| ເວທີປາໄສລະດັບຊາດປະຈຳປີ “ວັດທະນະທຳກັບ ວິສາຫະກິດ” ຈະຖືກຈັດຂຶ້ນໃນໄວໆນີ້ | |
| ຫາງສຽງສາກົນ ຕີລາຄາຢ່າງຕັ້ງໜ້າຕໍ່ຄຳໝັ້ນສັນຍາຂອງ ຫວຽດນາມ ຢູ່ COP26 |
 |
| ພາບປະກອບ |
ກະຊວງອຸດສະຫະກຳ-ການຄ້າໃຫ້ຮູ້ວ່າ, ສົນທິສັນຍາ RCEP ໄດ້ມີ 10 ປະເທດສະມາຊິກ ASEAN ແລະ 5 ປະເທດຄູ່ຮ່ວມມືຂອງ ASEAN ຄື: ຈີນ, ຍີ່ປຸ່ນ, ສ.ເກົາຫຼີ, ອົດສະຕາລີ ແລະ ນິວຊີແລນ ຊຶ່ງໄດ້ເຊັນກັນໃນວັນທີ 15 ພະຈິກ 2020 ພາຍໃຕ້ກອງປະຊຸມສຸດຍອດ ASEAN ຄັ້ງທີ 37 ໂດຍແມ່ນຫວຽດນາມເປັນປະທານ.
ດັ່ງນັ້ນການລະດົມຊຸກຍູ້ໃຫ້ສຳເລັດການຕົກລົງກັນ ແລະ ເຊັນສົນທິສັນຍາ RCEP ໃນປີທີ່ຫວຽດນາມເປັນປະທານ ASEAN ເປັນຜົນງານທີ່ບັນດາປະຊາຊາດ ASEAN ແລະ ຄູ່ຮ່ວມມື ຕີລາສູງ, ຈາກສິ່ງນັ້ນ ຢັ້ງຢືນໄດ້ເຖິງບົດບາດ ແລະ ຖານະຂອງຫວຽດນາມໃນພາກພື້ນ.
ຕາມຂໍ້ກຳນົດຂອງສົນທິສັນຍາ RECP, ສົນທິສັນຍາຈະມີຜົນສັກສິດເປັນທາງການຫຼັງຈາກ 60 ວັນ ນັບແຕ່ໄລຍະເວລາທີ່ມີໜ້ອຍສຸດ 6 ປະເທດ ASEAN ແລະ 3 ປະເທດຮ່ວມມື ທີ່ສຳເລັດການພິຈາລະນາ/ການໃຫ້ສັດຕະຍະບັນ ແລະ ສົ່ງມອບເຂົ້າບັນຊີສັງລວມໃຫ້ແກ່ເລຂາທິການໃຫຍ່ ASEAN.
ຮອດວັນທີ 2 ພະຈິກ 2021, ໄດ້ມີ 6 ປະເທດ ASEAN; ໃນນັ້ນມີຫວຽດນາມ ແລະ 4 ປະເທດຮ່ວມມືຄື ຈີນ, ຍີ່ປຸ່ນ, ອົດສະຕາລີ ແລະ ນິວຊີແລນ ໄດ້ສົ່ງມອບເຂົ້າບັນຊີສັງລວມເອກະສານທີ່ພິຈາລະນາ/ໃຫ້ສັດຕະຍະບັນຂອງຕົນແກ່ເລຂາທິການໃຫຍ່ ASEAN. ສະນັ້ນ, ສົນທິສັນຍາ RCEP ຈະມີຜົນສັກສິດຢ່າງເປັນທາງການນັບແຕ່ວັນທີ 1 ມັງກອນ 2022.
ຕາມກະຊວງອຸດສະຫະກຳ-ການຄ້າ ກ່າວ: ສົນທິສັນຍາ RCEP ຄາດວ່າຈະສ້າງເປັນຕະຫຼາດໜຶ່ງດ້ວຍປະລິມາດຜູ້ຊົມໃຊ້ 2,2 ຕື້ຄົນ (ກວມເອົາປະມາດ 30% ປະຊາກອນໂລກ) ແລະ GDP ປະມານ 26,2 ພັນຕື້ USD, ທຽບເທົ່າປະມານ 30% GDP ໃນທົ່ວໂລກ ແລະ ກາຍເປັນຂົງເຂດການຄ້າເສລີທີ່ໃຫຍ່ສຸດໃນໂລກ ຖ້າທຽບໃສ່ປະລິມານທາງດ້ານປະຊາກອນ.
ສັນຍາ RCEP ຄາດວ່າຈະຊ່ວຍສ້າງຕະຫຼາດສົ່ງອອກແຫ່ງໜຶ່ງທີ່ໝັ້ນຄົງ ແລະ ຍືນຍາວໃຫ້ແກ່ບັນດາປະເທດ ASEAN ເວົ້າລວມ ແລະ ຫວຽດນາມ ເວົ້າສະເພາະ, ປະກອບສ່ວນຊຸກຍູ້ການປະຕິບັດນະໂຍບາຍການກໍ່ສ້າງພື້ນຖານການຜະລິດເປົ້!ໝາຍເພື່ອການສົ່ງອອກຂອງຫວຽດນາມ.
ໄຊພອນ
