| ມອບຂອງຂວັນກວ່າ 400 ພູດໃຫ້ແກ່ນັກສຶກສາສາກົນທີ່ພວມສຶກສາຮໍ່າຮຽນຢູ່ ມະຫາວິທະຍາໄລ 10 ແຫ່ງຢູ່ຮ່າໂນ້ຍ | |
| ແຂວງກວ໋າງບິ່ງ: ຈັດພິທີມອບຂອງຂວັນ 100 ພູດ ລວມມູນຄ່າ 80 ລ້ານດົ່ງ ໃຫ້ແກ່ບັນດານັກສຶກສາລາວ ທີ່ມີສະພາບຫຍຸ້ງຍາກ |
ກອງທຶນພັດທະນາ ແລະ ໜູນຊ່ວຍນັກສຶກສາຫວຽດນາມ ໄດ້ຮັບການສ້າງຕັ້ງໂດຍສູນກາງຄະນະຊາວໜຸ່ມກອມມູນິດ ໂຮ່ຈີມິນ ແລະ ສູນກາງສະມາຄົມນັກສຶກສາຫວຽດນາມ, ດ້ວຍອົງການປະຈຳການ ແມ່ນສູນໜູນຊ່ວຍ ແລະ ພັດທະນານັກສຶກສາຫວຽດນາມ (VSDS).
ແຫຼ່ງທຶນການສຶກສາຂອງກອງທຶນ ແມ່ນມີຈຸດປະສົງເພື່ອສະຫນັບສະຫນູນ ແລະ ລະດົມໃຫ້ນັກສຶກສາທີ່ມີສະພາບຫຍຸ້ງຍາກ ບືນຕົວຂຶ້ນ, ສ້າງຄວາມເຂັ້ມແຂງໃຫ້ໄວຫນຸ່ມ ຝຶກຝົນຫຼໍ່ຫຼອມ ແລະ ບັນລຸຄວາມຝັນ ແລະ ຄວາມຝັກໃຝ່ຂອງເຂົາເຈົ້າ.
 |
| ມອບທຶນການສຶກສາໃຫ້ນັກຮຽນ 400 ຄົນ ທີ່ມີສະພາບຫຍຸ້ງຍາກ. (ພາບ: baomoi) |
ສະຫາຍ ບຸ່ຍກວາງຮຸຍ, ກຳມະການສຳຮອງສູນກາງພັກ, ເລຂາຄະນະປະຈຳສູນກາງຊາວໜຸ່ມ, ໃຫ້ຮູ້ວ່າ: ນັບແຕ່ປີ 2013 ມາຮອດປະຈຸບັນ, ກອງທຶນ ໄດ້ມອບທຶນການສຶກສາທັງໝົດ 853 ທຶນ, ມີມູນຄ່າທັງໝົດກວ່າ 4 ຕື້ດົງ. ໃນປີ 2021, ພາຍຫຼັງຈັດຕັ້ງປະຕິບັດເປັນເວລາກວ່າ 1 ເດືອນ, ກອງທຶນໄດ້ຮັບໃບສະໝັກທຶນສຶກສາເກືອບ 3.000 ທຶນຈາກ 61 ແຂວງ, ນະຄອນໃນທົ່ວປະເທດ.
ຄະນະກຳມະການຄັດເລືອກທຶນສຶກສາ ຂອງກອງທຶນໄດ້ຄັດເລືອກ ແລະ ຕົກລົງມອບທຶນສຶກສາໃຫ້ນັກສຶກສາ 400 ຄົນທີ່ປະສົບກັບຄວາມຫຍຸ້ງຍາກ, ດ້ວຍຍອດຈຳນວນເງິນສະໜັບສະໜູນ 1,2 ຕື້ດົ່ງ. ໃນນັ້ນ, ມີນັກສຶກສາຫຼາຍກວ່າ 33% ຂຶ້ນກັບຄອບຄົວທຸກຍາກ; ນັກຮຽນເກືອບ 12% ແມ່ນນັກສຶກສາຊົນເຜົ່າສ່ວນໜ້ອຍ; ຫຼາຍກ່ວາ 21% ແມ່ນນັກສຶກສາກໍາພ້າ; ເກືອບ 6% ແມ່ນນັກສຶກສາພິການ ແລະ ເປັນພະຍາດຮ້າຍແຮງ; ຫຼາຍກວ່າ 6% ແມ່ນນັກສຶກສາຕິດເຊື້ອ Covid-19…
ເນື່ອງໃນໂອກາດນີ້, ສູນໜູນຊ່ວຍ ແລະ ພັດທະນານັກສຶກສາຫວຽດນາມ ຍັງໄດ້ສົມທົບກັບກອງທຶນ Lee ຫວຽດນາມ ປະຕິບັດໂຄງການ “ກ້າວເຂົ້າໂຮງຮຽນຢ່າງໝັ້ນຄົງ”, ສ້າງເງື່ອນໄຂສະດວກໃຫ້ນັກສຶກສາທີ່ມີເງື່ອນໄຂຫຍຸ້ງຍາກ ໃນການກູ້ຢືມເງິນຄ່າຮຽນ ດ້ວຍອັດຕາດອກເບ້ຍ 0%. ຄາດວ່າ ໂຄງການຈະໜູນຊ່ວຍນັກສຶກສາ 250 ຄົນ ດ້ວຍລະດັບຄາດໝາຍ ແມ່ນ 20 ລ້ານດົ່ງ/ກໍລະນີ.
ຍອດຈຳນວນເງິນໜູນຊ່ວຍຂອງໂຄງການ “ກ້າວເຂົ້າໂຮງຮຽນຢ່າງໝັ້ນຄົງ” ໃນສົກຮຽນ 2021-2022 ແມ່ນປະມານ 5 ຕື້ດົ່ງ. ໃນຊຸມປີການຮຽນຕໍ່ໄປ, ກອງທຶນ Lee Vietnam ໄດ້ວາງແຜນໜູນຊ່ວຍນັກສຶກສາເພີ່ມຕື່ມອີກ 250 ຄົນຕໍ່ປີ.
ຄຳຮຸ່ງ
