| ການນຳພັກ, ລັດ,ສະພາແຫ່ງຊາດຫວຽດນາມ ພົບປະກັບຜູ້ມີສິດເລືອກຕັ້ງ | |
| ຫວຽດນາມ ສືບຕໍ່ໃຫ້ຄຳໝັ້ນສັນຍາຢ່າງແຮງ ໃນການຮັບມື ກັບການປ່ຽນແປງຂອງດິນຟ້າອາກາດ |
 |
| ພາບປະກອບ |
ກ່າວຄຳເຫັນທີ່ວາລະປະຊຸມ, ທ່ານນາງ ຫງວຽນເຟືອງຈ່າ ອຸປະທູດ, ຮອງຫົວໜ້າຄະນະຜູ້ຕາງໜ້າຫວຽດນາມ ປະຈຳ ສປຊ ໄດ້ເນັ້ນໜັກວ່າ ມາດຕະການຄວບຄຸມໂລກລະບາດ, ໃນນັ້ນ ແຜ່ຫຼາຍແມ່ນການສັກວັກຊິນໃຫ້ປະຊາຊົນໃຫ້ໝົດທຸກຄົນ ເພື່ອຮັບມືກັບໂລກລະບາດ ໃນສະພາບປົກກະຕິໃໝ່ ແລະ ຮັບປະກັນຊີວິດສັງຄົມ ເພື່ອຮັກສາຄວາມໝັ້ນຄົງດ້ານການເມືອງ - ສັງຄົມ. ຜູ້ຕາງໜ້າ ຫວຽດນາມ ກໍ່ສະໜັບສະໜູນ ມາດຕະການເພື່ອຊຸກຍູ້ປະຕິບັດເປົ້າໝາຍພັດທະນາແບບຍືນຍົງ 2030 (SDGs 2030), ພິເສດແມ່ນການໜູນຊ່ວຍປະເທດກຳລັງພັດທະນາສ້າງກຳລັງຄວາມສາມາດ, ຖ່າຍທອດເຕັກໂນໂລຢີ ແລະ ໃຫ້ບຸລິມະສິດດ້ານການເງິນ. ເນື່ອງໃນໂອກາດນີ້, ຫວຽດນາມ ຢັ້ງຢືນຄຳໝັ້ນສັນຍາ ປະຕິບັດ SDGs 2030 ແລະ ແຈ້ງໃຫ້ຊາບກ່ຽວກັບເປົ້າໝາຍພັດທະນາແບບຍືນຍົງທີ່ຫວຽດນາມ ໄດ້ສົມທົບໃສ່ນະໂຍບາຍແຫ່ງຊາດ. ຜູ້ຕາງໜ້າ ຫວຽດນາມ ຢັ້ງຢືນວ່າ ຫວຽດນາມ ຖືເປັນສຳຄັນການຮ່ວມມືກັບ ສປຊ ແລະ ອົງການຈັດຕັ້ງສາກົນ ໃນການຮັບມືກັບໂລກລະບາດໂຄວິດ - 19 ແລະປະຕິບັດເປົ້າໝາຍພັດທະນາແບບຍືນຍົງ.
vovworld.vn
