| ຫວຽດນາມ ຕີລາຄາສູງຄວາມສາມາດບົ່ມຊ້ອນໃນການຮ່ວມມືກັບນະຄອນ Karlsruhe | |
| ທ່ານນາຍົກລັດຖະມົນຕີ ຟ້າມມິງຈິງ ພົບປະກັບຜູ້ມີສິດເລືອກຕັ້ງນະຄອນ ເກິ່ນເທີ |
 |
| ການເຈລະຈາແບບທາງໄກ ລະຫວ່າງສອງຝ່າຍ (ພາບ: baohagiang.vn/) |
ທີ່ການເຈລະຈາ, ສອງຝ່າຍໄດ້ພ້ອມກັນແລກປ່ຽນຂໍ້ມູນ, ສະພາບການຜົນສະທ້ອນຈາກໂລກລະບາດໂຄວິດ - 19 ຕະຫຼອດຮອດບັນດາການເຄື່ອນໄຫວພົວພັນແລກປ່ຽນ, ການຮ່ວມມືຂອງສອງຝ່າຍ. ໄລຍະຜ່ານມາ ການພົວພັນມິດຕະພາບ ລະຫວ່າງເມືອງ ເມືອງ ແມວວາກ, ແຂວງຮ່າຢາງ ແລະ ເມືອງ ນາໂປ, ນະຄອນ Baise ໄດ້ຮັບການຮັກສາຢ່າງເປັນປະຈຳ. ຕາແສງ ເຊີນວີ, ເມືອງ ແມວວາກ ແລະ ຕາແສງ ແບກຕິງ, ຕາແສງ ບັກໂກ, ເມືອງ ນ່າໂປ ໄດ້ລົງນາມສ້າງຕັ້ງການພົວພັນມິດຕະພາບ. ສອງຝ່າຍໄດ້ສົມທົບກັນປະຕິບັດເອກະສານນິຕິກຳ 3 ສະບັບກ່ຽວກັບເຂດຊາຍແດນທາງບົກ ລະຫວ່າງ ຫວຽດນາມ - ຈີນ, ຮັກສາສະຖຽນລະພາບ, ຄວາມເປັນລະບຽບຮຽບຮ້ອຍ, ຄວາມປອດໄພຢູ່ເຂດຊາຍແດນ. ບາງການເຄື່ອນໄຫວຮ່ວມມືກ່ຽວກັບການພັດທະນາຊົນນະບົດ, ການສຶກສາ, ບຳລຸງສ້າງ ໄດ້ຮັບການຜັນຂະຫຍາຍປະຕິບັດ.
ເພື່ອຊຸກຍູ້ການພົວພັນຮ່ວມມືພັດທະນາໃນໄລຍະຈະມາເຖິງ, ສອງຝ່າຍໄດ້ປຶກສາຫາລື ແລະ ຍົກອອກບັນດາມາດຕະການເພື່ອຫັນການປະຕິບັດບັນດາເນື້ອໃນຂໍ້ຕົກລົງ ເຊິ່ງທັງສອງຝ່າຍໄດ້ລົງນາມແລ້ວເປັນອັນລະອຽດ. ແຂວງຮ່າຢາງ ໄດ້ສະເໜີໃຫ້ນະຄອນ Baise ສືບຕໍ່ຜັນຂະຫຍາຍບັນດາການເຄື່ອນໄຫວພົວພັນມິດຕະພາບ, ຈັດຕັ້ງບັນດາຄະນະປະຕິບັດງານມາຢ້ຽມຢາມ ແລະ ເຮັດວຽກລະຫວ່າງສອງຝ່າຍ, ສົມທົບກັນປະຕິບັດວຽກງານຄຸ້ມຄອງເຂດຊາຍແດນ ແລະ ປ້ອງກັນ, ຕ້ານໂລກລະບາດໂຄວິດ - 19 ໃຫ້ເປັນຢ່າງດີ, ສືບຕໍ່ຊຸກຍູ້ການປະຕິບັດສຳເລັດຊ່ອງທາງລູລານ - ໂລ້ງບິ່ງ ແລະ ຍູ້ແຮງການຮ່ວມມືໃນຂົງເຂດກະສິກຳ.
ທ່ານ ຫົວໜ້າຫ້ອງການພົວພັນຕ່າງປະເທດ ນະຄອນ Baise ໄດ້ເຫັນດີເປັນເອກະພາບຕໍ່ບັນດາຂໍ້ສະເໜີຂອງ ແຂວງຮ່າຢາງ ແລະ ສະເໜີໃຫ້ສອງຝ່າຍສືບຕໍ່ສົມທົບກັນປະຕິບັດວຽກງານປ້ອງກັນ, ຕ້ານໂລກລະບາດໂຄວິດ - 19, ຄຸ້ມຄອງເຂດຊາຍແດນ, ອາດຊະຍາກຳຂ້າມຊາຍແດນ ແລະ ຮ່ວມມືກັນພັດທະນາເສດຖະກິດໃຫ້ເປັນຢ່າງດີ.
ບຸນຄົງ
