| ຮູບແຕ້ມ 18 ແຜ່ນຂອງນັກຈິດຕະກອນຫວຽດນາມຢູ່ເວທີການປະມູນສາກົນ | |
| ຫວຽດນາມຊື້ວັກຊີນປ້ອງກັນພະຍາດ COVID-19 ຕື່ມອີກຈາກຮົງກາລີ |
 |
| ພາບປະກອບ |
ກອງປະຊຸມໄດ້ຕີລາຄາໝາກຜົນຂອງການປະຕິບັດໜ້າທີ່ໃນການປ້ອງກັນ, ຕ້ານໂລກລະບາດໂຄວິດ - 19 ໃນໄລຍະ 2 ອາທິດຜ່ານມາ, ບັນຫາຈັດຕັ້ງໃຫ້ ປະຊາຊົນກັບເມືອບ້ານເກີດເມືອງນອນຕາມຄວາມຫວັງ, ແນະນຳການຮັບມືຢ່າງປອດໄພ, ມີໄຫວພິບ, ການຄວບຄຸມໂລກລະບາດໂຄວິດ - 19 ໃຫ້ມີປະສິດທິຜົນ, ວຽກງານຮັບປະກັນການໜູນຊ່ວຍສັງຄົມ...
ກ່າວຄຳເຫັນໄຂກອງປະຊຸມ, ທ່ານນາຍົກລັດຖະມົນຕີ ຟ້າມມິງຈິງ ໄດ້ສະເໜີໃຫ້ຜູ້ແທນສຸມໃສ່ຕີລາຄາສະພາບການໂລກລະບາດໂຄວິດ - 19 ໃນ 2 ອາທິດທີ່ຜ່ານມາ, ວຽກງານທີ່ເຮັດໄດ້, ວຽກງານທີ່ຍັງບໍ່ທັນເຮັດໄດ້, ຊີ້ໃຫ້ເຫັນສາຍເຫດຢ່າງຈະແຈ້ງ, ຖອດຖອນບົດຮຽນ.
ມາຮອດປັດຈຸບັນ, ຫວຽດນາມ ຄວບຄຸມໂລກລະບາດໂຄວິດ - 19 ໄດ້ໂດຍພື້ນຖານໃນຂອບຂະໜາດທົ່ວປະເທດແລ້ວ. ຢູ່ນະຄອນ ໂຮ່ຈີມິນ, ບັນດາແຂວງຄື: ບິ່ງເຢືອງ, ດົ່ງນາຍ, ລອງອານ, ຈຳນວນຜູ້ຕິດເຊື້ອໃໝ່ຕື່ມອີກ ແລະ ເສຍຊີວິດ ໄດ້ຫຼຸດລົງ. ຮັບປະກັນການໜູນຊ່ວຍສັງຄົມ, ປະຕິບັດການຮັກສາຄວາມປອດໄພ, ຄວາມເປັນລະບຽບຮຽບຮ້ອຍສັງຄົມ ໄດ້ເປັນຢ່າງດີ, ຊີວິດການເປັນຢູ່ຂອງປະຊາຊົນໃນເຂດເກີດໂລກລະບາດໄດ້ກັບຄືນສູ່ສະພາບເປັນປົກກະຕິ.
ຕາມເວັບໄຊ worldometers.info ແລ້ວ, ໄລ່ຮອດເວລາ 1 ໂມງຂອງວັນທີ 9 ຕຸລາ 2021, ໂລກຢັ້ງຢືນມີຜູ້ຕິດເຊື້ອໂຄວິດ - 19 ລວມທັງໝົດ 237.969.792 ຄົນ, ໃນນັ້ນ ເສຍຊີວິດ 4.856.323 ຄົນ. ຈຳນວນຜູ້ໄດ້ຮັບການປິ່ນປົວຫາຍດີແມ່ນ 215.108.553 ຄົນ. ປະເທດທີ່ໄດ້ຮັບຜົນສະທ້ອນຫຼາຍກ່ວາໝູ່ຍັງແມ່ນ ອາເມລິກາ ດ້ວຍຜູ້ເສຍຊີວິດ 732.476 ຄົນ ໃນຈຳນວນຜູ້ຕິດເຊື້ອ 45.135.541 ຄົນ. ຖັດຈາກນັ້ນແມ່ນ ອິນເດຍ, ບຣາຊິນ.
ໄຊພອນ
