 |
| ພິທີໄຂການແຂ່ງຂັນ Cyber S- ລຸ້ນ S: ຄວາມປອດໄພແລະຄວາມສະເໝີພາບທາງອິນເຕີເນັດ (ພາບ: baoquocte) |
ການແຂ່ງຂັນເພື່ອແນໃສ່ປະກອບສ່ວນຊ່ວຍໃຫ້ບັນດາເພື່ອນໜຸ່ມຫວຽດນາມຍົກສູງຄວາມຮູ້ກ່ຽວກັບຄວາມສະເໝີພາບລະຫວ່າງຍິງຊາຍກ່ຽວກັບຄວາມປອດໄພທາງເຄືອຂ່າຍອິນເຕີເນັດ, ຍົກອອກສຽງເວົ້າຂອງຕົນໄປຍັງປະຊາຄົມສາກົນ, ຖ່າຍທອດແຫຼ່ງບັນດານໃຈກ່ຽວກັບເຂດເຄືອຂ່າຍອິນເຕີເນັດທີ່ປອດໄພ, ປອດໄສແລະມີຄວາມສະເໝີພາບ.
ການແຂ່ງຂັນໄດ້ດຳເນີນນັບແຕ່ເດືອນກັນຍາຫາເດືອນພະຈິກປີ 2021, ລວມມີ 3 ການເຄື່ອນໄຫວຫຼັກ: ຝຶກອົບຮົບຄວາມຮູ້ກ່ຽວກັບເພດ, ຄວາມປອດໄພໃນທາງເຄືອຂ່າຍອິນເຕີເນັດ, ການສື່ສານສຳລັບຊາວໜຸ່ມ, ນັກສຶກສາແລະຜູ້ປະດິດສ້າງເນື້ອໃນທາງສື່ສັງຄົມອອນລາຍ, ແນະນຳໃຫ້ແກ່ນັກຮຽນເຂົ້າຮ່ວມການຝຶກອົບຮົບສ້າງບັນດາໂຄງການສະເພາະກ່ຽວກັບຄວາມສະເໝີພາບລະຫວ່າງຍິງຊາຍແລະຄວາມປອດໄພທາງເຄືອຂ່າຍອິນເຕີເນັດ, ຜັນຂະຫຍາຍໂຄງການແລະເຂົ້າຮ່ວມການແຂ່ງຂັນ Cyber S-ລຸ້ນS ດ້ວຍຍ້ອນມູນຄ່າລາງວັນກ່ວາ 70 ລ້ານດົ່ງ.
ກ່າວຄຳເຫັນທີ່ພິທີໄຂການແຂ່ງຂັນແລະເລີ່ມຕົ້ນໂຄງການຝຶກອົບຮົບ, ທ່ານນາງຫວູເຟືອງລີນັກຊ່ຽວຊານຂັ້ນສູງກ່ຽວກັບໂຄງການຂອງ UN Women ໃຫ້ຮູ້ວ່າ: “ສະພາບການໂລກລະບາດໂຄວິດ - 19, ການຮ່ຳຮຽນ, ເຮັດວຽກ, ລະຫຼິ້ນບັນເທີງແລະເຂົ້າຮ່ວມບັນດາການເຄື່ອນໄຫວທາງສັງຄົມຕ່າງໆໃນເຄືອຂ່າຍອິນເຕີເນັດໄດ້ກາຍເປັນທົ່ວໄປທີ່ສຸດ”.
ເຖິງຢ່າງໃດກໍ່ຕາມ, ໄປຄຽງຄູ່ກັບບັນດາຄຸນປະໂຫຍດ, ເຄືອຂ່າຍອິນເຕີເນັດກໍ່ຊ້ອນແຝງຄວາມສ່ຽງຫຼາຍຢ່າງກ່ຽວກັບການໃຊ້ຄວາມຮຸນແຮງທາງເພດ, ຂາດຄວາມປອດໄພໃຫ້ແກ່ຜູ້ນຳໃຊ້, ພິເສດແມ່ນແມ່ຍິງແລະເດັກນ້ອຍຍິງ, ເພາະສະນັ້ນ, ເລື່ອງຍົກສູງຄວາມເຂົ້າໃຈແລະຄວາມຮູ້ກ່ຽວກັບຄວາມປອດໄພແລະຄວາມສະເໝີພາບລະຫວ່າງຍິງຊາຍໃນເຄືອຂ່າຍອິນເຕີເນັດມີຄວາມຮີບດ່ວນ, ຈຳເປັນເໜືອກ່ວາເວລາໃດໝົດ.
ບຸນຄົງ
