 |
| ທ່ານລັດຖະມົນຕີ ບຸນແທັງເຊີນ ພົບປະກັບທ່ານນາງ Elizabeth Truss ລັດຖະມົນຕີການຕ່າງປະເທດ ແລະ ພັດທະນາ ອັງກິດ (ພາບ: TTXVN) |
ຕາມນັກຂ່າວຂອງ ສຳນັກຂ່າວສານ ຫວຽດນາມ ແລ້ວ, ການພົບປະໄດ້ດຳເນີນເນື່ອງໃນໂອກາດທ່ານລັດຖະມົນຕີການຕ່າງປະເທດ ບຸຍແທັງເຊີນ ເດີນຕາມຂະບວນ ທ່ານນາຍົກລັດຖະມົນຕີ ຟ້າມມິງຈິງ ໄປຍັງ Glasgow (ລາຊະອານາຈັກອັງກິດ) ເຂົ້າຮ່ວມກອງປະຊຸມຄັ້ງທີ 26 ຂອງບັນດາຝ່າຍເຂົ້າຮ່ວມສົນທິສັນຍາ ແມ່ຂອງ ສປຊ ກ່ຽວກັບການປ່ຽນແປງຂອງດິນຟ້າອາກາດ (COP26).
ທີ່ການພົບປະ, ທ່ານລັດຖະມົນຕີ ບຸຍແທັງເຊີນໄດ້ສະແດງການສະໜັບສະໜູນບົດບາດເປັນປະທານ COP26 ຂອງ ອັງກິດ, ຢັ້ງຢືນ ຫວຽດນາມ ສືບຕໍ່ໃຫ້ຄຳໝັ້ນສັນຍາຢ່າງແຮງ ປະກອບສ່ວນໃຫ້ຄວາມມານະພະຍາຍາມທົ່ວໂລກໃນການຮັບມືກັບວິກິດການດິນຟ້າອາກາດ. ທ່ານລັດຖະມົນຕີ ບຸຍແທັງເຊີນ ອີກຄັ້ງໜຶ່ງ ສະແດງຄວາມຊົມເຊີຍຕໍ່ເລື່ອງທ່ານນາງ Elizabeth Truss ໄດ້ຮັບຕຳແໜ່ງເປັນລັດຖະມົນຕີການຕ່າງປະເທດ ແລະ ພັດທະນາອັງກິດ, ຕີລາສູງສູງ ທ່ານນາງ Elizabeth Truss ໃນຖານະເປັນລັດຖະມົນຕີການຄ້າປະເທດສາກົນ ໃນເມື່ອກ່ອນ ທີ່ໄດ້ມີການປະກອບສ່ວນສຳຄັນໃນການລົງນາມ ແລະ ນຳເຂົ້າສົນທິສັນຍາການຄ້າເສລີ ລະຫວ່າງ ຫວຽດນາມ - ອັງກິດ (UKVFTA).
ທ່ານນາງລັດຖະມົນຕີ Elizabeth Truss ໄດ້ຕີລາຄາສູງຄຳໝັ້ນສັນຍາຢ່າງແຮງຂອງ ຫວຽດນາມ ໃນການຮັບມືກັບການປ່ຽນແປງຂອງດິນຟ້າອາກາດ, ສະແດງຄວາມຊົມເຊີຍຕໍ່ການພັດທະນາອັນດີງາມຂອງການພົວພັນລະຫວ່າງ ຫວຽດນາມ - ອັງກິດໃນໄລຍະຜ່ານມາ.
ສອງຝ່າຍໄດ້ຕີລາຄາສູງການແລກປ່ຽນການຄ້າ ແລະ ການຮ່ວມມືລົງທຶນທີ່ມີການພັດທະນາຫຼາຍຢ່າງ ຍ້ອນສອງຝ່າຍໄດ້ລົງນາມ ແລະ ນຳເຂົ້າປະຕິບັດສັນຍາ UKVFTA ໂດຍໄວ. ທ່ານນາງ Elizabeth Truss ໄດ້ເຫັນດີເປັນເອກະພາບຍູ້ແຮງການຮ່ວມມືໃນບັນດາຂົງເຂດທີ່ມີຄວາມສາມາດບົ່ມຊ້ອນຫຼາຍຢ່າງຄື ວິທະຍາສາດເຕັກໂນໂລຢີ, ການພັດທະນາພະລັງງານຜະລິດຄືນໃໝ່, ການເງິນສີຂຽວ.
ທ່ານລັດຖະມົນຕີ ບຸຍແທັງເຊີນ ອີກຄັ້ງໜຶ່ງ ໄດ້ສະແດງຄວາມຂອບອົກຂອບໃຈຕໍ່ລັດຖະບານ ອັງກິດ ທີ່ໄດ້ໜູນຊ່ວຍວັກຊິນ ແລະ ວັດຖຸອຸປະກອນການແພດໃຫ້ ຫວຽດນາມ ເພື່ອຜ່ານຜ່າຄວາມຫຍຸ້ງຍາກໃນໄລຍະເກີດໂລກລະບາດໂຄວິດ - 19. ທ່ານລັດຖະມົນຕີ ສະເໜີໃຫ້ອັງກິດ, ບົນຈິດໃຈຄູ່ຮ່ວມມືຍຸດທະສາດ, ສືບຕໍ່ໜູນຊ່ວຍ ຫວຽດນາມ ສຳຜັດກັບວັກຊິນ, ສະໜອງວັດຖຸອຸປະກອນການແພດທີ່ຈຳເປັນ ແລະ ຢາປິ່ນປົວໂຄວິດ - 19 ໃຫ້ ຫວຽດນາມ.
ທ່ານນາງ Elizabeth Truss ສະແດງຄວາມຂອບອົກຂອບໃຈຕໍ່ການສະໜັບສະໜູນຢ່າງສຸດຈິດສຸດໃຈຂອງ ຫວຽດນາມ, ພິເສດໃນຖານະເປັນປະທານອາຊຽນ 2020, ຊ່ວຍອັງກິດ ກາຍເປັນຄູ່ຮ່ວມມືເຈລະຈາຢ່າງຄົບຖ້ວນຂອງ ອາຊຽນ, ເຫັນດີເປັນເອກະພາບສະໜັບສະໜູນບົດບາດເປັນໃຈກາງຂອງ ອາຊຽນໃນພາກພື້ນ.
ທ່ານລັດຖະມົນຕີ ບູຍແທັງເຊີນ ຢັ້ງຢືນວ່າ ຫວຽດນາມ ພ້ອມແລ້ວທີ່ຈະໜູນຊ່ວຍອັງກິດ ເພີ່ມທະວີການຮ່ວມມືກັບອາຊຽນ ຢ່າງແທດຈິງ, ສະໜັບສະໜູນ ແລະ ແບ່ງປັນບົດຮຽນໃນການເຈລະຈາເຂົ້າຮ່ວມສັນຍາຄູ່ຮ່ວມມືຮອບດ້ານ ແລະ ກ້າວໜ້າຂ້າມປາຊີຟິກ (CPTPP)
ໃນໂອກາດນີ້, ທ່ານລັດຖະມົນຕີບຸຍແທັງເຊີນ ໄດ້ມີການເຊື້ອເຊີນທ່ານລັດຖະມົນຕີ ນາງ Elizabeth Truss ມາຢ້ຽມຢາມ ຫວຽດນາມ ຢ່າງເປັນທາງການ. ທ່ານລັດຖະມົນຕີ ນາງ Elizabeth Truss ໄດ້ຕົກລົງຮັບຄຳເຊີນດັ່ງກ່າວ.
ບຸນຄົງ
