| ກອງປະຊຸມລະຫວ່າງລັດຖະມົນຕີການຕ່າງປະເທດ - ເສດຖະກິດ ຄັ້ງທີ 32 | |
| ສະມາຄົມມິດຕະພາບ ຫວຽດນາມ - ອິນໂດເນເຊຍ: ຂົວເຊື່ອມຕໍ່ໄມຕີຈິດມິດຕະພາບ ລະຫວ່າງ ປະຊາຊົນ ຫວຽດນາມ - ອິນໂດເນເຊຍ |
 |
| ພາບປະກອບ: quangngaitv.vn |
ບົດລາຍງານພື້ນຖານເສດຖະກິດ ດີຈີຕອນ ອາຊີຕາເວັນອອກສ່ຽງໃຕ້ - ສຽງດັງກ້ອງກັງວານ ທົດສະວັດທີ XX: ທົດສະວັດ ດີຈີຕອນ ອາຊີຕາເວັນອອກສ່ຽງໃຕ້ ເປີດນຳໃຊ້ Version ທີ 6 ໂດຍ Google, Temasek ແລະ Bain & Company ປະກາດ ໃຫ້ຮູ້ວ່າ ພື້ນຖານເສດຖະກິດດີຈີຕອນຂອງ ຫວຽດນາມ ຄາດວ່າ ຈະເຕີບໂຕ 31% ຂຶ້ນເຖິງ 21 ຕື້ USD ຍ້ອນການເຕີບໂຕ 53% ຂອງການຄ້າເອເລັກໂຕນິກ ເມື່ອທຽບໃສ່ກັບໄລຍະດຽວກັນຂອງປີກາຍ, ເຖິງວ່າຕະຫຼາດທ່ອງທ່ຽວທາງອອນລາຍພວມຖືກຮັດແຄບ ແລະ ຄາດວ່າຈະສືບຕໍ່ບັນລຸໄດ້ 57 ຕື້ USD ໃນປີ 2025.
ນັບແຕ່ເວລາເກີດໂລກລະບາດມາຮອດ 6 ເດືອນຕົ້ນປີ 2021, ຫວຽດນາມ ມີຜູ້ນຳໃຊ້ດີຈີຕອນຕື່ມອີກ 8 ລ້ານຄົນ ດ້ວຍຫຼາຍກວ່າເຄິ່ງໜຶ່ງໃນຈຳນວນທີ່ເຂົາເຈົ້າມາຈາກບັນດາເຂດທີ່ບໍ່ແມ່ນນະຄອນໃຫຍ່. ຜູ້ຊົມໃຊ້ດີຈີຕອນ ຕໍ່ໜ້າສະພາບໂລກລະບາດ ສະເລ່່ຍໄດ້ນຳໃຊ້ຕື່ມອີກ 4 ການບໍລິການດ້ານດີຈີຕອນ ນັບແຕ່ເວລາໂລກລະບາດເລີ່ມເກີດຂຶ້ນ.
99% ຜູ້ຊົມໃຊ້ດີຈີຕອນ ຫວຽດນາມ ມີເຈດຈຳນົງສືບຕໍ່ນຳໃຊ້ບັນດາການບໍລິການທາງໄກໃນອະນາຄົດ, ເຊິ່ງສະແດງໃຫ້ເຫັນລະດັບການຕິດພັນສູງທີ່ສຸດ ກັບບັນດາການບໍລິການດີຈີຕອນ ແລະ ຜະລິດຕະພັນດີຈີຕອນຂອງຜູ້ຊົມໃຊ້ຊາວຫວຽດນາມ.
ກ່ຽວກັບບັນດາວິສາຫະກິດຂະໜາດກາງ ແລະ ນ້ອຍຂອງອາຊີຕາເວັນອອກສ່ຽງໃຕ້, ບົດລາຍງານໃຫ້ຮູ້ວ່າ ໜຶ່ງໃນ 3 ນັກທຸລະກິດດີຈີຕອນຂອງ ຫວຽດນາມ ຖືວ່າ ເຂົາເຈົ້າບໍ່ສາມາດຄົງຕົວພາຍຫຼັງໂລກລະບາດ ຖ້າຫາກວ່າ ບໍ່ມີບັນດາພື້ນຖານດີຈີຕອນ. ຢູ່ ຫວຽດນາມ, ບັນດາການບໍລິການການເງິນດີຈີຕອນ ກໍ່ພວມກາຍເປັນປັດໄຈຊຸກຍູ້ສຳຄັນ ສຳລັບ 95% ວິສາຫະກິດ ດີຈີຕອນ ທີ່ປັດຈຸບັນພວມນຳໃຊ້ວິທີການຊຳລະດີຈີຕອນ ແລະ 67% ຍອມຮັບການໃຫ້ກູ້ຢືມຜ່ານທາງດີຈີຕອນ. ຍິ່ງໄປກ່ວານັ້ນ, 7 ໃນຈຳນວນວິສາຫະກິດດີຈີຕອນ 10 ແຫ່ງ ຄາດວ່າຈະເພີ່ມທະວີການນຳໃຊ້ບັນດາເຄື່ອງມືໂຄສະນາດີຈີຕອນຂອງເຂົາເຈົ້າໃນ 5 ປີຈະມາເຖິງ.
ຫວຽດນາມ ຍັງແມ່ນໜຶ່ງໃນສູນປ່ຽນແປງໃໝ່ທີ່ດຶງດູດໃຈ ເມື່ອແຫຼ່ງເງິນລົງທຶນໃນທົ່ວໂລກ ສືບຕໍ່ມາລົງທຶນຢູ່ ຫວຽດນາມ. ການເຄື່ອນໄຫວພົວພັນການຄ້າ, ການລົງທຶນເພີ່ມຂຶ້ນສູງໃນ 6 ເດືອນຕົ້ນປີ 2021 ບັນລຸຢູ່ລະດັບສູງສະຖິຕິ 1,37 ຕື້ USD, ລື່ນກາຍບັນດາບ້ວງເງິນລົງທຶນທັງປີຂອງຊຸມປີຜ່ານມາ, ໂດຍໄດ້ຊຸກຍູ້ຍ້ອນຄວາມສົນໃຈໃນການລົງທຶນເຂົ້າບັນດາບໍລິສັດ Startup ດີຈີຕອນ ໃນຂົງເຂດການຄ້າເອເລັກໂຕນິກ (e-commerce), ການເງິນ(fintech), ສຸຂະພາບ (healthtech) ແລະ ການສຶກສາ(edtech).
ຜ່ານໄລຍະໂລກລະບາດ, ຂ້າພະເຈົ້າໄດ້ເຫັນປະຈັກຕາ ປະຊາຊົນ ຫວຽດນາມ ມີຄວາມກ້າຫານແນວໃດ ແລະ ເຂົາເຈົ້າອາດຈະກາຍເປັນຜູ້ຮັບເຕັກໂນໂລຢີໃໝ່ໂດຍໄວ ແລະ ມີຫົວຄິດປະດິດສ້າງ. ການປັບປຸງໃໝ່ນີ້ ໄດ້ຄາດຄະເນກ່ຽວກັບພື້ນຖານເສດຖະກິດອິນເຕີເນັດຂອງ ຫວຽດນາມ ຮອດປີ 2030 ໃຫ້ພວກເຮົາເຫັນຄວາມສາມາດບົ່ມຊ້ອນອັນໃຫຍ່ຫຼວງຂອງປະເທດຊາດ ເມື່ອ ຫວຽດນາມ ເພີ່ມຄວາມໄວໃນການເຫັນເປັນດີຈີຕອນ” ທ່ານນາງ ເຈິມຫງວຽນ, ຜູ້ອຳນວຍການ Google ຮັບຜິດຊອບຕະຫຼາດ ລາວ, ກຳປູເຈຍ ແລະ ຫວຽດນາມ, ໃຫ້ຮູ້.
ຕາມທ່ານນາງ ເຈິມຫງວຽນ ແລ້ວ, ບັນດາໂຄງການໃໝ່ສຸດຂອງ Google ຄື ຖານຍິງ ຫວຽດນາມ Digital 4.0 ແລະ ສ້າງໂປແກຼມອະນາຄົດກັບ Google ໄດ້ສະໜອງບັນດາຊຸດຝຶກອົບຮົມດ້ານເຕັກນິກດີຈີຕອນ ຢ່າງມີປະສິດທິຜົນ ແລະ ບັນດາລາຍການສ້າງໂປແກຼມໃຫ້ແກ່ຊາວຫວຽດນາມ ນັບລ້ານຄົນ ແມ່ນຫຼັກຖານຕົວຈິງໃຫ້ແກ່ຄຳໝັ້ນສັນຍາຂອງພວກຂ້າພະເຈົ້າກ່ຽວກັບການໜູນຊ່ວຍປະເທດຊາດພັດທະນາດີຈີຕອນ.
ດ້ວຍການເບິ່ງແງ່ຫວັງ ໄລຍະ 10 ປີ, ບົດລາຍງານ ປີ 2021 ໄດ້ເນັ້ນໜັກວ່າ ພາກພື້ນນີ້ ພວມບົນເສັ້ນທາງກາຍເປັນພື້ນຖານເສດຖະກິດດີຈີຕອນທີ່ມີມູນຄ່າ ພັນຕື້ USD ໃນປີ 2030, ໃນນັ້ນ ຫວຽດນາມ ອາດຈະມີຍອດມູນຄ່າສິນຄ້າ ບັນລຸໄດ້ 220 ຕື້ USD (GMV). ໂດຍໄດ້ຮັບການຊຸກຍູ້ຈາກພື້ນຖານຜູ້ຊົມໃຊ້ ແລະ ວິສາຫະກິດດີຈີຕອນ ທີ່ພວມມີການພັດທະນາຢ່າງວ່ອງໄວ, ການເພີ່ມຄວາມໄວດ້ານການຄ້າເອກລັກໂຕນິກ, ການສົ່ງອາຫານ ແລະ ການບໍລິການດ້ານການເງິນດີຈີຕອນ, ອາຊີຕາເວັນອອກສ່ຽງໃຕ້ (SEA) ຄາດວ່າຈະບັນລຸໄດ້ 174 ຕື້ USD (GMV) ໃນທ້າຍປີ 2021. ຕົວເລກນີ້ຄາດວ່າ ຈະເລື່ອນກາຍຕົວເລກ 360 ຕື້ USD ໃນປີ 2025, ເຊິ່ງໄດ້ຄາດຄະເນໃນເມື່ອກ່ອນແມ່ນ 300 ຕື້ USD.
ບຸນຄົງ
