງວຽນ ແລະ ໂຮງຮຽນສາມັນຊົນເຜົ່າກິນນອນ ໄຕງວຽນ ເນື່ອງໃນໂອກາດບຸນປີໃໝ່ປະຈຳຊາດລາວ...
ບັນດາຮາກຖານສະມາຄົມໄດ້ໂຄສະນາເຜີຍແຜ່, ລະດົມສະມາຊິກເພື່ອຍູ້ແຮງການຜະລິດ, ຊ່ວຍເຫຼືອເຊິ່ງກັນ ແລະກັນ ເພື່ອລົບລ້າງຄວາມອຶດຫີວ ຫຼຸດຜ່ອນຄວາມທຸກຍາກ; ກໍ່ສ້າງ ແລະ ນຳໃຊ້ກອງທຶນສະມາຄົມບັນດາຂັ້ນຢ່າງມີປະສິດທິຜົນ; ລະດົມສະມາຊິກເຂົ້າຮ່ວມການເຄື່ອນໄຫວ “ທົ່ວປວງຊົນສາມັກຄີສ້າງຊີວິດວັດທະນະທຳ”...
ກອງປະຊຸມໄດ້ວາງອອກບັນດາໜ້າທີ່ຈຸດສຸມເພື່ອຜັນຂະຫຍາຍປະຕິບັດໃນປີ 2022, ລວມມີ: ສືບຕໍ່ປ່ຽນແປງໃໝ່, ຍົກສູງປະສິດທິຜົນວຽກງານການທູດປະຊາຊົນໃນສະພາບການໃໝ່; ຮັກສາການພົວພັນກັບສະມາຄົມມິດຕະພາບລາວ-ຫວຽດນາມ ຢູ່ 4 ແຂວງພາກໃຕ້ຂອງລາວ; ສົມທົບກັນຈັດຕັ້ງພິທີສະເຫຼີມສະຫຼອງ 77 ປີແຫ່ງວັນຊາດ ແຫ່ງ ສາທາລະນະລັດ ສັງຄົມນິຍົມ ຫວຽດນາມ ແລະ ວັນຊາດ ແຫ່ງ ສາທາລະນະລັດ ປະຊາທິປະໄຕ ປະຊາຊົນລາວ ຄົບຮອບ 47 ປີ…
ໄຊພອນ
