 |
| ທ່ານປະທານສະພາແຫ່ງຊາດ ຫວຽດນາມ ເວືອງດິ່ງເຫ້ວ ເປັນປະທານກອງປະຊຸມ ຫົວເລື່ອງກ່ຽວກັບການປ່ຽນແປງໃໝ່, ຍົກສູງຄຸນນະພາບການເຄື່ອນໄຫວຂອງສະພາແຫ່ງຊາດ. ພາບ: qdnd.vn |
ກ່າວຄຳເຫັນທີ່ກອງປະຊຸມ, ທ່ານປະທານສະພາແຫ່ງຊາດ ຫວຽດນາມ ເວືອງດິ່ງເຫ້ວ ໄດ້ເນັ້ນໜັກເປັນພິເສດກ່ຽວກັບກໍານົດທິດທີ່ໄດ້ວາງອອກໃນມະຕິກອງປະຊຸມໃຫຍ່ຄັ້ງທີ 13 ຂອງພັກ ກ່ຽວກັບການເພີ່ມຄວາມເປັນມືອາຊີບຂອງສະພາແຫ່ງຊາດ. ການເປັນມືອາຊີບ ໄດ້ສະແດງໃຫ້ເຫັນໃນຮູບແບບການຈັດຕັ້ງ, ກົດບັນຢັດ, ຄ່ອຍໆເພີ່ມຈຳນວນສະມາຊິກສະພາແຫ່ງຊາດເຄື່ອນໄຫວໃນໜ້າທີ່ຮັບຜິດຊອບໃຫ້ເໝາະສົມ, ຍົກສູງຄຸນນະພາບ ແລະ ກຳລັງຄວາມສາມາດປະຕິບັດງານຂອງສະມາຊິກສະພາແຫ່ງຊາດ, ບັນດາອົງການຂອງສະພາແຫ່ງຊາດ, ຄະນະປະຈຳສະພາແຫ່ງຊາດໃນການປະສານງານກັບອົງການອື່ນໆ…
ທ່ານປະທານສະພາແຫ່ງຊາດ ຫວຽດນາມ ເວືອງດິ່ງເຫ້ວ ໃສ່ໃຈວ່າ ການສຶກສາ, ການແກ້ໄຂຫົວເລື່ອງນີ້ ຕ້ອງເໝາະສົມກັບບັນດາຫົວເລື່ອງອື່ນໆ ແລະ ບັນດາແຜນຮ່າງໃຫຍ່ທີ່ຍື່ນສະເໜີຕໍ່ກົມການເມືອງໃນຄັ້ງນີ້ ເພື່ອຫຼີກເວັ້ນບໍ່ໃຫ້ມີເນື້ອໃນຊ້ຳຊ້ອນ; ກ່ຽວກັບລັກສະນະທົ່ວໄປຂອງຮູບແບບລັດແຫ່ງອຳນາດກົດໝາຍ ແລະລັກສະນະສະເພາະຂອງຮູບແບບລັດແຫ່ງອຳນາດກົດໝາຍສັງຄົມນິຍົມ.
ຫົວເລື່ອງຕ້ອງສຸມໃສ່ເຮັດຈະແຈ້ງຮາກຖານວິທະຍາສາດ, ຮາກຖານປະຕິບັດຕົວຈິງ, ປະສົບການສາກົນ; ຄົ້ນຄວ້າເພື່ອຖອດຖອນບັນດາບັນຫາ, ທັດສະນະ, ການກໍານົດທິດໃຫຍ່, ຫຼັກການ, ທິດທາງ, ໜ້າທີ່, ວິທີແກ້ໄຂຕົ້ນຕໍ; ຄົ້ນຄວ້າເປີດກວ້າງສິດອຳນາດຂອງຄະນະປະຈຳສະພາແຫ່ງຊາດ.
ໄຊພອນ
