 |
| ກອງປະຊຸມຄັ້ງທີ 8 ຂອງຄະນະກຳມະການປະສານງານ SEARP ຂອງ OECD (ພາບ: ກະຊວງການຕ່າງປະເທດ) |
ທີ່ກອງປະຊຸມຄັ້ງທີ 8 ຂອງຄະນະກຳມະການປະສານງານ SEARP ຂອງ OECD ໃນຕອນບ່າຍວັນທີ 9 ທັນວາ, ຫວຽດນາມ ແລະ ອົດສະຕາລີ ໄດ້ຮັບການແຕ່ງຕັ້ງເປັນປະທານຮ່ວມຂອງໂຄງການ SEARP ໄລຍະ 2022-2025 ແທນ ໄທ ແລະ ສ.ເກົາຫຼີ.
ກ່າວຄຳເຫັນທີ່ກອງປະຊຸມ, ທ່ານນາງຮອງລັດຖະມົນຕີ, ຫົວໜ້າກົມເສດຖະກິດສັງລວມ, ກະຊວງການຕ່າງປະເທດ ຫງວຽນມິງຮັ່ງ ຮັບຮູ້ວ່າ: ໂຄງການໄດ້ໜູນຊ່ວຍບັນດາປະເທດອາຊີຕາເວັນອອກສ່ຽງໃຕ້ໃນວິວັດການຟື້ນຟູເສດຖະກິດ ແລະ ສັງຄົມ, ເຮັດໃຫ້ພາກພື້ນຫຍັບໃກ້ເຂົ້າກັບມາດຖານ ແລະ ພຶດຕິກຳທີ່ດີກ່ວາຂອງ OECD.
ທ່ານນາງ ຫງວຽນມິງຮັ່ງ ໄດ້ສະແດງຄວາມຂອບໃຈຕໍ່ການຮັບຮູ້ຂອງ OECD ແລະ ໂຄງການ SEARP ໃນບັນດາການປະກອບສ່ວນ ແລະ ຄວາມຮັບຜິດຊອບຂອງ ຫວຽດນາມ ໃນໄລຍະຜ່ານມາ, ຢືນຢັນຈະມານະພະຍາຍາມສົມທົບກັນຢ່າງແໜ້ນແຟ້ນກັບ ອົດສະຕາລີ ໃນໄລຍະຈະມາເຖິງເພື່ອແນໃສ່ເສີມຂະຫຍາຍບັນດາໝາກຜົນທີ່ບັນລຸໄດ້ໃນໄລຍະຜ່ານມາ ແລະ ຕິດພັນຢ່າງມີປະສິດທິຜົນກວ່າຂອງOECD ເວົ້າລວມ ແລະ ໂຄງການ SEARP ເວົ້າສະເພາະກັບພາກພື້ນ.
ຫວຽດນາມ ແມ່ນປະເທດທີ 3 ຢູ່ອາຊີຕາເວັນອອກສ່ຽງໃຕ້ທີ່ຮັບດຳລົງຕຳແໜ່ງເປັນປະທານຮ່ວມໂຄງການ SEARP, ຖັດຈາກ ອິນໂດເນເຊຍ ແລະ ໄທ. ການຮັບດຳລົງຕຳແໜ່ງນີ້ແມ່ນຄວາມມານະພະຍາຍາມເພື່ອປະຕິບັດຄຳສັ່ງເລກທີ 25 ກ່ຽວກັບການຍົກລະດັບວຽກງານການຕ່າງປະເທດຫຼາຍຝ່າຍ, ແມ່ນໂອກາດສຳຄັນເພື່ອໃຫ້ ຫວຽດນາມ ເຂົ້າຮ່ວມຢ່າງຕັ້ງໜ້າເພື່ອແນໃສ່ຊຸກຍູ້ບັນດາຄວາມສົນໃຈລວມ ກໍ່ຄືສົມທົບບັນດາບຸລິມະສິດພັດທະນາໃນພາກພື້ນຂອງ OECD ແລະ SEARP. ຄຽງຂ້າງນັ້ນ, ແມ່ນສະແດງບົດບາດ ແລະ ຄວາມຮັບຜິດຊອບຂອງສາກົນ, ດ້ານອື່ນ, ຊ່ວຍໃຫ້ ຫວຽດນາມ ຍາດແຍ່ງເອົາບັນດາຄຳປຶກສາ ແລະ ການໜູນຊ່ວຍ OECD ໃຫ້ແກ່ບັນດາເປົ້າໝາຍພັດທະນາ.
ບຸນຄົງ
