| ຊຸກຍູ້ການທ່ອງທ່ຽວທີ່ປອດໄພ ໃນສະພາບການໂລກລະບາດໂຄວິດ - 19 | |
| ຫວຽດນາມຢັ້ງຢືນມີຜູ້ຕິດເຊື້ອໂຄວິດ - 19 ເກືອບ 843.000 ຄົນ ໄດ້ຮັບການປິ່ນປົວຫາຍດີໃນວັນທີ 9 ພະຈິກ |
 |
| ທ່ານນາງ Damour ລົງໄປຢ້ຽມຢາມຮາກຖານສັກວັກຊິນ ຢູ່ໂຮງໝໍແບກມາຍ (ພາບ: BVCC) |
ນີ້ໄດ້ຮັບຖືວ່າແມ່ນໜຶ່ງໃນສອງເຄື່ອງຈັດລຳດັບແຢນ ໂດຍກະຊວງປ້ອງກັນປະເທດ ອາເມລິກາ ອຸປະຖຳ ເຊິ່ງຄະນະທູຕານຸທູດ ມອບໃຫ້ ຫວຽດນາມ ໃນຄັ້ງນີ້. ກ່ອນໜ້ານັ້ນ, ມີເຄື່ອງຈັດລຳດັບແຢນອື່ນອີກ ທ່ານ Robert Greenan ຜູ້ຮັກສາຕຳແໜ່ງຫົວໜ້າສະຖານກົງສູນໃຫຍ່ ອາເມລິກາ ປະຈຳ ນະຄອນໂຮ່ຈີມິນ ກໍ່ໄດ້ມອບໃຫ້ໂຮງໝໍ ເຈີໄຮ ໃນວັນທີ 19 ຕຸລາ ປີ 2021.
ທ່ານນາງ Damour ເນັ້ນໜັກວ່າ ເຫດການມອບຂອງຂັວນສະແດງໃຫ້ເຫັນຈິດໃຈໜູນຊ່ວຍ ແລະ ຮ່ວມມືສອງຝ່າຍ ທີ່ໄດ້ຊຸກຍູ້ການພົວພັນຄູ່ຮ່ວມມືສອງຝ່າຍ ລະຫວ່າງ ຫວຽດນາມ - ອາເມລິກາ ໃນໄລຍະ 26 ປີຜ່ານມາ ນັບແຕ່ເວລາ ສອງຝ່າຍສ້າງຕັ້ງການພົວພັນທາງການທູດ. “ການພົວພັນຂອງພວກເຮົາໃນມື້ນີ້ ໄດ້ສ້າງຂຶ້ນຈາກຄວາມໄວ້ເນື້ອເຊື່ອໃຈ ແລະ ເຄົາລົບນັບຖືເຊິ່ງກັນແລະກັນ, ກໍ່ຄືບົນຫຼັກການຊ່ວຍເຊິ່ງກັນແລະກັນ ເມື່ອມີຄວາມຕ້ອງການ”.
ແຕ່ດົນນານມາແລ້ວ, ການທູດສາທາລະນະສຸກ ໄດ້ກາຍເປັນຫຼັກການພື້ນຖານຂອງການພົວພັນຄູ່ຮ່ວມມືໃດໜຶ່ງ, ຊ່ວຍປັບປຸງການເບິ່ງແຍງດູແລດ້ານການແພດ ໃຫ້ແກ່ປະຊາຊົນສອງປະເທດ. ທ່ານນາງອຸປະທູດ ໄດ້ຢ້ຳຄືນການໜູນຊ່ວຍຂອງ ຫວຽດນາມ ເມື່ອ ອາເມລິກາ ພວມຜ່ານຜ່າການຕໍ່ສູ້ທີ່ຮ້າຍແຮງທີ່ສຸດ ເພື່ອຄວບຄຸມໂລກລະບາດໂຄວິດ - 19, ຢັ້ງຢືນຄືນຄຳໝັ້ນສັນຍາໜູນຊ່ວຍ ຫວຽດນາມ ໃນການຕ້ານໂລກລະບາດໂຄວິດ - 19.
ຕາມທ່ານ ຮສ. ປອ. ຫງວຽນເຈື່ອງເຊີນ, ຮອງລັດຖະມົນຕີກະຊວງສາທາລະນະສຸກ ຫວຽດນາມ ແລ້ວ, ນີ້ແມ່ນຂອງຂວັນທີ່ມີຄວາມໝາຍສຳຄັນ ປະກອບສ່ວນເຂົ້າການເພີ່ມທະວີຄຸນນະພາບວຽກງານກວດ, ປິ່ນປົວພະຍາດ ແລະ ປ້ອງກັນຕ້ານໂຄວິດ - 19, ກໍ່ຄືໜູນຊ່ວຍວຽກງານຄົ້ນຄ້ວາ, ພັດທະນາວັກຊິນຊະນິດໃໝ່.
ຄະນະຜູ້ແທນ ອາເມລິກາ ກໍ່ລົງໄປຢ້ຽມຢາມຮາກຖານສັກວັກຊິນ ຢູ່ໂຮງໝໍແບກມາຍ, ໂດຍແມ່ນສະຖານທີ່ມີວັກຊິນຂອງອາເມລິກາມອບໃຫ້. ທ່ານນາງ Damour ໄດ້ສະແດງຄວາມປະທັບໃຈຕໍ່ວິວັດການເຄື່ອນໄຫວແຈກຢາຍ ແລະ ສັກວັກຊິນຢ່າງມີປະສິດທິຜົນຂອງ ຫວຽດນາມ.
ບຸນຄົງ
