| ກະຊວງປ້ອງກັນປະເທດຫວຽດນາມ ໄດ້ຈັດຕັ້ງພິທີມອບຂໍ້ຕົກລົງໃຫ້ນາຍທະຫານຫວຽດນາມ ໄປປະຕິບັດໜ້າທີ່ຢູ່ສຳນັກງານ ສປຊ | |
| ສະຖານທູດຫວຽດນາມປະຈຳອາຟະລິກາໃຕ້ໜູນຊ່ວຍອຸປະກອນການແພດໃຫ້ແກ່ປະຊາຊົນປະເທດປະຈຳຖິ່ນ |
ຫວ່າງມໍ່ໆນີ້, ກ່າວຄຳເຫັນທີ່ກອງປະຊຸມປະຈຳໄລຍະ ກ່ຽວກັບສະຖານະການອາຟຼິກາກາງ ຢູ່ສະພາຄວາມໝັ້ນຄົງສະຫະປະຊາຊາດ, ທ່ານເອກອັກຄະລັດຖະທູດ ດັ້ງດິງກູຍ, ຫົວໜ້າຄະນະຜູ້ແທນຫວຽດນາມ ປະຈຳ ສປຊ ໄດ້ຊົມເຊີຍຖະແຫຼງການຢຸດຍິງໂດຍຝ່າຍດຽວຂອງ ລັດຖະບານ ສາທາລະນະລັດອາຟຣິກາກາງ ໃນວັນທີ 15 ຕຸລາ ແລະ ຮຽກຮ້ອງໃຫ້ກຸ່ມປະກອບອາວຸດອອກຖະແຫຼງການທີ່ຄ້າຍຄືກັນ.
 |
| ທ່ານເອກອັກຄະລັດຖະທູດ ດັ້ງດິງກູຍ, ຫົວໜ້າຄະນະຜູ້ແທນຫວຽດນາມ ປະຈຳ ສປຊ. (ພາບ: baoquocte) |
ທ່ານເອກອັກຄະລັດຖະທູດ ດັ້ງດິ່ງກຸ໋ຍ ໄດ້ສະແດງຄວາມວິຕົກກັງວົນ ຕໍ່ບັນດາຄວາມຫຍຸ້ງຍາກຂອງປະຊາຊົນ ສາທາລະນະລັດອາຟຼິກາກາງ ຕໍ່ກັບບັນດາສິ່ງທ້າທາຍຈາກຄວາມບໍ່ໝັ້ນຄົງ, ຄວາມທຸກຍາກ, ການສູນເສຍທີ່ຢູ່ອາໄສ, ຄວາມຮຸນແຮງທາງເພດໃນການປະທະກັນ.
ເພື່ອຮັບປະກັນສັນຕິພາບທີ່ຍືນຍົງ, ທ່ານເອກອັກຄະລັດຖະທູດ ດັ້ງດິ່ງກຸ໋ຍ ຮຽກຮ້ອງບັນດາຝ່າຍຊຸກຍູ້ການສ້າງຄວາມໄວ້ເນື້ອເຊື່ອໃຈ ແລະ ເພີ່ມທະວີການໂອ້ລົມເຈລະຈາ, ເນັ້ນໜັກເຖິງຄວາມສຳຄັນຂອງການຮ່ວມມືໃນພາກພື້ນ ເພື່ອແກ້ໄຂບັນດາສາເຫດກົກຮາກຂອງການປະທະກັນ.
ທ່ານເອກອັກຄະລັດຖະທູດ ກໍ່ຮຽກຮ້ອງໃຫ້ສາກົນເພີ່ມທະວີການໜູນຊ່ວຍປະຊາຊົນສາທາລະນະລັດອາຟຼິກາກາງ ເພື່ອຄວາມໝັ້ນຄົງ ແລະ ພັດທະນາ.
ຄຳຮຸ່ງ
