| ຫວຽດນາມ ສະໜັບສະໜູນການເຊື່ອມຕໍ່ການໂອ້ລົມສົນທະນາ, ການຮ່ວມມືລະຫວ່າງ ອາເມລິກາ ແລະ ກູບາ | |
| ວັນເລິມ-ພັດທະນາເສດຖະກິດຈາກອາຊີບທີ່ເປັນມູນເຊື້ອ |
 |
| ທ່ານນາງ ເລທິທູຮັ່ງ ໂຄສົກກະຊວງການຕ່າງປະເທດ ຫວຽດນາມ (ພາບ: VOV) |
ທ່ານນາງເລທິທູຮັ່ງ ຊີ້ແຈ້ງວ່າ: “ພວກຂ້າພະເຈົ້າຖືວ່າ ສັນຕິພາບ, ການຮ່ວມມື ແລະ ພັດທະນາຢູ່ພາກພື້ນ ແລະ ໃນໂລກ ແມ່ນເປົ້າໝາຍລວມຂອງທຸກປະເທດ ແລະ ບັນດາປະເທດຕ້ອງມີຄວາມຮັບຜິດຊອບປະກອບສ່ວນເຂົ້າໃນເປົ້າໝາຍນີ້. ທັດສະນະຂອງພວກຂ້າພະເຈົ້າກ່ຽວກັບການພັດທະນາພະລັງງານນິວເຄຼຍ ແລະ ປະລາມານູ ແມ່ນເພື່ອເປົ້າໝາຍສັນຕິພາບ, ພັດທະນາເສດຖະກິດຂອງບັນດາປະເທດ, ເລື່ອງນຳໃຊ້ຕ້ອງຮັບປະກັນຄວາມປອດໄພຢ່າງສິ້ນເຊິງໃຫ້ແກ່ມະນຸດ ແລະ ສິ່ງແວດລ້ອມ.”
ໂດຍກ່ຽວຂ້ອງເຖິງເລື່ອງ ຈີນ ແລະ ໄຕ້ຫວັນ (ຈີນ) ຂໍເຂົ້າຮ່ວມສັນຍາຄູ່ຮ່ວມມືຮອບດ້ານ ແລະ ກ້າວໜ້າຂ້າມປາຊີຟິກ (CPTPP), ທ່ານນາງ ເລທິທູຮັ່ງ ຢັ້ງຢືນວ່າ: ນີ້ແມ່ນສັນຍາການຄ້າເສລີເປີດກວ້າງກັບບັນດາຄຳໝັ້ນສັນຍາຢ່າງຮອບດ້ານເພື່ອແນໃສ່ຊຸກຍູ້ການຮ່ວມມືດ້ານເສດຖະກິດ ລະຫວ່າງບັນດາພື້ນຖານເສດຖະກິດສະມາຊິກ. ເລື່ອງ CPTPP ໄດ້ຮັບຄວາມສົນໃຈຈາກບັນດາພື້ນຖານເສດຖະກິດ ແລະ ມີຄວາມຫວັງຢາກກາຍເປັນສະມາຊິກ ໄດ້ສະແດງໃຫ້ເຫັນບົດບາດຂອງສັນຍາໃນການຊຸກຍູ້ການຮ່ວມມື ແລະ ເຊື່ອມຕໍ່ເສດຖະກິດໃນພາກພື້ນ ແລະ ສາກົນ. ຫວຽດນາມ ພ້ອມແລ້ວທີ່ຈະແບ່ງປັນຂໍ້ມູນກັບ ຈີນ ກ່ຽວກັບການເຂົ້າຮ່ວມ CPTPP ແລະ ຫວຽດນາມ ຈະປຶກສາຫາລືກັບບັນດາສະມາຊິກຢ່າງແໜ້ນແຟ້ນກ່ຽວກັບບັນດາບັນຫາເຂົ້າຮ່ວມສັນຍາ.
ກ່ຽວກັບຍຸດທະສາດຂອງ ສະຫະພາບ ເອີລົບ (EU) ກ່ຽວກັບການຮ່ວມມື ອິນເດຍ - ປາຊີຟິກ ທີ່ປະກາດໃນວັນທີ 16 ກັນຍາ, ທ່ານນາງ ເລທິທູຮັ່ງ ໄດ້ຊີ້ແຈ້ງວ່າ: “ພວກຂ້າພະເຈົ້າຕີລາຄາສູງບົດບາດ ແລະ ການປະກອບສ່ວນຂອງ EU ໃນການພັດທະນາເພື່ອສັນຕິພາບຢູ່ພາກພື້ນ. ບົນພື້ນຖານຄູ່ຮ່ວມມືຮ່ວມມືຮອບດ້ານກັບ EU, ຫວຽດນາມ ພ້ອມແລ້ວທີ່ຈະຮ່ວມມືກັບ EU ໃນການຜັນຂະຫຍາຍບັນດາຂອບເຂດການຮ່ວມມືສອງຝ່າຍທີ່ຕ່າງຝ່າຍຕ່າງມີຄວາມສົນໃຈ, ເສີມຂະຫຍາຍບົດບາດເປັນໃຈກາງຂອງ ອາຊຽນ, ຊຸກຍູ້ການພົວພັນຄູ່ຮ່ວມມື ອາຊີ - ເອີລົບ, ການພົວພັນຄູ່ຮ່ວມມືຍຸດທະສາດ ອາຊຽນ - EU ປະກອບສ່ວນເຂົ້າໃນການຮັກສາສັນຕິພາບ, ສະຖຽນລະພາບ, ວັດທະນາຖາວອນ ຢູ່ພາກພື້ນ ແລະ ໃນໂລກ”.
ບຸນຄົງ
