| ເຜີຍແຜ່ຄວາມຮູ້ກ່ຽວກັບເສດຖະກິດດີຈີຕອນໃຫ້ກັບຊາວໜຸ່ມຫວຽດນາມ | |
| ນະໂຍບາຍການຄ້າລາວ ໃນຍຸກເສດຖະກິດດິຈິຕອນ ກັບການກ້າວເຂົ້າສູ່ ປີທີ 8 ຂອງສະມາຊິກ WTO |
ກອງປະຊຸມເພື່ອແນໃສ່ແລກປ່ຽນປະສົບການຫັນເປັນດິຈິຕອນຂອງບັນດາອົງການ, ກະຊວງ, ຂະແໜງການທັງພາຍໃນ ແລະ ສາກົນ; ຈາກນັ້ນ ສະເໜີທິດທາງ ແລະ ວິທີຜັນຂະຫຍາຍການຫັນເປັນດີຈີຕອນໃນວຽກງານຂໍ້ມູນຂ່າວສານການຕ່າງປະເທດ ຂອງກະຊວງການຕ່າງປະເທດ ແລະ ຜູ້ຕາງໜ້າຫວຽດນາມ ຢູ່ຕ່າງປະເທດ.
ທ່ານຮອງຫົວໜ້າຄະນະໂຄສະນາສຶກສາສູນກາງ, ຮອງຫົວໜ້າຄະນະຊີ້ນຳວຽກງານຖະແຫຼງຂ່າວຕ່າງປະເທດ ເລຫາຍບິ່ງ; ຜູ້ຕາງໜ້າການນຳ VNPT ຫງວຽນນາມລອງ, ຕາໜ້າການນຳກະຊວງຖະແຫຼງຂ່າວ ແລະ ສື່ສານ, ບັນດາອົງການຂ່າວສຳຄັນຈຳນວນໜຶ່ງ; ເອກອັກຄະລັດຖະທູດ, ຫົວໜ້າຫ້ອງການຜູ້ຕາງໜ້າ, ຕາງໜ້າການນຳຂອງອົງການຕາງໜ້າຫວຽດນາມ ຢູ່ຕ່າງປະເທດ 70 ກວ່າທ່ານ ໄດ້ເຂົ້າຮ່ວມກອງປະຊຸມ.
 |
| ທ່ານຮອງລັດຖະມົນຕີການຕ່າງປະເທດ ດັ້ງຮ່ວາງຢ່າງ. (ພາບ: TTXVN) |
ບັນດາການປຶກສາຫາລືທີ່ກອງປະຊຸມ ໄດ້ຢືນຢັນວ່າ ການຫັນເປັນດີຈີຕອນ ແມ່ນທ່າອ່ຽງທີ່ບໍ່ສາມາດຕ່າວປີ້ນໄດ້ໃນໂລກ ກໍຄື ຢູ່ ຫວຽດນາມ. ບັນດາຜູ້ແທນໄດ້ແບ່ງປັນປະສົບການຫຼາຍດ້ານ ໃນການຫັນເປັນດີຈີຕອນຢູ່ບັນດາຫົວໜ່ວຍ ກໍ່ຄື ຢູ່ບັນດາປະເທດ, ສະເໜີບາງຂໍ້ສະເໜີລະອຽດ ໃຫ້ກະຊວງການຕ່າງປະເທດ ແລະ ບັນດາອົງການພາຍໃນປະເທດ ເພື່ອສືບຕໍ່ເສີມຂະຫຍາຍວຽກງານຫັນເປັນດີຈີຕອນໃນບັນດາຂໍ້ມູນຂ່າວສານການຕ່າງປະເທດໃຫ້ຫຼາຍກວ່າອີກ.
ທ່ານຮອງລັດຖະມົນຕີການຕ່າງປະເທດ ດັ້ງຮ່ວາງຢ່າງ ຢືນຢັນວ່າ: ການຫັນເປັນດີຈີຕອນ ແມ່ນໜຶ່ງໃນບັນດາບຸລິມະສິດໃນການຜັນຂະຫຍາຍ ໃນທົ່ວຂະແໜງການການທູດ, ພິເສດແມ່ນດ້ານຂໍ້ມູນຂ່າວສານ ແລະ ການໂຄສະນາເຜີຍແຜ່ການຕ່າງປະເທດ. ການຜັນຂະຫຍາຍການນຳໃຊ້ເຄືອຂ່າຍສັງຄົມ ເຂົ້າກັບການຕ່າງປະເທດຂອງກະຊວງການຕ່າງປະເທດ ໃນຊຸມປີມໍ່ໆມານີ້ ໄດ້ສ້າງປະສິດທິຜົນຢ່າງຕັ້ງໜ້າຕໍ່ຫາງສຽງສັງຄົມ, ປະກອບສ່ວນເຂົ້າໃນຜົນສຳເລັດລວມ ຂອງວຽກງານການຕ່າງປະເທດຂອງຫວຽດນາມ, ຊ່ວຍເຜີຍແຜ່ພາບພົດຂອງປະເທດ, ປະຊາຊົນຫວຽດນາມ ແລະ ບັນດາຜົນສຳເລັດໃນທຸກດ້ານຂອງຫວຽດນາມ ຕໍ່ປະຊາຊົນທັງຢູ່ພາຍໃນ ແລະ ຕ່າງປະເທດ ໃຫ້ຫຼາຍກວ່າອີກ.
ສະຫລຸບກອງປະຊຸມ, ທ່ານຮອງຫົວໜ້າຄະນະໂຄສະນາສຶກສາສູນກາງ, ຮອງຫົວໜ້າຄະນະຊີ້ນຳວຽກງານຖະແຫຼງຂ່າວຕ່າງປະເທດ ເລຫາຍບິ່ງ ຢືນຢັນວ່າ ຂະແໜງການການທູດ ແລະ ບັນດາຫົວໜ່ວຍ ຕ້ອງມີແນວຄິດຫັນເປັນດິຈິຕອນ ເພື່ອເຮັດໃຫ້ວຽກງານຂ່າວຕ່າງປະເທດມີຄວາມວ່ອງໄວ ແລະ ມີປະສິດທິຜົນທີ່ສຸດ. ທ່ານ ເລຫາຍບິ່ງ ສະເໜີບັນດາອົງການນຳໃຊ້ຂໍ້ມູນຂ່າວສານຕ່າງປະເທດ, ໃນນັ້ນ ມີກະຊວງການຕ່າງປະເທດ ຕ້ອງລົງທຶນເຂົ້າໃນການຄົ້ນຄວ້າ ແລະ ນຳໃຊ້ບັນດາຜະລິດຕະພັນດີຈີຕອນ ແລະ ມີຊ່ອງທາງເຜີຍແຜ່ບັນດາຜະລິດຕະພັນດັ່ງກ່າວ, ປະກອບສ່ວນຢ່າງຕັ້ງໜ້າໃນວຽກງານຂໍ້ມູນຂ່າວສານຕ່າງປະເທດ.
ຄຳຮຸ່ງ
