ຫວຽດນາມ ຍົກສູງທີ່ຕັ້ງຂອງອາຊຽນໃນການແກ້ໄຂບັນຫາສາກົນຢູ່ສະພາຄວາມໝັ້ນຄົງ ສປຊ

08:53 | 30/12/2021

ຍສໝ - ຕາມທ່ານເອກອັກຄະລັດຖະທູດ Enrique A. Manalo ແລ້ວ, ການດຳລົງຕຳແໜ່ງເປັນກຳມະການບໍ່ຖາວອນຂອງສະພາຄວາມໝັ້ນຄົງ ສປຊ, ເປັນຕົ້ນແມ່ນເມື່ອດຳລົງຕຳແໜ່ງເປັນປະທານໝູນວຽນຂອງສະພາຄວາມໝັ້ນຄົງ ສປຊ, ຫວຽດນາມ ໄດ້ນຳມາເຊິ່ງຜົນປະໂຫຍດຫຼາຍຢ່າງໃຫ້ປະຊາຄົມ ອາຊຽນ, ພ້ອມກັນນັ້ນ ກໍ່ໄດ້ຊ່ວຍເຫຼືອປັບປຸງການພົວພັນລະຫວ່າງສະຫະປະຊາຊາດ ແລະ ອາຊຽນ ໃຫ້ໝັ້ນແກ່ນກ່ວາອີກ.

	ຫວຽດນາມ ຮຽກຮ້ອງເພີ່ມທະວີການໜູນຊ່ວຍດ້ານມະນຸດສະທຳ ໃຫ້ແກ່ ສປ.ກົງໂກ
	ຫວຽດນາມ ຈັດສົ່ງນາຍທະຫານຮັກສາສັນຕິພາບ ສປຊ ຕື່ມອີກ 12 ຄົນຢູ່ ຊູດັງໃຕ້ ແລະ ອາບຟຼີກາກາງ

ຫວຽດນາມ ຍົກສູງທີ່ຕັ້ງຂອງອາຊຽນໃນການແກ້ໄຂບັນຫາສາກົນຢູ່ສະພາຄວາມໝັ້ນຄົງ ສປຊ

ທ່ານເອກອັກຄະລັດຖະທູດ Enrique A. Manalo, ຫົວໜ້າປະຈຳການຄະນະຜູ້ຕາງໜ້າຟີລິບປິນ ປະຈຳສະຫະປະຊາຊາດ (ພາບ: TTXVN)

ຫວຽດນາມໄດ້ສິ້ນສຸດອາຍຸການເປັນສະມາຊິກບໍ່ຖາວອນຂອງສະພາຄວາມໝັ້ນຄົງສະຫະປະຊາຊາດຢ່າງເປັນທາງການ ໃນວັນທີ 31 ທັນວາ 2021. ນັກຂ່າວສຳນັກຂ່າວສານ ຫວຽດນາມປະຈຳສະຫະປະຊາຊາດ ໄດ້ສຳພາດ ທ່ານເອກອັກຄະລັດຖະທູດ Enrique A. Manalo, ຫົວໜ້າປະຈຳການຄະນະຜູ້ຕາງໜ້າຟີລິບປິນ ປະຈຳສະຫະປະຊາຊາດ, ຜູ້ຕາງໜ້າສະມາຄົມປະຊາຊາດອາຊີຕາເວັນອອກສ່ຽງໃຕ້ (ອາຊຽນ) ກ່ຽວກັບການຕີລາຄາຕໍ່ຫວຽດນາມໃນຖານະເປັນກຳມະການບໍ່ຖາວອນຂອງສະພາຄວາມໝັ້ນຄົງ ສປຊ ໃນໄລຍະ 2 ປີຜ່ານມາ.

ຕາມທ່ານເອກອັກຄະລັດຖະທູດ Enrique A. Manalo ແລ້ວ, ເລື່ອງ ຫວຽດນາມ ໄດ້ຮັບການເລືອກຕັ້ງເປັນເປັນສະມາຊິກບໍ່ປະຈຳສະພາຄວາມໝັ້ນຄົງ ສປຊ ໃນ 2 ປີຜ່ານມາ ບໍ່ພຽງແຕ່ແມ່ນບາດກ້າວພັດທະນາຢ່າງແຮງຂອງ ຫວຽດນາມ ເທົ່ານັ້ນ ຫາກຍັງແມ່ນສຳລັບປະຊາຄົມ ອາຊຽນ ອີກດ້ວຍ. ເລື່ອງ ອາຊຽນ ມີທັງ ຫວຽດນາມ ແລະ ອິນໂດເນເຊຍ ຮ່ວມກັນເປັນສະມາຊິກບໍ່ຖາວອນຂອງສະພາຄວາມໝັ້ນຄົງ ສປຊ ໃນປີ 2020 ໄດ້ຍົກສູງທີ່ຕັ້ງຂອງ ອາຊຽນຂຶ້ນຫຼາຍ, ພິເສດເມື່ອດຳລົງຕຳແໜ່ງປະທານໝູນວຽນຂອງສະພາຄວາມໝັ້ນຄົງ ສປຊ, ຫວຽດນາມ ໄດ້ນຳມາເຊິ່ງຜົນປະໂຫຍດຫຼາຍຢ່າງໃຫ້ປະຊາຄົມອາຊຽນ, ພ້ອມກັນນັ້ນ ກໍ່ປັບປຸງການພົວພັນລະຫວ່າງ ສປຊ ກັບອາຊຽນ ໃຫ້ໝັ້ນແກ່ນກ່ວາອີກ. ຫວຽດນາມ ໄດ້ປະກອບສ່ວນຢ່າງຕັ້ງໜ້າໃຫ້ແກ່ບັນດາປະເທດ, ພິເສດແມ່ນບັນດາປະເທດ ອາຊຽນ.

ໃນບັນດາຂໍ້ລິເລີ່ມທີ່ຫວຽດນາມ ສະເໜີຢູ່ສະພາຄວາມໝັ້ນຄົງ ສປຊ, ທ່ານເອກອັກຄະລັດຖະທູດ Enrique A. Manalo ໄດ້ຕີລາຄາສູງບັນດາຂໍ້ລິເລີ່ມປັບປຸງການພົວພັນຮ່ວມມືລະຫວ່າງ ສປຊ ແລະ ອາຊຽນ ກໍ່ຄືບັນດາອົງການຈັດຕັ້ງພາກພື້ນທີ່ຫວຽດນາມ ໄດ້ຍົກອອກ. ທ່ານເນັ້ນໜັກວ່າ ດ້ວຍເລື່ອງຫວຽດນາມ ດຳລົງຕຳແໜ່ງເປັນກຳມະການບໍ່ຖາວອນຂອງສະພາຄວາມໝັ້ນຄົງ, ຂໍ້ຕົກລົງການຮ່ວມມືລະຫວ່າງ ສປຊ ແລະ ອາຊຽນ ໄດ້ຍົກຂຶ້ນສູ່ລະດັບສູງໃໝ່. ຫວຽດນາມໄດ້ສ້າງລະດັບຜົນກະທົບຢ່າງແທ້ຈິງ ເມື່ອສະພາຄວາມໝັ້ນຄົງ ສປຊ ປຶກສາຫາລືບັນດາບັນຫາສາກົນ, ພິເສດແມ່ນບັນດາບັນຫາພາກພື້ນອາຊີ, ລະອຽດແມ່ນບັນຫາ ມຽນມາ. ຫວຽດນາມ ຍາມໃດກໍ່ອັບເດດບັນດາຂໍ້ມູນ ໃຫ້ແກ່ປະເທດ ອາຊຽນ ກ່ຽວກັບການຜັນແປຂອງການປຶກສາຫາລືສະພາບການມຽນມາ ຢູ່ສະພາຄວາມໝັ້ນຄົງ ສປຊ ແລະ ກົງກັນຂ້າມ, ຫວຽດນາມ ກໍ່ສວມບົດບາດເປັນຂົວຕໍ່ເພື່ອສົ່ງສານທັດສະນະ, ສຽງເວົ້າຂອງບັນດາປະເທດ ອາຊຽນ ໃນບັນຫາ ມຽນມາ ພ້ອມກັບຫຼາຍບັນຫາຕ່າງໆໄປຍັງ ສະພາຄວາມໝັ້ນຄົງ ສປຊ. ຫວຽດນາມໄດ້ຍົກສູງທີ່ຕັ້ງຂອງຕົນຂຶ້ນສູ່ລະດັສູງໃໝ່ບໍ່ພຽງແຕ່ຢູ່ສະພາຄວາມໝັ້ນຄົງ ສປຊ ເທົ່ານັ້ນ, ຫາກຍັງຢູ່ອາຊຽນອີກດ້ວຍ.

ທ່ານເອກອັກຄະລັດຖະທູດ Enrique A. Manalo ເນັ້ນໜັກວ່າ: ເມື່ອຫວຽດນາມ ຍົກອອກບັນຫາອາຊຽນ ເຂົ້າໃນໂຄງການດຳເນີນງານຂອງ ສະພາຄວາມໝັ້ນຄົງ ສປຊ, ຫວຽດນາມ ໄດ້ຊ່ວຍຍົກສູງຮູບພາບອາຊຽນ ຂຶ້ນສູ່ລະດັບສູງໃໝ່, ຍົກສູງລະດັບການພົວພັນກັບບັນດາອົງການສປຊ, ພິເສດແມ່ນສະພາຄວາມໝັ້ນຄົງ ສປຊ.

ທ່ານເອກອັກຄະລັດຖະທູດ Enrique A. Manalo ຢືນຢັນວ່າ: ຫວຽດນາມ ແມ່ນສະມາຊິກທີ່ສັດຊື່ຂອງ ອາຊຽນ ແລະ ເມື່ອໄດ້ຮັບການເລືອກຕັ້ງເປັນກຳມະການບໍ່ຖາວອນສະພາຄວາມໝັ້ນຄົງ ສປຊ, ຫວຽດນາມ ໄດ້ອັບເດດບັນດາຂໍ້ມູນຂ່າວສານໃຫ້ແກ່ ອາຊຽນ ຢ່າງເປັນປະຈຳກ່ຽວກັບບັນດາບັນຫາທີ່ພວມໄດ້ຮັບການປຶກສາຫາລືຢູ່ສະພາຄວາມໝັ້ນຄົງໃຫ້ບັນດາປະເທດເຂົ້າໃຈກ່ວາອີກກ່ຽວກັບບັນດາການຕັດສິນທີ່ກ່ຽວຂ້ອງ.

ບຸນຄົງ