| ທ່ານນາຍົກລັດຖະມົນຕີ ຟ້າມມິງຈິງ ພົບປະກັບຜູ້ມີສິດເລືອກຕັ້ງນະຄອນ ເກິ່ນເທີ | |
| ຫວຽດນາມ - ສ.ເຊັກໂກ: ເພີ່ມທະວີການຮ່ວມມືໃນຂົງເຂດຜະລິດລົດໂອໂຕ |
 |
| ທ່ານເອກອັກຄະລັດຖະທູດ ຫວຽດນາມ ປະຈຳ ເຢຍລະມັນ ຫງວຽນມິງຫວູ ມອບຂອງຂວັນໃຫ້ແກ່ ທ່ານ ປ.ອ Frank Mentrup ຜູ້ວ່າການ Karlsruhe (ພາບ: TTXVN) |
ໂດຍສະແດງຄວາມຂອບອົກຂອບໃຈຕໍ່ນະຄອນ Karlsruhe ແລະ IHK Karlsruhe ທີ່ໄດ້ສ້າງໂອກາດໃຫ້ຄະນະຜູ້ແທນ ຫວຽດນາມ ເຂົ້າຮ່ວມເຫດການທີ່ດີເດັ່ນນີ້, ທ່ານເອກອັກຄະລັດຖະທູດ ຫງວຽນມິງຫວູ ໄດ້ແບ່ງປັນກັບຝ່າຍເພື່ອນບາງຂໍ້ມູນກ່ຽວກັບພື້ນຖານເສດຖະກິດ ຫວຽດນາມ, ການພົວພັນຫວຽດນາມ - ເຢຍລະມັນ ແລະ ພິເສດແມ່ນກຳລັບົ່ມຊ້ອນໃຫ້ແກ່ບັນດາບໍລິສັດ Karlsruhe ທີ່ພວມດຳເນີນທຸລະກິດຢູ່ ຫວຽດນາມ ຫຼືກັບ ຫວຽດນາມ.
ທ່ານເອກອັກຄະລັດຖະທູດ ຫງວຽນມິງຫວູ ຢັ້ງຢືນວ່າ ໃນອະນາຄົດຈະມີກາລະໂອກາດຮ່ວມມືໃຫຍ່ຫຼາຍຢ່າງສຳລັບບັນດາບໍລິສັດເຢຍລະມັນເວົ້າລວມ ແລະ ບັນດາບໍລິສັດທີ່ມາຈາກເຂດ Karlsruhe ເວົ້າສະເພາະ ມາດຳເນີນທຸລະກິດຢູ່ ຫວຽດນາມ ຫຼື ດຳເນີນທຸລະກິດກັບບັນດາຄູ່ຮ່ວມມືຫວຽດນາມ. ຕາມນັ້ນແລ້ວ, ຫວຽດນາມ ໄດ້ບຸລິມະສິດການລົງທຶນບັນດາໂຄງການທີ່ມີຄຸນນະພາບສູງ, ເຕັກໂນໂລຢີສູງ ແລະ ຮັກສາສິ່ງແວດລ້ອມ. ໄປຄຽງຄູ່ກັນນັ້ນ, ສິນຄ້ານຳເຂົ້າສ່ວນຫຼາຍຂອງ ຫວຽດນາມ ຈາກເຢຍລະມັນ ລວມມີເຄື່ອງຈັກ, ອຸປະກອນ, ການຢາ, ລົດໂອໂຕ ແລະ ເຄື່ອງອາໄຫຼ່, ນີ້ແມ່ນທ່າໄດ້ປຽບຢ່າງແຮງຂອງບໍລິສັດເຕັກໂນໂລຢີ Karlsruhe.
ກ່ອນໜ້ານັ້ນ, ກໍ່ໃນຂອບເຂດພິທີມອບລາງວັນ Globle 2021, ທ່ານເອກອັກຄະລັດຖະທູດ ຫງວຽນມິງຫວູ ໄດ້ມີການພົບປະກັບ ທ່ານ ປ.ອ Frank Mentrup ຜູ້ວ່າການ Karlsruhe ເພື່ອປຶກສາຫາລືກ່ຽວກັບການຮ່ວມມືລະຫວ່າງ ຫວຽດນາມ ແລະ ເຢຍລະມັນ ເວົ້າລວມ ແລະ ນະຄອນ Frank Mentrup ເວົ້າສະເພາະ.
ບຸນຄົງ
