| Samsung ລົງທຶນເຂົ້າໃນການຄົ້ນຄວ້າ ແລະ ພັດທະນາ 5G ຢູ່ ຫວຽດນາມ | |
| ເວທີສົ່ງເສີມການຄ້າ ແລະ ການລົງທຶນລະຫວ່າງຫວຽດນາມ ແລະ ສາທາລະນະລັດເຊັກ |
ເມື່ອບໍ່ດົນມານີ້ (ຕາມເວລາທ້ອງຖິ່ນ) ຢູ່ Glasgow (ສະກັອດແລນ, ອັງກິດ), ທ່ານນາຍົກລັດຖະມົນຕີ ຟ້າມມິງຈິງ ໄດ້ເຂົ້າຮ່ວມການໂອ້ລົມເຈລະຈາກັບທະນາຄານ Standard Chartered; ຕ້ອນຮັບສະພາພະລັງງານລົມທົ່ວໂລກ (GWEC); ຕ້ອນຮັບປະທານ ທັງເປັນຜູ້ອຳນວຍການບໍລິຫານ ກຸ່ມພະລັງງານແຮງລົມທົ່ວໂລກ Orsted; ຕ້ອນຮັບຜູ້ອຳນວຍການບໍລິຫານ Lego.
 |
| ທ່ານນາຍົກລັດຖະມົນຕີ ຟ້າມມິງຈິງ ໄດ້ເຂົ້າຮ່ວມການໂອ້ລົມເຈລະຈາກັບທະນາຄານ Standard Chartered. (ພາບ: baoquocte) |
ທີ່ການພົບປະ, ທ່ານນາຍົກລັດຖະມົນຕີ ຟ້າມມິງຈິງ ໃຫ້ຮູ້ວ່າ: ຫວຽດນາມ ເຂົ້າຮ່ວມກອງປະຊຸມປະຈຳປີ ກ່ຽວກັບການປ່ຽນແປງຂອງດິນຟ້າອາກາດ (COP26), ອີກເທື່ອໜຶ່ງ ໄດ້ຢືນຢັນຄຳໝັ້ນສັນຍາຫຼຸດຜ່ອນການປ່ອຍອາຍພິດກາກບອນໃຫ້ເປັນ 0 ໃນປີ 2050; ພ້ອມກັນນັ້ນ ກໍ່ຮຽກຮ້ອງໃຫ້ມີຄວາມສະເໝີພາບ ແລະ ຍຸຕິທຳກ່ຽວກັບການປ່ຽນແປງຂອງດິນຟ້າອາກາດ. ຫວຽດນາມ ປາດຖະໜາວ່າ ບັນດາປະເທດພັດທະນາ ຈະແບ່ງປັນບັນດາຄວາມຫຍຸ້ງຍາກເຊິ່ງ ຫວຽດນາມ ພວມປະສົບຢ່າງພາວະວິໄສ, ໜູນຊ່ວຍການບຳລຸງສ້າງແຫຼ່ງຊັບພະຍາກອນມະນຸດ, ຍົກສູງຄວາມສາມາດໃນການຄຸ້ມຄອງແຫ່ງຊາດ ເພື່ອພັດທະນາແບບຍືນຍົງ, ຊຸກຍູ້ການເງິນສີຂຽວ ແລະ ໜູນຊ່ວຍເຕັກໂນໂລຊີສີຂຽວ…
ທີ່ການໂອ້ລົມເຈລະຈາກັບທະນາຄານ Standard Chartered, ທ່ານນາຍົກລັດຖະມົນຕີ ຟ້າມມິງຈິງ ໄດ້ຢືນຢັນວ່າ ລັດຖະບານ ແລະ ບັນດາສຳນັກງານຂອງຫວຽດນາມ ຈະສືບຕໍ່ສ້າງເງື່ອນໄຂສະດວກໃຫ້ບັນດານັກລົງທຶນຕ່າງປະເທດ, ດຳເນີນທຸລະກິດຢ່າງມີປະສິດທິຜົນ ແລະ ປະສົບຜົນສຳເລັດ, ແບບຍືນຍົງ, ຍາວນານຢູ່ ຫວຽດນາມ, ຕາມຈິດໃຈ "ຜົນປະໂຫຍດຕ້ອງມີຄວາມກົມກຽວກັນ, ແບ່ງປັນຄວາມສ່ຽງຊຶ່ງກັນ ແລະ ກັນ". ທ່ານນາຍົກລັດຖະມົນຕີ ຟ້າມມິງຈິງ ສະເໜີໃຫ້ທະນາຄານ Standard Chartered ສືບຕໍ່ຊຸກຍູ້ມູນເຊື້ອດຳເນີນທຸລະກິດອັນຍາວນານຢູ່ຫວຽດນາມ; ຢືນຢັນວ່າ ທ່າອ່ຽງການພັດທະນາແບບຍືນຍົງ ແລະ ການເຕີບໂຕສີຂຽວ ທີ່ທະນາຄານໄດ້ມຸ່ງໝັ້ນປະຕິບັດ ແມ່ນສອດຄ່ອງກັບທ່າອ່ຽງລວມ, ກໍ່ຄືກັບນະໂຍບາຍຂອງຫວຽດນາມ.
 |
| ທ່ານນາຍົກລັດຖະມົນຕີ ຟ້າມມິງຈິງ ຕ້ອນຮັບປະທານ ທັງເປັນຜູ້ອຳນວຍການບໍລິຫານ ກຸ່ມພະລັງງານແຮງລົມທົ່ວໂລກ Orsted. (ພາບ: baoquocte) |
ທ່ານນາຍົກລັດຖະມົນຕີ ຟ້າມມິງຈິງ ໃຫ້ຮູ້ວ່າ ຫວຽດນາມ ສືບຕໍ່ເຮັດກົດບັນຍັດໃຫ້ສຳເລັດ ໂດຍຕິດແທດກັບຄວາມເປັນຈິງ, ເໝາະສົມກັບສະພາບການ ເພື່ອຊຸກຍູ້ການພັດທະນາໃນໄລຍະຈະມາເຖິງ. ຫວຽດນາມ ພວມບຳລຸງສ້າງແຫຼ່ງຊັບພະຍາກອນມະນຸດຢ່າງມີແບບມີແຜນ ແລະ ມີລະບົບ ເພື່ອໃຫ້ແຫຼ່ງຊັບພະຍາກອນມະນຸດ ມີຄຸນນະພາບສູງ ເພື່ອຕອບສະໜອງການຫັນປ່ຽນດ້ານພະລັງງານແບບຍືນຍົງ ແລະ ມີປະສິດທິຜົນໃນໄລຍະຍາວ. ຫວຽດນາມ ໄດ້ກຳນົດເລືອກເຟັ້ນເຕັກໂນໂລຢີທີ່ທັນສະໄໝ, ເໝາະສົມກັບສະພາບການຂອງປະເທດຊາດໃນປະຈຸບັນ. ພ້ອມກັນນັ້ນ, ກໍ່ໃຫ້ບັນດາວິສາຫະກິດສືບຕໍ່ຄົ້ນຄວ້າ ແລະ ແຈກຢາຍການລົງທຶນຢ່າງສະເໝີພາບຢູ່ທຸກພາກພື້ນຂອງຫວຽດນາມ, ເໝາະສົມກັບຄວາມຮຽກຮ້ອງຕ້ອງການ ແລະ ເສີມຂະຫຍາຍປະສິດທິຜົນການລົງທຶນ.
ໃນການຕ້ອນຮັບຜູ້ອຳນວຍການບໍລິຫານ Lego, ທ່ານນາຍົກລັດຖະມົນຕີ ຟ້າມມິງຈິງ ໃຫ້ຮູ້ວ່າ ຫວຽດນາມ ພວມສືບຕໍ່ສຸມໃສ່ຊຸກຍູ້ວຽກງານກໍ່ສ້າງກົດບັນຍັດ ແລະ ປະຕິຮູບການບໍລິຫານເໜາະສົມກັບຄວາມຮຽກຮ້ອງຕ້ອງການໃນສະພາບການໃໝ່; ສະເໜີໃຫ້ Lego ສົມທົບກັບບັນດາກະຊວງ, ຂະແໜງການ ແລະ ທ້ອງຖິ່ນຂອງຫວຽດນາມ ເພື່ອເລືອກຕັ້ງທີ່ຕັ້ງການລົງທຶນທີ່ເໝາະສົມ, ສົມທົບກັນຢ່າງແໜ້ນແຟ້ນ ແລະ ມີປະສິດທິຜົນສູງ...
ຄຳຮຸ່ງ
