| ວິສາຫະກິດ ອົດສະຕາລີ ຊອກຫາກາລະໂອກາດຮ່ວມມືກັບ ຫວຽດນາມ | |
| ສ້າງບາດກ້າວບຸກທະລຸພັດທະນາການພົວພັນລະຫວ່າງ ຫວຽດນາມ - ສະຫະພັນລັດເຊຍ |
 |
| ພາບປະກອບ |
ຂໍ້ມູນຈາກ ຫ້ອງການແຈ້ງການ ແລະ ສະຖານທິ່ຖາມຕອບແຫ່ງຊາດກ່ຽວກັບຄວາມປອດໄພສະບຽງອາຫານ ແລະ ການກັກກັນພະຍາດ ( SPS ຫວຽດນາມ) ໃຫ້ຮູ້ວ່າ: ນັບແຕ່ວັນທີ 1 ມັງກອນ 2022 ເປັນຕົ້ນໄປ, ຈີນຈະປະກາດໃຊ້ຄຳສັ່ງ 248, 249 ກ່ຽວກັບການຈົດທະບຽນວິສາຫະກິດນຳເຂົ້າສະບຽງອາຫານເຂົ້າຈີນ ແລະ ມາດຕະການຄຸ້ມຄອງຄວາມປອດໄພສະບຽງອາຫານທີ່ນຳເຂົ້າຈີນຢ່າງເປັນທາງການ.
ເພື່ອໃຫ້ບັນດາວິສາຫະກິດມີຄວາມເຂົ້າໃຈຢ່າງຈະແຈ້ງ ແລະ ປະຕິບັດຖືກຕ້ອງຕາມບັດດາຂໍ້ກຳນົດດັ່ງກ່າວ, ຫວ່າງມໍ່ໆມານີ້, ກອງເລຂາອາຊຽນໄດ້ຈັດກອງປະຊຸມທາງອອນລາຍເພື່ອໃຫ້ກົມໃຫຍ່ພາສີຈີນ ແນະນຳຂໍ້ກຳນົດກົດລະບຽບການຈົດທະບຽນວິສາຫະກິດນຳເຂົ້າສະບຽງອາຫານເຂົ້າຈີນ (ຄຳສັ່ງ 248), ມາດຕະການຄຸ້ມຄອງຄວາມປອດໄພດ້ານສະບຽງອາຫານທີ່ນຳເຂົ້າຈີນ (ຄຳສັ່ງ 249) ມາຍັງບັນດາອົງການທີ່ມີສິດໜ້າທີ່, ຜູ້ຕາງໜ້າຂອງບັນດາສະມາຄົມທີ່ກ່ຽວຂ້ອງຂອງສະມາຊິກອາຊຽນ ແລະ ຕອບຄຳຖາມບັນດາຂໍ້ຄົງຄ້າງຂອງສະມາຊິກອາຊຽນ.
ບົນພື້ນຖານບັນດາຄຳຖາມຂອງສະມາຊິກອາຊຽນ ແລະ ຫວຽດນາມ, ກົມໃຫຍ່ພາສີຈີນໄດ້ຕອບບາງຂໍ້ມູນເພື່ອໃຫ້ບັນດາວິສາຫະກິດຈັດຕັ້ງປະຕິບັດ.
ສໍາລັບ 4 ປະເພດຜະລິດຕະພັນທີ່ໄດ້ຈົດທະບຽນ ແລະ ອອກລະຫັດ (ຊີ້ນ ແລະ ຜະລິດຕະພັນຊີ້ນ; ຜະລິດຕະພັນສິນໃນນໍ້າ; ຜະລິດຕະພັນນຳ້ນົມ; ຮັງນົກແອ່ນ ແລະ ຜະລິດຕະພັນຈາກຮັງນົກແອ່ນ), ບັນດາລະຫັດເຫຼົ່ານີ້ຍັງສືບຕໍ່ມີຜົນສັກສິດນໍາໃຊ້ຖືກຕ້ອງຕາມຂໍ້ກຳນົດກົດລະບຽບລະຫວ່າງອົງການທີ່ມີສິດໜ້າທີ່ຂອງປະເທດ (ພາກພື້ນການສົ່ງອອກ) ແລະ ກົມໃຫຍ່ພາສີຂອງຈີນ. ເປັນໜ້າໃສ່ໃຈ, ຄຳສັ່ງ 248 ພຽງແຕ່ນໍາໃຊ້ກັບວິສາຫະກິດປຸງແຕ່ງ - ຜະລິດ - ເກັບຮັກສາ, ບໍ່ນໍາໃຊ້ສໍາລັບວິສາຫະກິດການຄ້າ.
ກ່ອນວັນທີ 1 ມັງກອນ 2022, ອົງການທີ່ມີສິດໜ້າທີ່ຂອງປະເທດ (ພື້ນທີ່ສົ່ງອອກ) ສາມາດນໍາໃຊ້ສອງຮູບແບບ: ຈົດທະບຽນຢູ່ໃນເວັບໄຊ: singlewindow.cn ຫຼື ປະຕິບັດຕາມວິທີການທີ່ພວມນຳໃຊ້ໃນປະຈຸບັນລະຫວ່າງສອງຝ່າຍ.
ໄຊພອນ
