ກະຊວງປ້ອງກັນປະເທດຫວຽດນາມ ໄດ້ຈັດຕັ້ງພິທີມອບຂໍ້ຕົກລົງໃຫ້ນາຍທະຫານຫວຽດນາມ ໄປປະຕິບັດໜ້າທີ່ຢູ່ສຳນັກງານ ສປຊ

	ກະຊວງປ້ອງກັນປະເທດຫວຽດນາມ ໄດ້ມອບເງິນໜູນຊ່ວຍ ແລະອຸປະກອນການແພດທີ່ມີມູນຄ່າເກືອບ 1,5 ຕື້ດົ່ງໃຫ້ແກ່ກະຊວງປ້ອງກັນປະເທດລາວ
	ກະຊວງປ້ອງກັນປະເທດຫວຽດນາມ ໄດ້ກຽມພ້ອມເຂົ້າຮ່ວມວຽກງານຮັກສາສັນຕິພາບສາກົນ

ກະຊວງປ້ອງກັນປະເທດ ຫວຽດນາມ ໄດ້ຈັດຕັ້ງພິທີມອບຂໍ້ຕົກລົງຂອງ ປະທານປະເທດໃຫ້ແກ່ນາຍທະຫານໄປປະຕິບັດໜ້າທີ່ຢູ່ ສຳນັກງານ ສປຊ; ສະຫຼຸບອາຍຸການປະຕິບັດງານໃຫ້ນາຍທະຫານ ຫວຽດນາມ ທີ່ປະຕິບັດສຳເລັດອາຍຸການຢູ່ຄະນະຮັກສາສັນຕິພາບ ສປຊ ປະຈຳ ຊູດັງໃຕ້ ແລະ ສາທາລະນະລັດ ອາຟະລິກາກາງ. ພາບ: qdnd

ເມື່ອບໍ່ດົນມານີ້, ກະຊວງປ້ອງກັນປະເທດຫວຽດນາມ ໄດ້ຈັດຕັ້ງພິທີມອບຂໍ້ຕົກລົງໃຫ້ນາຍທະຫານຫວຽດນາມ ໄປປະຕິບັດໜ້າທີ່ຢູ່ສຳນັກງານ ສປຊ ແລະສະຫຼຸບອາຍຸການປະຕິບັດງານໃຫ້ບັນດານາຍທະຫານຫວຽດນາມ ທີ່ສຳເລັດອາຍຸການຢູ່ຄະນະປະຕິບັດງານຮັກສາສັນຕິພາບ ສປຊ ຢູ່ຊູດັງໃຕ້ ແລະ ສ.ອາຟະລິກາກາງ. ໂດຍໄດ້ຮັບການມອບສິດຈາກປະທານປະເທດ, ທ່ານ ພົນໂທ ຫງວຽນຈີວີ້ງ, ຮອງລັດຖະມົນຕີກະຊວງປ້ອງກັນປະເທດຫວຽດນາມ ໄດ້ມອບຂໍ້ຕົກລົງໃຫ້ແກ່ ທ່ານພັນຕີ ເຈິ່ນດຶກເຫືອງ, ກົມຮັກສາສັນຕິພາບ ຫວຽດນາມ ໄປປະຕິບັດໜ້າທີ່ ເປັນນາຍທະຫານເສນາທິການ ແຜນການຂຶ້ນກັບພະແນກແຜນການການທະຫານ, ຫ້ອງການບັນດາບັນຫາການທະຫານ, ກົມເຄື່ອນໄຫວຮັກສາສັນຕິພາບ ຢູ່ ສຳນັກງານ ສປຊ ຢູ່ ນິວຢອກ, ອາເມລິກາ.

ທ່ານພົນໂທ ຫງວຽນຈີວີ້ງ ສະແດງຄວາມປິຕິຊົມຊື່ນຍ້ອນພັນໂທ ເຈິ່ນດຶກເຫື໋ອງ ແມ່ນນາຍທະຫານຜູ້ທີ 2 ຂອງຫວຽດນາມ ທີ່ໄດ້ຮັບການຄັດເລືອກເຂົ້າເຮັດວຽກຢູ່ສໍານັກງານ ສປຊ, ປະກອບສ່ວນຍົກສູງພາບພົດ, ຖານະບົດບາດຂອງຫວຽດນາມໃນປະຊາຄົມສາກົນ.

ທີ່ພິທີ, ທ່ານພົນໂທ ຫງວຽນຈີວີ້ງ, ຮອງລັດຖະມົນຕີກະຊວງປ້ອງກັນປະເທດຫວຽດນາມ ໄດ້ຢັ້ງຢືນ ລະດັບຄວາມຮູ້, ຄວາມສາມາດ, ຄວາມກ້າວໜ້າຢ່າງກະໂດດຂັ້ນຂອງບັນດານາຍທະຫານ ຫວຽດນາມ ເມື່ອເຂົ້າຮ່ວມການເຄື່ອນໄຫວ ຮັກສາສັນຕິພາບ ສປຊ ແລະ ໄດ້ຮັບການຕີລາຄາວ່າ ປະຕິບັດໜ້າທີ່ທີ່ໄດ້ຮັບການມອບໝາຍເປັນຢ່າງດີ ແລະ ບັນລຸຜົນງານດີເດັ່ນໃນຫຼາຍດ້ານ. ທ່ານພົນໂທ ຫງວຽນຈີວີ້ງ ກໍ່ໄດ້ສະເໜີໃຫ້ນາຍທະຫານຈົ່ງສືບຕໍ່ມີການປະກອບສ່ວນຢ່າງຕັ້ງໜ້າໃຫ້ແກ່ກົມຮັກສາສັນຕິພາບຫວຽດນາມ ກໍຄືເພີ່ມທະວີການແລກປ່ຽນ, ແບ່ງປັນບົດຮຽນກັບບັນດານາຍທະຫານຫວຽດນາມ ທີ່ຈະເຂົ້າຮ່ວມການເຄື່ອນໄຫວຮັກສາສັນຕິພາບ ສປຊ ໃນໄລຍະຈະມາເຖິງ.

ຫວ່າງແລ້ວນີ້, ຂ້າຫຼວງໃຫຍ່ ສປຊ ກ່ຽວກັບຊາວອົບພະຍົບ (UNHCR) ໃຫ້ຮູ້ວ່າ ສະພາບການໃຊ້ຄວາມຮຸນແຮງທີ່ກ່ຽວຂ້ອງເຖິງການເລືອກຕັ້ງເມື່ອເດືອນທັນວາ 2020 ຢູ່ ສ.ອາຟະລິກາກາງ ໄດ້ເຮັດໃຫ້ປະຊາຊົນນັບໝື່ນຄົນຕ້ອງອົບພະຍົບໄປຍັງບັນດາປະເທດບ້ານໃກ້ເຮືອນຄຽງ ແລະເຖິງເຂດປອດໄພກວ່າຢູ່ປະເທດນີ້. ທ່ານ Boris Cheshirkov ໂຄສົກຂອງ UNHCR ໄດ້ເນັ້ນໜັກວ່າ ຈໍານວນຊາວອົບພະຍົບໃໝ່ພວມກໍ່ຄວາມກົດດັນອັນໃຫຍ່ຫຼວງໃຫ້ແຫຼ່ງກໍາລັງຢູ່ບັນດາທ້ອງຖິ່ນຂອງປະເທດນີ້. ເຂົາເຈົ້າຕ້ອງຄວາມຊ່ວຍເຫຼືອຢ່າງຮີບດ່ວນກ່ຽວກັບນໍ້າປະປາ, ບ່ອນຢູ່, ສໍາຜັດກັບການສົ່ງເສີມສຸຂະພາບ ແລະເງື່ອນໄຂອະນາໄມຢ່າງຄົບຖ້ວນ ເພື່ອສະກັດກັ້ນການແຜ່ລະບາດຂອງພະຍາດໂຄວິດ-19 ແລະພະຍາດອື່ນໆ.

ກະຊວງປ້ອງກັນປະເທດຫວຽດນາມ ສະໜັບສະໜູນປະຊາຊົນ ກຳປູເຈຍ ໃນການປ້ອງກັນພະຍາດ Covid-19 ຢ່າງມີປະສິດຕິຜົນ ໃນວັນທີ 23 ເມສາ, ຢູ່ດ່ານຊາຍແດນສາກົນມົກບ່່າຍ, ແຂວງໄຕນິງ ໄດ້ຈັດຕັ້ງພິທີມອບ-ຮັບວັດຖຸອຸປະກອນການແພດ ໂດຍກະຊວງປ້ອງກັນປະເທດຫວຽດນາມ ມອບໃຫ້ແກ່ກະຊວງປ້ອງກັນປະເທດກຳປູເຈຍ ເພື່ອປ້ອງກັນ ແລະ ຕ້ານພະຍາດ Covid-19.

ກະຊວງປ້ອງກັນປະເທດຫວຽດນາມ ແລະ ກະຊວງປ້ອງກັນປະເທດກໍາປູເຈຍ ເພີ່ມທະວີການຮ່ວມມືຮອບດ້ານ ຍສໝ - ກ່ອນການຝຶກຊ້ອມ, ທ່ານພົນເອກ ໂງຊວນລິກ ແລະທ່ານພົນເອກ Samdech Pichey Sena Tea Banh ພ້ອມກັບບັນດາຜູ້ແທນໄດ້ເຂົ້າຮ່ວມພິທີເປີດນໍາໃຊ້ ແລະມອບ-ຮັບສຸກສາລາມິດຕະພາບທະຫານ-ປະຊາຊົນໃຫ້ເມືອງ Chanthrea ທີ່ມີມູນຄ່າກໍ່ສ້າງ 150.000 ໂດລາສະຫະລັດ...

ລົງນາມບົດບັນທຶກຊ່ວຍຈໍາ ລະຫວ່າງ ກະຊວງປ້ອງກັນປະເທດຫວຽດນາມ ກັບ ກະຊວງປ້ອງກັນປະເທດລາວ ຍສໝ - ໃນຕອນບ່າຍຂອງວັນທີ 25 ມິຖຸນາ 2019, ຢູ່ ຮ່າໂນ້ຍ, ກອງບັນຊາການສື່ສານ ໄດ້ມີການພົບປະເຈລະຈາ ກັບຄະນະປະຕິບັດງານຂອງກົມສື່ສານ, ກົມໃຫຍ່ເສນາທິການກອງທັບປະຊາຊົນລາວ ນໍາໂດຍທ່ານພັນໂທ ພູວຽງ ຈັນທະວົງ, ຮອງຫົວໜ້າກົມສື່ສານ, ມາຢ້ຽມຢາມ ແລະ ເຮັດວຽກ ຢູ່ ຫວຽດນາມ.