| ຮັບຮູ້ບົດບາດຂອງບັນດາການນຳໜຸ່ມໃນການຊຸກຍູ້ການພົວພັນລະຫວ່າງ ຫວຽດນາມ - ສິງກະໂປ | |
| ຖົ່ວລຽນ ຫວຽດນາມ ຂາຍດີ ຢູ່ ອົດສະຕາລີ |
 |
| ໝາກມັງກອນ ຫວຽດນາມ (ພາບ: TTXVN) |
ຂ້າພະເຈົ້າມັກຫຼາຍ, ຂ້າພະເຈົ້າສາມາດຊື້ກິນຕະຫຼອດປີໄດ້ບໍ່? ຜະລິດຕະພັນມີຄຸນນະພາບດີ, ຄຸນຄ່າສູງ… ແມ່ນ 2 ໃນຈຳນວນຫຼາຍໆຄອມເມັນໃນເວັບໄຊຊື້ເຄື່ອງອອນລາຍຂອງລະບົບສັບພະສິນຄ້າ Woolworths (ໃຫຍ່ທີ່ສຸດ ຢູ່ ອົດສະຕາລີ) ທີ່ສະຫງວນໃຫ້ແກ່ໝາກມັງກອນຫວຽດນາມ. ທຸກຄຳຄອມເມັນ ຢູ່ເວັບໄຊນີ້ລ້ວນແຕ່ລີລາຄາ 5 ດາວ.
ຢູ່ລະບົບຮ້ານສັບພະສິນຄ້າໃຫຍ່ Coloes, ໝາກມັງກອນສົດທີ່ມີຍີ່ຫໍ່ ມັງກອນແດງ ພວມໄດ້ຮັບອົດານຂາຍດ້ວຍລາຄາ 4,9 AUD/ໝາກ. ໝາກມັງກອນຫວຽດນາມ ພວມໄດ້ວາງຂາຍຕະຫຼອດປີຢູ່ຮ້ານສັບພະສິນຄ້ານີ້. ອາດເວົ້າໄດ້ວ່າ, ຜະລິດຕະພັນທີ່ໄດ້ວາງຂາຍ ຢູ່ Coles ຫຼື Woolworths ແມ່ນສິ່ງທີ່ພິສູດກ່ຽວກັບຄຸນນະພາບ ແລະ ມູນຄ່າ.
Thaikee ກໍ່ແມ່ນໜຶ່ງໃນບັນດາຮ້ານສັບພະສິນຄ້າໃຫຍ່ຂອງອາຊີ ຢູ່ຂົງເຂດສູນທ່ອງທ່ຽວຂອງ Sydney, Haymarket, ໝາກມັງກອນຫວຽດນາມ ມີຄວາມເອກອ້າງທະນົງໃຈເມື່ອໄດ້ວາງຂາຍເປັນຈຳນວນຫຼາຍຢູ່ທີ່ນີ້ ໂດຍແມ່ນສະຖານທີີ່ທີີ່ມີຄ່າເຊົ່າໜ້າພຽງແພງພໍສົມຄວນເພື່ອຮັບໃຊ້ໃຫ້ແກ່ຜູ້ບໍລິໂພກ ແລະ ການທ່ອງທ່ຽວ.
ຢູ່ລະບົບຮ້ານສັບພະສິນຄ້າ MCQ ຂາຍສົ່ງ ແລະ ຂາຍຍ່ອຍໃຫຍ່ທີ່ສຸດຢູ່ ລັດທາງຕາເວັນຕົກ ອົດສະຕາລີ, ຜູ້ຕາງໜ້າຮ້ານສັບພະສິນຄ້າໃຫ້ຮູ້ວ່າ: “ໝາກມັງກອນຢູ່ນີ້, ພວກຂ້າພະເຈົ້າໄດ້ຂາຍຕະຫຼອດປີ”.
ຜູ້ອຳນວຍການບໍລິສັດ ຮວາ ອົດສະຕາລີ ແບ່ງປັນວ່າ ໝາກມັງກອນແມ່ນຜະລິດຕະພັນຍຸດທະສາດຂອງບໍລິສັດ ເພື່ອແຈກຢາຍຢູ່ບັນດານະຄອນຢູ່ແຄມທະເລ ອົດສະຕາລີ. ມີບາງຈຸດເວລາ ໝາກມັງກອນກໍ່ບໍ່ມີຂາຍຢ່າງພຽງພໍ.
ຕາມຫ້ອງການການຄ້າ ຫວຽດນາມ ປະຈຳ ອົດສະຕາລີ ແລ້ວ, ນັບແຕ່ຕົ້ນປີມາຮອດປັດຈຸບັນ ໄດ້ມີການເຄື່ອນໄຫວ 3 ຢ່າງກ່ຽວກັບການໂຄສະນາໝາກມັງກອນຢູ່ ອົດສະຕາລີ ແລ້ວ, ວົງເງິນການສົ່ງອອກມັງກອນ ຫວຽດນາມ ໄປຍັງ ອົດສະຕາລີ ມີການເຕີບໂຕເກືອບ 85% ເມື່ອທຽບໃສ່ກັບໄລຍະດຽວກັນຂອງ ປີ 2020.
ປັດຈຸບັນ, ດ້ວຍການວາງຂາຍເປັນຈຳນວນຫຼາຍ ແນ່ນອນວ່າ ໝາກມັງກອນ ຫວຽດນາມ ຈະມີປີໜຶ່ງທີ່ປະສົບຜົນສຳເລັດຢູ່ ອົດສະຕາລີ.
ບຸນຄົງ
