 |
ທ່ານ ທອງລຸນ ສີສຸລິດ ນາຍົກລັດຖະມົນຕີ.(ພາບ:vientianemai.net)
ທ່ານ ທອງລຸນ ສີສຸລິດ ນາຍົກລັດຖະມົນຕີ ໄດ້ເນັ້ນໜັກວ່າ: ການພັດທະນາພື້ນຖານໂຄງລ່າງດ້ານພະລັງງານໄຟຟ້າ ແລະ ບໍ່ແຮ່ ຕ້ອງໄປຄຽງຄູ່ກັບການອະນຸລັກ ແລະ ບູລະນະສິ່ງແວດລ້ອມໃຫ້ມີຄວາມຍືນຍົງ; ຕ້ອງເພີ່ມທະວີເອົາໃຈໃສ່ຄຸ້ມຄອງການກໍ່ສ້າງ ໂຄງການຜະລິດພະລັງງານໄຟຟ້າໃຫ້ມີຄຸນນະພາບ ແລະ ມາດຕາຖານສາກົນ; ການຈັດການນ້ຳຢູ່ແຕ່ລະເຂື່ອນຜະລິດໄຟຟ້າໃນທົ່ວປະເທດ ເພື່ອຮັບປະກັນໃຫ້ເຂື່ອນແຕ່ລະແຫ່ງມີຄວາມໝັ້ນຄົງ-ປອດໄພ; ສາມາດຮອງຮັບສະພາບດິນຟ້າອາກາດ ແລະ ໄພພິບັດທີ່ອາດຈະເກີດຂຶ້ນໄດ້ທຸກເວລາ ໃຫ້ຮີບຮ້ອນປັບປຸງໂຄງສ້າງລາຄາໄຟຟ້າ ແລະ ການປະຕິບັດຕາມລາຄາໃໝ່ ສຳລັບພາກທີ່ຢູ່ອາໄສໄປພ້ອມກັບການປັບປຸງລາຄາໄຟຟ້າ ຕໍ່ພາກອຸດສາຫະກຳການປຸງແຕ່ງ ຜະລິດຕະພັນກະສິກຳ ແລະ ອື່ນໆ ໃຫ້ສອດຄ່ອງກັບຕົ້ນທຶນຜະລິດຂອງໄຟຟ້າລາວ ເພື່ອບໍ່ໃຫ້ໄຟຟ້າລາວຂາຍໃນລາຄາທີ່ຫຼຸບທຶນຫຼາຍເກີນໄປ; ສືບຕໍ່ປັບປຸງຂອດໃຫ້ການບໍລິການ ແລະ ຫຼຸດຜ່ອນຂັ້ນຕອນໃຫ້ສັ້ນລົງ ເພື່ອຮັບປະກັນຄວາມວ່ອງໄວ ແລະ ຄຸນນະພາບຂອງການບໍລິການຕາມຄຳສັ່ງ 02/ນຍ ເພື່ອປັບປຸງຕົວຊີ້ວັດການດຳເນີນທຸລະກິດໃຫ້ດີຂຶ້ນ; ໃຫ້ສືບຕໍ່ປັບປຸງການກຳນົດແຜນພັດທະນາວຽກງານພະລັງງານ ໃຫ້ສອດຄ່ອງກັບເງື່ອນໄຂສະພາບຄວາມຮຽກຮ້ອງຕ້ອງການ ແລະ ຄວາມສາມາດຕົວຈິງ; ສືບຕໍ່ຂຸດຄົ້ນທ່າແຮງບົ່ມຊ້ອນການນຳໃຊ້ພະລັງງານທົດແທນ ເຊິ່ງເປັນພະລັງງານໄຟຟ້າທີ່ສະອາດ ເປັນມິດຕໍ່ສິ່ງແວດລ້ອມ ແລະ ມີຜົນກະທົບໜ້ອຍສຸດຕໍ່ປະຊາຊົນ; ຄົ້ນຄວ້າຫຼຸດຕົ້ນທຶນໃຫ້ຖືກລົງ ເອົາໃຈໃສ່ກວດກາ ແລະ ຕິດຕາມບັນດາໂຄງການລົງທຶນຂອງລັດຢ່າງຕໍ່ເນື່ອງ ເພື່ອເພີ່ມລາຍຮັບ ແລະ ຫຼຸດຜ່ອນລາຍຈ່າຍ ໂດຍສະເພາະ ຕ້ອງໄດ້ລົງເລິກວິເຄາະວິໄຈບັນຫາ ແລະ ສາເຫດທີ່ພາໃຫ້ການເຄື່ອນໄຫວດຳເນີນທຸລະກິດຂອງລັດວິສາຫະກິດ ແລະ ບໍລິສັດບໍ່ມີປະສິດທິຜົນທາງດ້ານເສດຖະກິດ ພ້ອມນີ້ ກໍຕ້ອງໄດ້ປັບປຸງຮອບດ້ານໃຫ້ແທດເໝາະກັບສະພາບຕົວຈິງ ...
（ໄຊພອນ）
