| ບົດບາດຂອງວັດທະນະທໍາ, ມະນຸດຕໍ່ກັບພາລະກິດປ່ຽນແປງໃໝ່, ພັດທະນາຢູ່ ຫວຽດນາມ-ລາວ | |
| ຫວຽດນາມ ຍົກສູງທີ່ຕັ້ງຂອງອາຊຽນໃນການແກ້ໄຂບັນຫາສາກົນຢູ່ສະພາຄວາມໝັ້ນຄົງ ສປຊ |
ຫວ່າງແລ້ວນີ້, ຢູ່ຮ່າໂນ້ຍ, ເນື່ອງໃນໂອກາດສະເຫຼີມສະຫຼອງ 5 ປີແຫ່ງວັນຄະນະປະຕິບັດງານເລກທີ 6 ປີ 2016 ໄດ້ໄປຢ້ຽມຢາມ, ລະດົມກໍາລັງໃຈ ທະຫານ, ປະຊາຊົນຢູ່ໝູ່ເກາະ ເຈື່ອງຊາ ແລະ ຮ້ານເວນຍາມ (ເຮືອນຮ້ານຂຸດເຈາະ) DK1, ຄະນະປະຕິບັດງານໄດ້ຈັດຕັ້ງພິທີປະກາດປື້ມຮູບ “ໜຶ່ງການເດີນທາງ - ລ້ານການເຊື່ອມຕໍ່” ແລະ ວາງສະແດງຮູບພາບ “ເຈື່ອງຊາ ແລະ ຮ້ານເວນຍາມ DK1 ໃນດວງໃຈຂອງຊາວຫວຽດນາມ ອາໄສຢູ່ຕ່າງປະເທດ” ຕາມຮູບແບບອອນໄລ.
 |
| "ໜຶ່ງການເດີນທາງ - ລ້ານການເຊື່ອມຕໍ່" - ແຜ່ຂະຫຍາຍສານກ່ຽວກັບຄວາມແພງຮັກແພງທະເລ ແລະໝູ່ເກາະ. ພາບ: vovworld.vn |
ປຶ້ມຮູບ “ໜຶ່ງການເດີນທາງ - ລ້ານການເຊື່ອມຕໍ່” ໄດ້ສະແດງໃຫ້ເຫັນການເຄື່ອນໄຫວຂອງຄະນະຜູ້ແທນໃນກວ່າສິບວັນພ້ອມກັບກຳປັ່ນ KN-490 ໄປຍັງໝູ່ເກາະທີ່ຫ່າງໄກຂອງໝູ່ເກາະເຊື່ອງຊາ ແລະ ຮ້ານເວນຍາມ DK1 ທີ່ຕັ້ງຢູ່ໄຫຼ່ທະວີບພາກໃຕ້ຂອງປະເທດໂດຍສັງເຂບ.
ນັ້ນແມ່ນອາລົມຈິດທີ່ບໍ່ມີຂອບເຂດຂອງບັນດາສະມາຊິກໃນຄະນະປະຕິບັດງານທີ່ມີຕໍ່ບ້ານເກີດເມືອງນອນ, ແມ່ນການເຊື່ອມຕໍ່ຂອງຊາວຫວຽດນາມ ອາໄສຢູ່ 22 ປະເທດ ແລະເຂດແຄ້ວນໃນທົ່ວໂລກກັບພະນັກງານ, ນັກຮົບ ແລະ ປະຊາຊົນຢູ່ໝູ່ເກາະເຈື່ອງຊາ.
ທ່ານ ຫງວຽນຊວນເຈື່ອງ, ຊາວຫວຽດນາມ ອາໄສຢູ່ ສາທາລະນະລັດສະໂລວາກີ ໃຫ້ຮູ້ວ່າ: “ໃນການຢ້ຽມຢາມທະຫານ ແລະປະຊາຊົນໝູ່ເກາະເຈື່ອງຊາ ແລະ ຮ້ານເວນຍາມ DK1 ໃນປີ 2016, ຂ້າພະເຈົ້າມີຄວາມປະທັບໃຈທີ່ສຸດກ່ຽວກັບການພົວພັນແລກປ່ຽນ ແລະການຮ່ວມມືລະຫວ່າງບັນດາຜູ້ແທນຫວຽດນາມ ພາຍໃນປະເທດ, ຊາວຫວຽດນາມ ອາໄສຢູ່ຕ່າງປະເທດທະຫານ ແລະ ປະຊາຊົນຢູ່ໃນເກາະ”.
ເນື່ອງໃນໂອກາດນີ້, ຄະນະໄດ້ດຳເນີນງານວາງສະແດງຮູບພາບ “ເຈື່ອງຊາ ແລະຮ້ານເວນຍາມ DK1 ໃນດວງໃຈຊາວຫວຽດນາມ ອາໄສຢູ່ຕ່າງປະເທດ” ດ້ວຍຮູບຖ່າຍ 30 ແຜ່ນ ຕົ້ນຕໍແມ່ນຂອງນັກຖ່າຍຮູບສະໝັກຫຼິ້ນ.
ພໍ່ແມ່ປະຊາຊົນຊາວຫວຽດນາມ ອາໄສຢູ່ຕ່າງປະເທດຫຼາຍແຫ່ງໃນທົ່ວໂລກ ໄດ້ສະແດງຄວາມປິຕິຊົມຊື່ນ ແລະ ຕື້ນຕັນໃຈ ເມື່ອຫວນຄືນຄວາມຊົງຈຳ ແລະບາງການເຄື່ອນໄຫວດີເດັ່ນໃນຕະຫຼອດ 5 ປີຜ່ານມາຂອງບັນດາສະມາຊິກຄະນະປະຕິບັດງານເລກທີ 6 – 2016. ຄວາມຮັກແພງທະເລ, ໝູ່ເກາະ ແລະ ຄວາມເອກອ້າງທະນົງໃຈປະເທດຊາດຂອງຊາວຫວຽດນາມ ອາໄສຢູ່ຕ່າງປະເທດ ຈະສືບຕໍ່ປຸກລະດົມ, ທະວີຄູນ ແລະ ແຜ່ຂະຫຍາຍຢ່າງແຮງໃນປະຊາຄົມຊາວຫວຽດນາມ ອາໄສຢູ່ຕ່າງປະເທດ.
ບູນມີ
