ນຳຕະຫຼາດຫຼັກຊັບຂອງຫວຽດນາມ ເຂົ້າກຸ່ມ 4 ໃນອາຊຽນ

16:30 | 24/11/2021

ຍສໝ - ການສູ້ຊົນເຮັດໃຫ້ຕະຫຼາດຫຼັກຊັບຫວຽດນາມ ກາຍເປັນໜຶ່ງໃນ 4 ຕະຫຼາດໃຫຍ່ຂອງພາກພື້ນ ອາຊຽນ ແມ່ນເປົ້າໝາຍຂອງຜູ້ຕາງໜ້າກະຊວງການເງິນ ໄດ້ແຈ້ງໃຫ້ຊາບທີ່ການສົນທະນາແລກປ່ຽນກ່ຽວກັບ “ຕະຫຼາດຫຼັກຊັບ: ເປີດແຫຼ່ງທຶນໃຫ້ແກ່ວິສາຫະກິດ - ຊ່ອງທາງລົງທຶນສ້າງກຳໄລ ແລະ ສະສົມຊັບສິນ” ທີ່ຈັດຕັ້ງ ໂດຍໜັງສືພິມການລົງທຶນ ສົມທົບກັບຄະນະກຳມະການຫຼັກຊັບ ໃນຕອນເຊົ້າວັນທີ 19 ພະຈິກ ຢູ່ຮ່າໂນ້ຍ.

	ຕະຫຼາດຫຼັກຊັບຫວຽດນາມ ຈະສືບຕໍ່ເຕີບໂຕຂຶ້ນໃນປີ 2022
	ມອບຮັບໜ້າທີ່ ຜູ້ອຳນວຍການໃຫຍ່ຕະຫຼາດຫຼັກຊັບລາວ

ຕາມສະຖິຕິຂອງຄະນະກຳມະການຫຼັກຊັບແລ້ວ, ມາຮອດວັນທີ 30 ກັນຍາປີນີ້, ຍອດຂອບຂະໜາດຕະຫຼາດຫຼັກຊັບ ໄດ້ບັນລຸກວ່າ 8.300.000 ຕື້ດົ່ງ, ເທົ່າກັບກວ່າ 133% GDP ຂອງປະເທດ. ຕະຫຼາດມີ 2.133 ວິສາຫະກິດຕິດປະກາດ ແລະ ຈົດທະບຽນພົວພັນແລກປ່ຽນການຄ້າ, ຈໍານວນບັນຊີນັກລົງທຶນຈົດທະບຽນ ມີເກືອບ 4 ລ້ານບັນຊີ, ໃນນັ້ນ ຕົວເລກບັນຊີເປີດໃໝ່ໃນ 9 ເດືອນຕົ້ນປີນີ້ ເພີ່ມຂຶ້ນ 70% ເມື່ອທຽບໃສ່ກັບປີຜ່ານມາ.

ນຳຕະຫຼາດຫຼັກຊັບຂອງຫວຽດນາມ ເຂົ້າກຸ່ມ 4 ໃນອາຊຽນ. (ພາບ: vov)

ການສູ້ຊົນເຮັດໃຫ້ຕະຫຼາດຫຼັກຊັບຫວຽດນາມ ກາຍເປັນໜຶ່ງໃນ 4 ຕະຫຼາດໃຫຍ່ຂອງພາກພື້ນ ອາຊຽນ ແມ່ນເປົ້າໝາຍຂອງຜູ້ຕາງໜ້າກະຊວງການເງິນ ໄດ້ແຈ້ງໃຫ້ຊາບທີ່ການສົນທະນາແລກປ່ຽນກ່ຽວກັບ “ຕະຫຼາດຫຼັກຊັບ: ເປີດແຫຼ່ງທຶນໃຫ້ແກ່ວິສາຫະກິດ - ຊ່ອງທາງລົງທຶນສ້າງກຳໄລ ແລະ ສະສົມຊັບສິນ” ທີ່ຈັດຕັ້ງ ໂດຍໜັງສືພິມການລົງທຶນ ສົມທົບກັບຄະນະກຳມະການຫຼັກຊັບ ໃນຕອນເຊົ້າວັນທີ 19 ພະຈິກ ຢູ່ຮ່າໂນ້ຍ.

ຕະຫຼາດຫຼັກຊັບຫວຽດນາມ ໄດ້ຢັ້ງຢືນບົດບາດເປັນຊ່ອງທາງລະດົມທຶນທີ່ສຳຄັນຂອງພື້ນຖານເສດຖະກິດ, ປະກອບສ່ວນນັບມື້ນັບຫຼາຍເຂົ້າໃນຍອດລົງທຶນລວມຂອງສັງຄົມ, ດ້ວຍຍອດຈຳນວນເງິນລະດົມທຶນຜ່ານຕະຫຼາດໃນປີ 2020 ບັນລຸກວ່າ 37% GDP.

ຍຸດທະສາດພັດທະນາຕະຫຼາດຫຼັກຊັບຫວຽດນາມ ຮອດປີ 2030, ວິໄສທັດຮອດປີ 2045 ໄດ້ວາງອອກບັນດາຈຸດໝາຍລະອຽດ, ແມ່ນຂອບຂະໜາດຕະຫຼາດຮຸ້ນ ບັນລຸ 85% GDP (ດັດປັບແລ້ວ) ໃນປີ 2025 ແລະ ບັນລຸໄດ້ 110% GDP ໃນປີ 2030. ຂອບຂະໜາດຕະຫຼາດພັນທະບັດ ສູ້ຊົນບັນລຸ 47% GDP ໃນປີ 2025 ແລະ 58% GDP ໃນປີ 2030.

ຄຳຮຸ່ງ