ເວທີສົ່ງເສີມການຄ້າ ແລະ ການລົງທຶນລະຫວ່າງຫວຽດນາມ ແລະ ສາທາລະນະລັດເຊັກ | |
ຫວຽດນາມ ສືບຕໍ່ສ້າງສະພາບແວດລ້ອມດຳເນີນທຸລະກິດຢ່າງມີສະຖຽນລະພາບ, ປອດໄພໃຫ້ແກ່ບັນດາວິສາຫະກິດຕ່າງປະເທດ |
ທ່ານເອກອັກຄະລັດຖະທູດຫວຽດນາມ ປະຈຳລຸກຊຳບວກ ຫງວຽນວັນຖາວ ໄດ້ຍື່ນສານຕາຕັ້ງຂອງ ທ່ານປະທານປະເທດ ຫງວຽນຊວນຟຸກ ຕໍ່ ທ່ານປະມຸກແຫ່ງ ລຸກຊຳບວກ Henry. (ພາບ: TTXVN) |
ທີ່ພິທີ, ທ່ານປະມຸກແຫ່ງ ລຸກຊຳບວກ Henry ຢືນຢັນຄວາມຕ້ອງການເພີ່ມທະວີການຮ່ວມມືສອງຝ່າຍໃນຫຼາຍຂົງເຂດ, ພິເສດແມ່ນຜ່ານຂອບເຂດສັນຍາການຄ້າເສລີລະຫວ່າງ ເອີຣົບ (EU) ແລະ ຫວຽດນາມ (EVFTA) ເຊິ່ງມີຜົນສັກສິດແຕ່ເດືອນ 8/2020. ທ່ານປະມຸກແຫ່ງ ລຸກຊຳບວກ Henry ຕີລາຄາສູງການສົມທົບກັນລະຫວ່າງ ສອງປະເທດ ແລະ ການສະໜັບສະໜູນເຊິ່ງກັນ ແລະ ກັນ ຢູ່ບັນດາເວທີປາໄສຫຼາຍຝ່າຍ ແລະ ພາກພື້ນ ເຊັ່ນ: ສະຫະປະຊາຊາດ, ເວທີປາໄສຮ່ວມມື ອາຊີ - ເອີລົບ (ASEM) ແລະ ປະຊາຄົມນຳໃຊ້ພາສາຝຣັ່ງ. ພ້ອມກັນນັ້ນ, ກໍ່ໄດ້ແບ່ງປັນຄວາມສຳຄັນຂອງການຮ່ວມມືກັນຮັບປະກັນຄວາມສະຫງົບ, ຄວາມປອດໄພ, ປ້ອງກັນ ແລະ ຄວາມເສລີໃນການເດີນທະເລຢູ່ພາກພື້ນ, ໃນນັ້ນມີທະເລຕາເວັນອອກ.
ທ່ານເອກອັກຄະລັດຖະທູດ ຫງວຽນວັນຖາວ ໄດ້ຕີລາຄາສູງບົດບາດຂອງ ລຸກຊຳບວກ ໃນຖານະເປັນສູນກາງການເງິນຂອງໂລກ ແລະ ດຶງດູດບັນດາແຫຼ່ງທຶນລົງທຶນ ແລະ ຈຳໜ່າຍໃຫຍ່ທີ່ສຸດຂອງໂລກ. ທ່ານເອກອັກຄະລັດຖະທູດ ໄດ້ກ່າວວ່າ ຫວຽດນາມ ພ້ອມແລ້ວທີ່ຈະສ້າງເງື່ອນໄຂສະດວກໃຫ້ ລຸກຊຳບວກ, ເຊິ່ງແມ່ນປະເທດລົງທຶນໃຫຍ່ອັນດັບ 5 ຂອງເອີຣົບ ຢູ່ ຫວຽດນາມ ເພື່ອະຫຍາຍການຮ່ວມມື ແລະ ເພີ່ມທະວີການລົງທຶນໃນບັນດາຂົງເຂດທີ່ຕ່າງຝ່າຍຕ່າງມີຜົນປະໂຫຍດຄື: ການເງິນ, ການຮັບມືກັບການປ່ຽນແປງຂອງດິນຟ້າອາກາດ, ພະລັງງານທົດແທນ, ເສດຖະກິດໝູນວຽນ, ການຮ່ວມມືດ້ານວັດທະນະທໍາ, ການສຶກສາ ແລະ ການພົບປະແລກປ່ຽນປະຊາຊົນ.
ຄຳຮຸ່ງ