 |
| ທ່ານເອກອັກຄະລັດຖະທູດ ຫວຽນຮົງທ່າວ. ພາບ: baophapluat.vn |
ທ່ານເອກອັກຄະລັດຖະທູດ ຫວຽນຮົງທ່າວ ແມ່ນໜື່ງໃນຈຳນວນ 11 ຜູ້ລົງຮັບສະໝັກເລືອກຕັ້ງທີ່ຈະແຂ່ງຂັນເພື່ອເລືອກເອົາ 8 ຄົນເປັນຕົວແທນໃຫ້ແກ່ພາກພື້ນອາຊີ-ປາຊີຟີກ ຢູ່ ILC ໃນສະໄໝໃໝ່. ນອກຈາກ ທ່ານເອກອັກຄະລັດຖະທູດ ຫວຽນຮົງທ່າວ ແລ້ວ ຍັງມີຜູ້ລົງສະໝັກຮັບເລືອກຕັ້ງອີກ 10 ຄົນທີ່ມາຈາກ ຍີ່ປຸ່ນ, ຈີນ, ສ.ເກົາຫຼີ, ໄທ, ໄຊປຣັສ, ອິນເດຍ, ສີລັງກາ, ຟີລິິບປິນ, ມົງໂກລີ ແລະ ລີເບຍ.
ຫວຽດນາມໄດ້ປະກາດຢ່າງເປັນທາງການເລືອກເອົາ ທ່ານເອກອັກຄະລັດຖະທູດ ຫວຽນຮົງທ່າວ ຄືນອີກເຂົ້າໃນ ILC ນັບແຕ່ວັນທີ 25 ກຸມພາ 2021. ທ່ານເອກອັກຄະລັດຖະທູດ ຫວຽນຮົງທ່າວ ເປັນນັກການທູດອາວຸໂສຂອງຫວຽດນາມ ພ້ອມທັງເປັນຜູ້ຊ່ຽວຊານໃນຂົງເຂດກົດໝາຍສາກົນ. ທ່ານຈົບປະລິນຍາເອກກົດໝາຍຈາກໂຮງຮຽນ Paris I, ມະຫາວິທະຍາໄລ Sorbonne (ຝຣັ່ງ) ແລະ ໄດ້ຮັບຕໍາແໜ່ງສໍາຄັນຜ່ານມາຄື: ຮອງປະທານຄະນະກໍາມະການຊາຍແດນແຫ່ງຊາດ, ຫົວໜ້າຄະນະເຈລະຈາສົນທິສັນຍາຊາຍແດນກັບບັນດາປະເທດບ້ານໃກ້ເຮືອນຄຽງຂອງຫວຽດນາມ.
ໄຊພອນ
