| ດ່ານັ້ງ ຈັດຕັ້ງການປະກວດຮູບຖ່າຍທາງໄກໃຫ້ນັກທ່ອງທ່ຽວ ສ.ເກົາຫຼີ | |
| ເປີດໂຕຫ້ອງການຄຸ້ມຄອງແຮງງານຫວຽດນາມ ຕາມໂຄງການ EPS ຢູ່ ສ.ເກົາຫຼີ |
 |
| ງານແລກປ່ຽນແຟຊັ່ນ ຫວຽດນາມ-ສ.ເກົາຫຼີ. ພາບ: TTXVN |
ຈຸດພົ້ນເດັ່ນຂອງ KVFFA ປີນີ້ແມ່ນການສະແດງຊຸດເສື້ອຍາວຫວຽດນາມ ທີມີລວດລາຍ ຮຸບທຸງດາວເຫຼືອງ, ເຊິ່ງໄດ້ສະແດງເຖິງສານເຊີດຊູປະເທດຊາດ ແລະ ຊາວຫວຽດນາມ ໃນການພົວພັນທີ່ສະໜິດຕິດແໜ້ນກັບປະຊາຊົນ ສ.ເກົາຫຼີ. ທີ່ເຫດການ, ວົງດົນຕີ K-pop ຫຼາຍວົງ ແລະ ນັກສິລະປິນ ສ.ເກົາຫຼີ ຫຼາຍທ່ານໄດ້ເຂົ້າຮ່ວມການສະແດງ ອັນໄດ້ສ້າງເປັນລາຍການສິລະປະທີ່ຄືກຄື້ນ ແລະ ມີສີສັນຫຼາກຫຼາຍ.
ກ່າວຄຳເຫັນທີ່ເຫດການ, ທ່ານເອກອັກຄະລັດຖະທູດ ຫວຽດນາມ ປະຈຳ ສ.ເກົາຫຼີ ຫງວຽນຫວູຕຸ່ງ ໃຫ້ຮູ້ວ່າ: KVFFA 2021 ແມ່ນເຫດການທີ່ມີຄວາມໝາຍ ແລະ ແທດຈິງເນື່ອງໃນໂອກາດສະເຫຼີມສະຫຼອງ 29 ປີແຫ່ງວັນສ້າງຕັ້ງການພົວພັນທາງການທູດ ຫວຽດນາມ - ສ.ເກົາຫຼີ, ສືບຕໍ່ເຮັດໃຫ້ວິວັດການແລກປ່ຽນວັດທະນາທໍາເລິກເຊິ່ງກ່ວາອີກ, ຊ່ວຍເພີ່ມທະວີຄວາມເຂົ້າໃຈເຊິ່ງກັນແລະກັນ, ຊຸກຍູ້ຂະບວນການແລກປ່ຽນປະຊາຊົນລະຫວ່າງປະຊາຄົມຊາວຫວຽດນາມ ຢູ່ ສ.ເກົາຫຼີ ແລະ ປະຊາຊົນປະເທດປະຈໍາຖິ່ນ.
ຕາມທ່ານເອກອັກຄະລັດຖະທູດ ຫງວຽນຫວູຕຸ່ງ ແລ້ວ, ນີ້ແມ່ນຄັ້ງທີ 2 ທີ່ KVFFA ຕ້ອງຈັດຕັ້ງສ່ວນໜຶ່ງດ້ວຍຮູບແບບອອນໄລ, ແຕ່ເຫດການດັ່ງກ່າວກໍ່ຍັງສະແດງໃຫ້ເຫັນວ່າ 2 ປະເທດສາມາດຮ່ວມເດິນທາງນໍາກັນເພື່ອຕ້ານການແຜ່ລະບາດຂອງພະຍາດ, ຜ່ານຜ່າຄວາມຫຍຸ້ງຍາກທັງໝົດ ເພື່ອພັດທະນາການພົວພັນມິດຕະພາບໃນໄລຍະຈະມາເຖິງໃຫ້ເຂັ້ມແຂງກວ່າອີກ.
ຜູ້ກໍາກັບໃຫຍ່ Jeong Min-woo, ຫົວໜ້າຄະນະຈັດຕັ້ງງານ ເນັ້ນໜັກວ່າ: ການຈັດຕັ້ງ KVFFA 2021 ໃນສະພາບການແຜ່ລະບາດຂອງພະຍາດໂຄວິດ-19 ສົ່ງກະທົບເຖິງທຸກດ້ານຂອງຊີວິດ ແມ່ນຄວາມມານະພະຍາຍາມອັນໃຫຍ່ຫຼວງຂອງສອງປະເທດ, ສະແດງໃຫ້ເຫັນການພົວພັນຮ່ວມມືອັນສະໜິດແໜ້ນ ລະຫວ່າງ ສ.ເກົາຫຼີ ແລະ ຫວຽດນາມ ສືບຕໍ່ໄດ້ຮັບການປັບປຸງໃນທຸກສະພາບການ.
ການເຄື່ອນໄຫວໂຄສະນາເຜີຍແຜ່ວັດທະນະທຳຫວຽດນາມ ແລະ ສ.ເກົາຫຼີ ຜ່ານລາຍການແຟຊັ່ນ ຈະຊ່ວຍເຊື່ອມຕໍ່ບັນດາແນວຄວາມຄິດ, ສ້າງເປັນຄວາມຮູ້ສຶກນຶກຄິດອັນດຽວກັນດ້ານວັດທະນະທຳລະຫວ່າງ 2 ຊາດ.
ໄຊພອນ
