ປະທານປະເທດຢ້ຽມຢາມ ສ.ກູບາ ຢ່າງເປັນທາງການ: ຢັ້ງຢືນສີສັນການທູດທີ່ຈິງໃຈ, ຊື່ສັດບໍລິສຸດຂອງຫວຽດນາມ ຕໍ່ບັນດາປະເທດເພື່ອນມິດ, ອ້າຍນ້ອງ

06:09 | 18/09/2021

ຍສໝ - ທ່ານ ດັ້ງຮ່ວາງຢາງ ຮອງລັດຖະມົນຕີກະຊວງການຕ່າງປະເທດ ໄດ້ແລກປ່ຽນກັບສື່ມວນຊົນຄືດັ່ງກ່ວ ເມື່ອເວົ້າເຖິງເປົ້າໝາຍຂອງການຢ້ຽມຢາມ ສ.ກູບາ ຢ່າງເປັນທາງການ, ເຂົ້າຮ່ວມການປຶກສາຫາລືລວມຂັ້ນສູງ ສະມັດຊາໃຫຍ່ ສປຊ ຊຸດທີ 76 ແລະ ປະຕິບັດບາງການເຄື່ອນໄຫວສອງຝ່າຍຢູ່ ອາເມລິກາ ໃນລະຫວ່າງວັນທີ 18 – 24 ກັນຍາ ຂອງທ່ານປະທານສະພາແຫ່ງຊາດ ຫງວຽນຊວັນຟຸກ.

	ຫວຽດນາມ ປະຕິບັດບົດບາດປະທານ AMEM 38 ໄດ້ເປັນຢ່າງດີ
	ບັນດາປະເທດເອີລົບສະໜັບສະໜູນການສະໜອງ, ຖ່າຍທອດເຕັກໂນໂລຢີວັກຊິນໃຫ້ແກ່ ຫວຽດນາມ

ປະທານປະເທດຢ້ຽມຢາມ ສ.ກູບາ ຢ່າງເປັນທາງການ: ຢັ້ງຢືນສີສັນການທູດທີ່ຈິງໃຈ, ຊື່ສັດບໍລິສຸດຂອງຫວຽດນາມ ຕໍ່ບັນດາປະເທດເພື່ອນມິດ, ອ້າຍນ້ອງ

ທ່ານຮອງລັດຖະມົນຕີການຕ່າງປະເທດ ດັ່ງຮ່ວາງຢາງ (ພາບ: baoquocte.vn)

ຕາມທ່ານຮອງລັດຖະມົນຕີການຕ່າງປະເທດ ດັ່ງຮ່ວາງຢາງແລ້ວ, ໂດຍຮັບຄຳເຊື້ອເຊີນຂອງ ທ່ານເລຂາທີໜຶ່ງຄະນະບໍລິຫານງານສູນກາງພັກກອມມູນິດ ກູບາ, ປະທານປະເທດ ກູບາ Miguel Díaz-Canel, ທ່ານປະທານປະເທດ ຫວຽດນາມ ຫງວຽນຊວັນຟຸກ ຈະມີການຢ້ຽມຢາມກູບາຢ່າງເປັນທາງການໃນລະຫວ່າງວັນທີ 18 – 20 ກັນຍາ 2021. ໃນລະຫວ່າງວັນທີ 21 – 24 ກັນຍາ 2021, ທ່ານປະທານສະພາແຫ່ງຊາດ ຫງວຽນຊວັນຟຸກ ຈະເຂົ້າຮ່ວມການປຶກສາຫາລືລວມຂັ້ນສູງຂອງ ສະມັດຊາໃຫຍ່ ສປຊ ຊຸດທີ 76 ແລະ ປະຕິບັດບາງການເຄື່ອນໄຫວສອງຝ່າຍຢູ່ ອາເມລິກາ.

ເລື່ອງ ທ່ານປະທານປະເທດ ເດີນທາງໄປຢ້ຽມຢາມກູບາຢ່າງເປັນທາງການ ສະແດງໃຫ້ເຫັນແຜນນະໂຍບາຍຊຸກຍູ້ການພົວພັນຂອງ ຫວຽດນາມ ກັບບັນດາຄູ່ຮ່ວມມບຸລິມະສິດ, ບັນດາເພື່ອນມິດທີ່ເປັນມູນເຊື້ອ, ແມ່ນກາລະໂອກາດເພື່ອໃຫ້ ຫວຽດນາມ ຢັ້ງຢືນນ້ຳໃຈສາມັກຄີ, ການສະໜັບສະໜູນຢ່າງແຮງຕໍ່ ກູບາ ໃນໄລຍະປະສົບກັບສິ່ງທ້າທາຍ. ພິເສດແມ່ນສະແດງໃຫ້ເຫັນຢ່າງຈະແຈ້ງສີສັນການທູດທີ່ຈິງໃຈ, ຊື່ສັດບໍລິສຸດຂອງ ຫວຽດນາມ ຕໍ່ບັນດາປະເທດເພື່ອນມິດ, ອ້າຍນ້ອງ.

ທ່ານຮອງລັດຖະມົນຕີ ດັ້ງຮ່ວາງຢາງ ໃຫ້ຮູ້ຕື່ມອີກວ່າ ການເດີນທາງປະຕິບັດງານຂອງທ່ານປະທານປະເທດ ຫງວຽນຊວັນຟຸກ ມີເປົ້າໝາຍກວມລວມແມ່ນຜັນຂະຫຍາຍຢູ່ຂັ້ນສູງໃນການພົວພັນຕ່າງປະເທດຂອງຫວຽດນາມ ທີ່ໄດ້ຮັບຮອງເອົາຢູ່ກອງປະຊຸມໃຫຍ່ ຄັ້ງທີ 13 ຂອງພັກ.

ການເຂົ້າຮ່ວມວາລະປຶກສາຫາລືລວມຂັ້ນສູງຂອງສະມັດຊາໃຫຍ່ ສປຊ ຊຸດທີ 76 ແລະ ແລກປ່ຽນກັບບັນດາການນຳຂັ້ນສູງສຸດຂອງ ສປຊ ແມ່ນໂອກາດເພື່ອໃຫ້ ຫວຽດນາມ ສົ່ງສານຢ່າງແຮງກັບປະຊາຄົມສາກົນ ກ່ຽວກັບປະເທດຫວຽດນາມ ສ້າງຄວາມເຂັ້ມແຂງດ້ວຍຕົນເອງ, ມີຄວາມຕັ້ງຫວັງ ແລະ ວິໄສທັດພັດທະນາ, ມີແນວທາງການຕ່າງປະເທດທີ່ເປັນເອກະລາດ, ມີຄວາມເປັນເຈົ້າການ ແລະ ເປີດກ້ວາງ, ຫວຽດນາມ ໄດ້, ພວມ ແລະ ສືບຕໍ່ປະກອບສ່ວນຢ່າງຕັ້ງໜ້າ, ມີຄວາມຮັບຜິດຊອບຕໍ່ວຽກງານລວມຂອງປະຊາຄົມສາກົນ.

ບັນດາການເຄື່ອນໄຫວສອງຝ່າຍຂອງປະທານປະເທດຢູ່ ອາເມລິກາ ຈະປະກອບສ່ວນສຳຄັນເຂົ້າໃນການເພີ່ມທະວີການຮ່ວມມືຂອງ ຫວຽດນາມ ຕໍ່ອຳນາດການປົກຄອງຊຸດໃໝ່ຂອງ ອາເມລິກາ, ຊຸກຍູ້ການພົວພັນຄູ່ຮ່ວມມືຮອບດ້ານທີ່ພວມມີການພັດທະນາຢ່າງດີງາມ, ເໝາະສົມກັບເປົ້າໝາຍ, ຜົນປະໂຫຍດລວມຂອງທັງສອງປະເທດ ຫວຽດນາມ ແລະ ອາເມລິກາ.

ຢູ່ນອກການເດີນທາງຄັ້ງນີ້, ທ່ານປະທານປະເທດຄາດວ່າ ຈະພົບປະກັບປະຊາຄົມວິສາຫະກິດ ອາເມລິກາ ເພື່ອແຈ້ງໃຫ້ຊາບກ່ຽວກັບບັນດາຄວາມມານະພະຍາຍາມຂອງ ຫວຽດນາມ ໃນການຄວບຄຸມ ແລະ ຍູ້ໂລກລະບາດໂຄວິດ - 19 ໃຫ້ຖອຍໄປ, ຟື້ນຟູການຜະລິດ, ຜ່ານນັ້ນ ກໍ່ປັບປຸງຄວາມໄວ້ວາງໃຈ ແລະ ດຶງດູດເງິນທຶນຂອງນັກບັນດານັກລົງທຶນ, ວິສາຫະກິດ ອາເມລິກາ ແລະ ບັນດາຄູ່ຮ່ວມມືຕື່ມອີກ. ພ້ອມທັງຜັນຂະຫຍາຍຢ່າງແຮງຍຸດທະສາດການທູດວັກຊິນ, ຂົນຂວາຍບັນດາປະເທດ, ອົງການຈັດຕັ້ງສາກົນ ໜູນຊ່ວຍກ່ຽວກັບວັກຊິນ, ວັດຖຸອຸປະກອນການແພດ ເພື່ອປ້ອງກັນຕ້ານໂລກລະບາດໂຄວິດ - 19 ແລະ ຮ່ວມມືຟື້ນຟູພາຍຫຼັງໂລກລະບາດ…

ບຸນຄົງ