| ຈີນຮັດແໜ້ນການນຳເຂົ້າຜະລິດຕະພັນກະສິກຳ, ວິສາຫະກິດຕ້ອງໃສ່ໃຈ 11 ຈຸດ | |
| ສືບຕໍ່ເພີ່ມພູນຄູນສ້າງການພົວພັນ ອາຊຽນ - ຈີນ ໃຫ້ມີການພັດທະນາຢ່າງບໍ່ຢຸດຢັ້ງ |
 |
| ພາບປະກອບ: kinhtedothi.vn |
ວິສາຫະກິດການຜະລິດຂອງຕ່າງປະເທດທີ່ສົ່ງອອກສະບຽງອາຫານເຂົ້າປະເທດຈີນ ຕ້ອງຍື່ນເອກະສານຈົດທະບຽນວິສະຫະກິດຜ່ານລະບົບລົງທະບຽນ.
ກົມໃຫຍ່ພາສີ ສປ. ຈີນ ໃຫ້ຂໍ້ມູນ: ຍົກເວັ້ນກໍລະນີທີ່ມີການຕົກລົງສະເພາະລະຫວ່າງອົງການທີ່ມີສິດອຳນາດຂອງຫວຽດນາມ ກັບກົມໃຫຍ່ພາສີ ສປ. ຈີນ, ວິສາຫະກິດຕ່າງປະເທດທີ່ສົ່ງອອກສະບຽບອາຫານເຂົ້າປະເທດຈີນ ຕ້ອງຍື່ນເອກະສານຈົດທະບຽນວິສາຫະກິດໂດຍຜ່ານລະບົບຄຸ້ມຄອງການຈົດທະບຽນວິສາຫະກິດການຜະລິດຂອງຕ່າງປະເທດທີ່ສົ່ງອອກສະບຽງອາຫານ (ເອີ້ນຫຍໍ້ວ່າ ລະບົບຈົດທະບຽນ).
ລະບົບປະກອບດ້ວຍ website: http://cifer.singlewindow.cn/ ຫຼື ປະຕູຂໍ້ມູນການຄ້າສາກົນປະຕູດຽວຂອງປະເທດຈີນ http://singlewindow.cn/.
ຕາມຂໍ້ກຳນົດໃໝ່ນີ້, ນັບແຕ່ວັນທີ 1/1/2022 ບັນດາວິສາຫະກິດການຜະລິດສະບຽງອາຫານນຳເຂົ້າປະເທດຈີນທີ່ໄດ້ຈົດທະບຽນ ຕ້ອງພິມລະຫັດທີ່ກົມໃຫຍ່ພາສີ ສປ. ຈີນ ອອກໃຫ້ ຫຼື ລະຫັດທີ່ອົງການທີ່ມີສິດອຳນາດຂອງຫວຽດນາມອອກໃຫ້.
ສຳລັບ 4 ປະເພດຜະລິດຕະພັນ ປະກອບມີ: ຊີ້ນ ແລະ ຜະລິດຕະພັນຕ່າງໆຈາກຊີ້ນ, ອາຫານທະເລ, ຜະລິດຕະພັນນົມ, ເຂົ້າໂອດ ແລະ ຜະລິດຕະພັນຈາກເຂົ້າໂອດ, ບັນດາວິສາຫະກິດທີ່ໄດ້ລົງທະບຽນນັ້ນ ການຈົດທະບຽນສະສືບຕໍ່ມີຜົນສັກສິດຕາມກຳນົດເວລາທີ່ໄດ້ຮັບອະນຸຍາດ.
ກ່ອນວັນທີ 1/1/2022, ການຈົດທະບຽນວິສາຫະກິດທີ່ນອນໃນ 4 ປະເພດສະບຽງອາຫານນີ້, ອົງການທີ່ມີສິດອຳນາດທາງຫວຽດນາມຈົດທະບຽນຕາມວິທີການປະຕິບັດໃນປັດຈຸບັນ (ຕາມການຕົກລົງທີ່ມີແລ້ວ) ຫຼື ໂດຍຜ່ານລະບົບຈົດທະບຽນເພື່ອຍື່ນເອກະສານຈົດທະບຽນວິສາຫະກິດ.
ນັບແຕ່ວັນທີ 1/1/2022, ກົມໃຫຍ່ພາສີ ສປ. ຈີນ ຈະຮັບຮອງພຽງແຕ່ເອກະສານທີ່ຍື່ນຜ່ານລະບົບຈົດທະບຽນເທົ່ານັ້ນ. ສຳລັບບັນຊີລາຍຊື່ວິສາຫະກິດທີ່ນອນໃນປະເພດການຈົດທະບຽນກ່ອນວັນທີ 31/10/2021 ໂດຍອົງການທີ່ມີສິດອຳນາດຂອງຫວຽດນາມທີ່ໄດ້ສົ່ງເຖິງກົມໃຫຍ່ພາສີ ສປ. ຈີນ, ປັດຈຸບັນ ກົມໃຫຍ່ພາສີ ສປ. ຈີນ ກຳລັງນຳມາກວດກາພິຈາລະນາ, ຖ້າແທດເໝາະກັບເງື່ອນໄຂແລ້ວ ຈະປະກາດຜົນຕໍ່ເນື່ອງໃນລະບົບກ່ອນວັນທີ 31/12/2021. ວິສາຫະກິດທີ່ໄດ້ຈົດທະບຽນກັບອົງການທີ່ມີສິດອຳນາດຂອງຫວຽດນາມ ສາມາດເປັນເຈົ້າການຕິດຕາມໄດ້.
ວິລະຊົນ
