| ນະຄອນໂຮ່ຈີມິນຮັບວັກຊິນກັນໂຄວິດ - 19 AstraZeneca ຕື່ມອີກ 54.700 ໂດສ | |
| ຮັບວັກຊິນກັນໂຄວິດ - 19 200.000 ໂດສ ໂດຍກະຊວງປ້ອງກັນປະເທດຈີນ ມອບໃຫ້ |
 |
| ທ່ານຮອງລັດຖະມົນຕີການຕ່າງປະເທດ ຫວຽດນາມ ຫງວຽນມິງຫວູ (ພາບ: vov.vn) |
ທ່ານຮອງລັດຖະມົນຕີການຕ່າງປະເທດ ຫວຽດນາມ ຫງວຽນມິງຫວູ ຮອງຫົວໜ້າໜ່ວຍປະຕິບັດງານລັດຖະບານ ກ່ຽວກັບການທູດວັກຊິນ ໃຫ້ຮູ້ວ່າ: ແງ່ຫວັງໃນບັນດາແຫຼ່ງວັກຊິນກ່ຽວກັບຫວຽດນາມ ນັບແຕ່ປັດຈຸບັນຮອດທ້າຍປີ ແມ່ນມີຄວາມເປັນໄປໄດ້ສູງ, ມຸ່ງໄປເຖິງເປົ້າໝາຍໃຫ້ປະຊາຊົນໄດ້ຮັບການສັກວັກຊິນເປັນຈຳນວນຫຼາຍ, ສ້າງເງື່ອນໄຂໃຫ້ແກ່ວິວັດການເປີດປະຕູໃຫ້ແກ່ພື້ນຖານເສດຖະກິດ.
ຫວຽດນາມມີບັນດາທ່າອ່ຽງໃດໜຶ່ງທີ່ແນ່ນອນໃນການຜັນຂະຫຍາຍການທູດວັກຊິນ. ນັ້ນແມ່ນອິດທິພົນຊື່ສຽງ ແລະ ທີ່ຕັ້ງສາກົນຂອງ ຫວຽດນາມ ນັບມື້ນັບໄດ້ຍົກສູງຂຶ້ນ, ຫວຽດນາມ ໄດ້ຮັບການສະໜັບສະໜູນຈາກເຄືອຂ່າຍເພື່ອນມິດ, ຄູ່ຮ່ວມມືສາກົນ, ບັນດາຄູ່ຮ່ວມມືສາກົນ ປາດຖະໜາຢາກຮ່ວມມື, ຊ່ວຍເຫຼືອ ຫວຽດນາມ ໃນການສຳຜັດກັບວັກຊິນກັນໂຄວິດ - 19, ເພື່ອປົກປ້ອງລະບົບສະໜອງຢູ່ ຫວຽດນາມ ບໍ່ໃຫ້ຖືກຕັດຕອນ, ກໍ່ຜົນສະທ້ອນຕໍ່ລະບົບສະໜອງໃນພາກພື້ນ ແລະ ທົ່ວໂລກ, ນັບແຕ່ປັດຈຸບັນຈົນຮອດທ້າຍປີ, ແລະ ນັບທັງໃນເດືອນຕຸລາ ຈຳນວນວັກຊິນທີ່ສົ່ງມາຫວຽດນາມ ແມ່ນມີຄວາມເປັນໄປໄດ້ຫຼາຍພໍສົມຄວນ.
ຈຸດສຸມການທູດ ວັກຊິນຂອງ ຫວຽດນາມ ໃນໄລຍະຈະມາເຖິງ ແມ່ນຊຸກຍູ້ການຜັນຂະຫຍາຍບັນດາສັນຍາການຊື້ວັກຊິນ ທີ່ໄດ້ລົງນາມກັບບັນດາຄູ່ຮ່ວມມື, ສືບຕໍ່ຊຸກຍູ້ການຮ່ວມມືກັບບັນດາຄູ່ຮ່ວມມືທີ່ມີຄວາມສາມາດບົ່ມຊ້ອນໃນການສຳຜັດກັບບັນດາແຫຼ່ງວັກຊິນໃໝ່ ເພື່ອຮັບໃຊ້ໃຫ້ແກ່ການສັກວັກຊິນໃນປີ 2022 ແລະ ຊຸມປີຕໍ່ໄປ. ໃນນັ້ນ ເອົາໃຈໃສ່ເຖິງການຊອກຫາບັນດາບໍລິສັດທີ່ອາດຈະສະໜອງວັກຊິນໃຫ້ແກ່ເດັກນ້ອຍ.
ບຸນຄົງ
