 |
| ທ່ານນາຍົກລັດຖະມົນຕີ ຟ້າມມິງຈິ໊ງ ແລະທ່ານນາງເອກອັກຄະລັດຖະທູດອົດສະຕາລີ Robyn Mudie. ພາບ: ສໍານັກຂ່າວສານຫວຽດນາມ |
ທ່ານ ຟ້າມມິງຈິ໊ງ ຂອບໃຈລັດຖະບານອົດສະຕາລີ ທີ່ໃຫ້ຄຳໝັ້ນສັນຍາຊ່ວຍເຫຼືອວັກຊີນ 5,2 ລ້ານໂດສ ແລະອຸປະກອນການແພດຈຳນວນຫຼວງຫຼາຍໃຫ້ແກ່ຫວຽດນາມ ພາຍຫຼັງການໂອ້ລົມທາງໂທລະສັບລະຫວ່າງນາຍົກລັດຖະມົນຕີສອງທ່ານ, ສະແດງໃຫ້ເຫັນອາລົມຈິດອັນລ້ຳຄ່າຂອງລັດຖະບານ ແລະປະຊາຊົນອົດສະຕາລີ ທີ່ສະຫງວນຫວຽດນາມ ໃນເວລາທີ່ຫຍຸ້ງຍາກ; ທ່ານຫວັງວ່າ ອົດສະຕາລີ ຈະສືບຕໍ່ຮ່ວມເດີນທາງ ແລະຊ່ວຍເຫຼືອຫວຽດນາມ ໃນການຕໍ່ສູ້ຕ້ານພະຍາດ.
ທ່ານນາງເອກອັກຄະລັດຖະທູດ Robyn Mudie ຢືນຢັນວ່າ ອົດສະຕາລີ ຈະສືບຕໍ່ຊ່ວຍເຫຼືອວັກຊິນ, ອຸປະກອນການແພດ ແລະຍົກສູງກໍາລັງຄວາມສາມາດດ້ານການແພດໃຫ້ແກ່ຫວຽດນາມ. ທ່ານນາງເອກອັກຄະລັດຖະທູດ Robyn Mudie ໃຫ້ຮູ້ວ່າ ອົດສະຕາລີ ຖືເປັນສໍາຄັນ ແລະປາດຖະໜາຢາກຊຸກຍູ້ການພົວພັນຄູ່ຮ່ວມມືຍຸດທະສາດກັບຫວຽດນາມ ຂຶ້ນສູ່ລະດັບສູງໃໝ່ໃນໄລຍະຈະມາເຖິງ.
ສອງຝ່າຍສະແດງຄວາມປິຕິຊົມຊື່ນຕໍ່ອາລົມຈິດ ແລະຄວາມໄວ້ເນື້ອເຊື່ອໃຈດ້ານການເມືອງລະຫວ່າງສອງປະເທດທີ່ນັບມື້ນັບໄດ້ຮັບການປັບປຸງ, ປາດຖະໜາຢາກຊຸກຍູ້ການຮ່ວມມືດ້ານເສດຖະກິດ, ການຄ້າ ແລະການລົງທຶນໃຫ້ເຂົ້າສູ່ແທດຈິງ ແລະມີປະສິດທິຜົນ. ເນື່ອງໃນໂອກາດນີ້, ສອງຝ່າຍກໍ່ໄດ້ແລກປ່ຽນບັນດາບັນຫາສາກົນ ແລະພາກພື້ນທີ່ຕ່າງຝ່າຍຕ່າງມີຄວາມສົນໃຈ.
la.qdnd.vn
