| ຈີນພິຈາລະນາການນຳເຂົ້າໝາກຫນອດຫວຽດນາມ | |
| ທ່ານເລຂາຄະນະພັກແຂວງລາວກາຍ ໄດ້ຕ້ອນຮັບການເຂົ້າຢ້ຽມຂ່ຳນັບ ຈາກສະຖານກົງສຸນໃຫຍ່ຫວຽດນາມ ປະຈຳ ຄຸນໝິງ ແລະ ການນຳຂອງກຸ່ມບໍລີສັດ Sunwah. |
 |
| ກອງປະຊຸມໄດ້ຈັດຕັ້ງແບບທາງໄກ (ພາບ: vtv.vn) |
ກ່າວຄຳເຫັນທີ່ກອງປະຊຸມສຳມະນາ, ທ່ານຮອງລັດຖະມົນຕີການຕ່າງປະເທດຫວຽດນາມ ຫງວຽນມິງຫວູ ໄດ້ສະແດງຄວາມຊົມເຊີຍຕໍ່ຈີນກ່ຽວກັບບັນດາຜົນງານຂອງຈີນເວົ້າລວມ ແລະ ແຂວງຢຸນນານເວົ້າສະເພາະໃນການລົບລ້າງຄວາມອຶດຫິວຫຼຸດຜ່ອນຄວາມທຸກຍາກ, ປະກອບສ່ວນສຳຄັນເຂົ້າໃນເປົ້າໝາຍ 100 ປີ ຄັ້ງທຳອິດແຫ່ງການກໍ່ສ້າງສຳເລັດສັງຄົມຢ່າງຮອບດ້ານ.
ທ່ານຮອງລັດຖະມົນຕີ ຫງວຽນມິງຫວູ ໄດ້ສະແດງຄວາມຊົມເຊີຍ ແລະ ຕີລາຄາສູງການຮ່ວມມືລະຫວ່າງ 2 ຝ່າຍໃນການຈັດຕັ້ງກອງປະຊຸມ; ຢືນຢັນວ່າ ກະຊວງການຕ່າງປະເທດຫວຽດນາມ ຍາມໃດກໍ່ຮ່ວມເດີນທາງ ແລະ ພ້ອມແລ້ວທີ່ຈະເປັນຂົວເຊື່ອມຕໍ່ໃຫ້ບັນດາທ້ອງຖິ່ນຂອງສອງຝ່າຍແບ່ງປັນປະສົບການ, ຜັນຂະຫຍາຍບັນດາໂຄງການຮ່ວມມືແກ້ໄຂຄວາມທຸກຍາກ. ທ່ານຮອງລັດຖະມົນຕີ ຫງວຽນມິງຫວູ ສະເໜີວ່າ 2 ທ້ອງຖິ່ນຄວນເພີ່ມທະວີການຮ່ວມມື, ແບ່ງປັນບົດຮຽນໃນການວາງແຜນພັດທະນາເສດຖະກິດ - ສັງຄົມ; ຊຸກຍູ້ການຮ່ວມມືດ້ານເສດຖະກິດ, ການຄ້າ ແລະ ການລົງທຶນ; ຜັນຂະຫຍາຍໂຄງການປັບປຸງຊີວິດການເປັນຢູ່ຂອງປະຊາຊົນ, ຍົກສູງຄຸນນະພາບຊີວິດຂອງປະຊາຊົນ; ເພີ່ມທະວີການຮ່ວມມືໃນການປ້ອງກັນ, ຕ້ານໂລກລະບາດໂຄວິດ - 19; ເອົາໃຈໃສ່ຕໍ່ການພັດທະນາແບບຍືນຍົງ ແລະ ກວມລວມໃຫ້ຫຼາຍກວ່າເກົ່າ.
ທ່ານຮອງນາຍົກລັດຖະມົນຕີ ຫງວຽນມິງຫວູ ໄດ້ສະແດງຄວາມຂອບໃຈແຂວງຢຸນນານ ທີ່ໄດ້ສະໜອງວັດຖຸອຸປະກອນການແພດເປັນຫລາຍຄັ້ງເພື່ອປ້ອງກັນ ແລະ ຄວບຄຸມ COVID-19 ໃຫ້ບັນດາແຂວງ, ນະຄອນຂອງຫວຽດນາມ.
ທ່ານເອກອັກຄະລັດຖະທູດຈີນປະຈຳຫວຽດນາມ ຊຸງປົວ ໃຫ້ຮູ້ວ່າ: ນັບແຕ່ກອງປະຊຸມໃຫຍ່ຄັ້ງທີ 18 ຂອງພັກມາຮອດປະຈຸບັນ, ພັກກອມມູນິດຈີນໄດ້ນຳພາປະຊາຊົນຈີນປະຕິບັດວຽກງານຫຼຸດຜ່ອນຄວາມທຸກຍາກໃຫຍ່ທີ່ສຸດໃນປະຫວັດສາດຂອງມວນມະນຸດ; ບັນລຸໄດ້ຜົນສຳເລັດອັນສຳຄັນ ເຊິ່ງມີ 832 ເມືອງ ແລະ ຊາວກະສິກອນເກືອບ 100 ລ້ານຄົນ ໄດ້ຫຼຸດພົ້ນອອກຈາກຄວາມທຸກຍາກ, ປະຕິບັດສຳເລັດກ່ອນ 10 ປີຂອງການປະຕິບັດເປົ້າໝາຍການພັດທະນາແບບຍືນຍົງ ປີ 2030 ໂດຍສະຫະປະຊາຊາດວາງອອກ; ເພື່ອຜັນຂະຫຍາຍວຽກງານການທູດຮັບໃຊ້ການຫຼຸດຜ່ອນຄວາມທຸກຍາກ, ກະຊວງການຕ່າງປະເທດຈີນໄດ້ຮັບໜູນຊ່ວຍໃຫ້ສອງເມືອງທຸກຍາກຄື Jin Ping ແລະ Ma Li Po.
ທ່ານເອກອັກຄະລັດຖະທູດ ຊຸງປົວ ຢືນຢັນວ່າ ຈີນ ປາດຖະໜາຢາກຮ່ວມມືກັບ ຫວຽດນາມ ໃນພາລະກິດແຫ່ງການລົບລ້າງຄວາມອຶດຫິວ ຫຼຸດຜ່ອນຄວາມທຸກຍາກໂດຍຜ່ານບັນດາຮູບການຊ່ວຍເຫຼືອລ້າ, ສຸມໃສ່ ແລະ ບັນດາໂຄງການສາທາລະນະສຸກ, ການສຶກສາ, ບຳລຸງສ້າງຊີວິດການເປັນຢູ່ຂອງປະຊາຊົນ; ສະຖານທູດຈີນປະຈຳຮ່າໂນ້ຍ ແລະ ສ່ວນບຸກຄົນເວົ້າສະເພາະ ໄດ້ ແລະ ຈະມານະພະຍາຍາມປະຕິບັດບັນດາໂຄງການໜູນຊ່ວຍຊາວຫວຽດນາມຢູ່ເຂດປະສົບກັບຄວາມຫຍຸ້ງຍາກ; ປະກອບສ່ວນປະຕິບັດ ບັນດາຄວາມຮັບຮູ້ລວມຂອງການນຳສອງພັກ ແລະ ສອງລັດ ທີ່ບັນລຸໄດ້ໃຫ້ເປັນຢ່າງດີ.
ທີ່ກອງປະຊຸມ, ຜູ້ຕາງໜ້າກະຊວງການຕ່າງປະເທດຈີນ ແລະ ການນຳບັນດາທ້ອງຖິ່ນຂອງສອງປະເທດໄດ້ສະເໜີບົດລາຍງານກ່ຽວກັບປະສົບການໃນການລົບລ້າງຄວາມອຶດຫິວ, ຫຼຸດຜ່ອນຄວາມທຸກຍາກ. 2 ຝ່າຍໄດ້ເຫັນດີເປັນເອກະສັນກັນວ່າ: ໃນໄລຍະຜ່ານມາ, ການລົບລ້າງຄວາມອຶດຫິວຫຼຸດຜ່ອນຄວາມທຸກຍາກຢູ່ແຕ່ລະປະເທດບັນລຸໄດ້ຫຼາຍໝາກຜົນສຳຄັນ; ຢືນຢັນລັກສະນະຍອດຢ້ຽມຂອງລະບອບສັງຄົມນິຍົມທີ່ດີເດັ່ນ, ໂດຍໄດ້ຮັບການຕີລາຄາສູງຈາກປະຊາຄົມໂລກ; ເນັ້ນໜັກເຖິງການພັດທະນາຂອງແຕ່ລະປະເທດຕ້ອງຖືການຍົກສູງລະດັບຊີວິດການເປັນຢູ່ຂອງປະຊາຊົນເປັນໃຈກາງການຮັບໃຊ້; ເປັນພື້ນຖານ ແລະ ຍາວນານ ຂອງທຸກໂຄງການກະທຳ, ເປັນຕົ້ນແມ່ນ ໃນສະພາບການໂລກລະບາດໂຄວິດ - 19 ມີການຜັນແປຢ່າງສັບສົນ, ແກ່ຍາວຄືໃນປັດຈຸບັນ.
ການນຳທ້ອງຖິ່ນໄດ້ເຫັນດີເປັນເອກະພາບວ່າ ນອກຈາກການໜູນຊ່ວຍຈາກສູນກາງ, ບັນດາທ້ອງຖິ່ນຄວນຕັ້ງໜ້າຂຸດຄົ້ນບັນດາກຳລັງແຮງຂອງຕົນ, ສຸມໃສ່ລະດົມທຸກແຫຼ່ງກຳລັງເພື່ອສ້າງວຽກເຮັດງານທຳ, ຍົກສູງຄຸນນະພາບດ້ານສາທາລະນະສຸກ, ການສຶກສາ ແລະ ຊີວິດການເປັນຢູ່ຂອງປະຊາຊົນ, ພິເສດແມ່ນປະຊາຊົນຢູ່ເຂດຫ່າງໄກສອກຫຼີກ ແລະ ຊົນເຜົ່າສ່ວນຫນ້ອຍ.
ບຸນຄົງ
