| ຫວຽດນາມ ຕັ້ງເປົ້າໝາຍຈະຢູ່ໃນ top 50 ສະຖານທີ່ທ່ອງທ່ຽວຂອງໂລກ | |
| ສະມາຄົມມິດຕະພາບບຸນກາຣີ - ຫວຽດນາມ ຢູ່ຮ່າໂນ້ຍ ມອບເງິນຈຳນວນ 50 ລ້ານດົ່ງໃຫ້ກອງທຶນປ້ອງກັນຕ້ານ COVID-19 |
 |
| ສະເຫຼີມສະຫຼອງ 50 ປີແຫ່ງວັນສ້າງຕັ້ງການພົວພັນທາງການທູດ ຫວຽດນາມ ແລະ ຈີເລ. ພາບ: TTXVN |
ກ່າວຄຳເຫັນທີ່ພິທີສະເຫຼີມສະຫຼອງ, ຜູ້ຊ່ວຍວຽກລັດຖະມົນຕີກະຊວງການຕ່າງປະເທດ, ຫົວໜ້າກົມບັນດາອົງການຈັດຕັ້ງສາກົນ ໂດຮຸ່ງຫວຽດ ໃຫ້ຮູ້ວ່າ: ການພົວພັນລະຫວ່າງ 2 ປະເທດ ຫວຽດນາມ - ຈີເລ ສືບຕໍ່ໄດ້ຮັບການຮັກສາ ແລະ ພັດທະນາ ຜ່ານບັນດາໝາກຜົນຂອງບັນດາການພົບປະຂັ້ນສູງ ແລະ ບັນດາກົນໄກການຮ່ວມມື; ການແລກປ່ຽນການຄ້າໃນເດືອນກັນຍາ 2021 ບັນລຸເກືອບ 1,5 ຕື້ USD (ເພີ່ມຂຶ້ນ 59% ເມື່ອທຽບໃສ່ໄລຍະດຽວກັນຂອງປີ 2020); ບັນດາສັນຍາ, ຂໍ້ຕົກລົງຮ່ວມມືໃນຫຼາຍຂົງເຂດໄດ້ຮັບການຈັດຕັ້ງປະຕິບັດ, ເຮັດໃຫ້ການພົວພັນລະຫວ່າງສອງປະເທດເຂົ້າສູ່ລວງເລິກ ແລະ ນັບມື້ນັບມີຄວາມຫຼາກຫຼາຍ. ສອງຝ່າຍມີບັນດາການເຄື່ອນໄຫວຊ່ວຍເຫຼືອເຊິ່ງກັນແລະກັນທີ່ແທດຈິງເພື່ອຮັບມືກັບພະຍາດໂຄວິດ-19, ອັນໄດ້ສະແດງໃຫ້ເຫັນຄວາມສາມັກຄີ, ມິດຕະພາບລະຫວ່າງປະຊາຊົນສອງປະເທດ.
ທ່ານເອກອັກຄະລັດຖະທູດ ຈີເລ ປະຈຳ ຫວຽດນາມ Patricio Becker ຢືນຢັນວ່າ: ນ້ຳໃຈມິດຕະພາບ, ຄວາມສາມັກຄີອັນສະໜິດແໜ້ນລະຫວ່າງປະຊາຊົນສອງປະເທດ, ການພົວພັນອັນດີງາມລະຫວ່າງ ຫວຽດນາມ - ຈີເລ ໃນໄລຍະຈະມາເຖິງ ຈະໄດ້ຮັບການເພີ່ມພູນຄູນສ້າງ, ປັບປຸງ ແລະ ພັດທະນາ, ຕອບສະໜອງຄວາມມຸ່ງມາດປາດຖະໜາຂອງປະຊາຊົນສອງປະເທດ; ປະກອບສ່ວນໃນການຮັກສາສັນຕິພາບ, ສະຖຽນລະພາບ, ການຮ່ວມມື ແລະ ການພັດທະນາຢູ່ພາກພື້ນ ແລະ ໃນໂລກ.
ໄຊພອນ
