| ຊຸກຍູ້ການທ່ອງທ່ຽວທີ່ປອດໄພ ໃນສະພາບການໂລກລະບາດໂຄວິດ - 19 | |
| HAUFO, ສະຖານທູດປານາມາ ປະຈຳຫວຽດນາມ ມອບເສື້ອກັນໜາວໃຫ້ບ້ານເດັກ Birla ຮ່າໂນ້ຍ |
ລາຍການດັ່ງກ່າວນອນໃນຂອບເຂດໂຄງການ “ສົ່ງເສີມສຸຂະພາບຈິດໃຈຂອງນັກຮຽນມັດທະຍົມຕອນຕົ້ນ ຜ່ານການກໍ່ສ້າງ ແລະເລີ່ມເຄື່ອນໄຫວຫ້ອງປຶກສາໃນໂຮງຮຽນ”, ເຊິ່ງໄດ້ຮັບການອຸປະຖໍາ ແລະປະຕິບັດໂດຍອົງການ Good Neighbors Foundation International (GNI) ແລະ ແຂວງ Gyeonggido, ສ.ເກົາຫຼີ.
 |
| ພາບປະກອບ |
ໃນການໂອ້ລົມສົນທະນາທາງໄກ ບັນດາຜູ້ເຂົ້າຮ່ວມໄດ້ພ້ອມກັນແລກປ່ຽນກ່ຽວກັບຫົວຂໍ້ “ເຮັດຈາກສິ່ງທີ່ລຽບງ່າຍ, ຮັບຟັງດ້ວຍສາຍຫົວໃຈ”. ຫົວຂໍ້ໄດ້ສຸມໃສ່ການຍົກສູງສຸຂະພາບຈິດໃຈໃຫ້ນັກຮຽນໃນເກນອາຍຸຊັ້ນມັດທະຍົມຕອນຕົ້ນຜ່ານການກະທຳ ແລະການຮັບຟັງຈາກພໍ່ແມ່ ຫຼື ອາຈານ ກໍ່ຄືແບ່ງປັນທັດສະນະຂອງພໍ່ແມ່. ນອກຈາກນັ້ນ, ການໂອ້ລົມສົນທະນາຍັງໄດ້ຕອບຄໍາຖາມ, ແກ້ໄຂ, ຮັບຟັງຄຳຖາມຂອງຜູ້ຊົມທີ່ສົ່ງມາລາຍການ.
ແບ່ງປັນທີ່ການໂອ້ລົມສົນທະນາ, ທ່ານ ປອ ຮວ່າງຈູງຮອກ, ຫົວໜ້າພະແນກຈິດຕະວິທະຍາ - ສຶກສາ, ສະຖາບັນບໍລິຫານການສຶກສາ ໃຫ້ຮູ້ວ່າ: ການໂອ້ລົມສົນທະນາມີຫົວຂໍ້ທີ່ໜ້າສົນໃຈ ເມື່ອປຶກສາຫາລືກ່ຽວກັບສາຍພົວພັນ, ຂໍ້ຂັດແຍ່ງ, ຈຸດພິເສດຈິດຕະວິທະຍາຂອງເກນອາຍຸນັກຮຽນຊັ້ນມັດທະຍົມ.
ທ່ານ ປອ ຮວ່າງຈູງຮອກ ເວົ້າວ່າ“ຄວາມຕ້ອງການຂອງເກນອາຍຸນັກຮຽນຊັ້ນມັດທະຍົມແມ່ນຕ້ອງການໄດ້ຮັບການເຄົາລົບ, ເຂົ້າໃຈ, ເຄົາລົບຄວາມລັບສ່ວນຕົວ, ໄດ້ຢັ້ງຢືນຕົນເອງ. ສິ່ງເຫຼົ່ານີ້ແມ່ນບັນດາຄວາມຕ້ອງການທີ່ຖືກຕ້ອງຂອງພວກນ້ອງໆ”.
ທ່ານຍັງໃຫ້ຮູ້ວ່າໃນໄລຍະທີ່ໂລກລະບາດໂຄວິດ-19, ພໍ່ແມ່ຕ້ອງເອົາໃຈໃສ່ເຖິງສື່ສັງຄົມອອນລາຍ ແລະ ເກມ. ຍ້ອນວ່າອີງຕາມການສໍາຫຼວດທີ່ທ່ານໄດ້ປະຕິບັດ, ປະຈຸບັນພຶດຕິກໍາການຂົ່ມເຫັງຜ່ານທາງອິນເຕີເນັດແມ່ນມີຫຼາຍ ແລະ ແບ່ງອອກເປັນ ສອງກຸ່ມ. ກຸ່ມທໍາອິດແມ່ນລະເມີດສິດເປັນສ່ວນຕົວ ແລະໃຊ້ຄວາມຮຸນແຮງທາງດ້ານຈິດໃຈ (ກວມເອົາ 15%); ກຸ່ມທີສອງແມ່ນການຄຸກຄາມທາງເພດ ແລະການສໍ້ໂກງທາງອິນເຕີເນັດ (ກວມເອົາ 10%). ນີ້ເປັນໄພອັນຕະລາຍທີ່ພໍ່ແມ່ຕ້ອງສະຫຼະເວລາໃຫ້ລູກ, ຮັບຟັງລູກ, ຫຼິ້ນກັບລູກ ແລະປົດປ່ອຍດ້ານຈິດຕະວິທະຍາໃຫ້ຕົນເອງ ແລະ ລູກ.
ຕາມທ່ານນາງ ຫງວຽນແທ່ງແທ່ງອານ, ພະນັງານທີ່ປຶກສາຂອງໂຮງຮຽນແລ້ວ, ປະຈຸບັນ ຄວາມຂັດແຍ່ງລະຫວ່າງເດັກ ແລະ ພໍ່ແມ່ກໍ່ມີຂຶ້ນເລື້ອຍໆ. ເຫດຜົນອັນໜຶ່ງຂອງຄວາມຂັດແຍ້ງແມ່ນພໍ່ແມ່ບໍ່ໃຫ້ສິດແກ່ລູກ, ບໍ່ນັ່ງກັບລູກ ເພື່ອແບ່ງປັນກັບເຂົາເຈົ້າ, ສະແດງອອກຄວາມເຊື່ອໝັ້ນຕໍ່ກັບເຂົາເຈົ້າ. "ຫ້ອງໃຫ້ຄໍາປຶກສາຂອງໂຮງຮຽນທີ່ມີຫນ້າທີ່ຄືໝາກຫົວໃຈທີ່ຍາມໃດກໍ່ພ້ອມທີ່ຈະຮັບຟັງ ແລະເຂົ້າໃຈຄວາມຄິດ, ຄວາມຕ້ອງການ, ເພື່ອຊ່ວຍໃຫ້ພວກນ້ອງນັກຮຽນຜ່ານຜ່າຄວາມຫຍຸ້ງຍາກ".
ກ່າວຄຳເຫັນທີ່ການໂອ້ລົມສົນທະນາ, ທ່ານນາງ ເລທູຮັ່ງ, ຜູ້ປະສານງານໂຄງການ GNI ໃຫ້ຮູ້ວ່າ:“ຜົນສຳເລັດຂອງພື້ນຖານການສຶກສາແມ່ນສ້າງຄົນທີ່ມີຄວາມສຸກ. ຫວັງວ່າ ໃນການຮ່ວມເດີນທາງພ້ອມກັບລູກ, ເດັກໆຈະເຕີບໃຫຍ່ ແລະກາຍເປັນຄົນທີ່ມີຄວາມຜາສຸກ”.
ໃນຖານະທີ່ເປັນພໍ່ແມ່ຂອງນັກຮຽນຢູ່ໂຮງຮຽນມັດທະຍົມຕອນຕົ້ນ ເລກຸຍດົນ, ຮ່າໂນ້ຍ, ທ່ານນາງ ຫງວຽນແທ່ງຍ່ານ ໄດ້ແບ່ງປັນເລື່ອງລາວຂອງລູກຊາຍຜ່ານບັນດາສະພາບການຄື: ຫລິ້ນເກມ, ມີຄວາມຮັກໃນໄວຮຽນ. ຜ່ານນັ້ນ, ທ່ານນາງ ກໍ່ຫວັງວ່າ ພໍ່ແມ່ທຸກຄົນຈະຖືລູກຂອງຕົນຄືດັ່ງເປັນເພື່ອນ, ຈົ່ງຮັກແພງ, ເຊື່ອມຕໍ່, ຈົ່ງເລືອກບັນດາທາງທີ່ດີທີ່ສຸດໃຫ້ລູກຂອງຕົນ.
ໄຊພອນ
