| ພົນລະເມືອງ ຫວຽດນາມ 92 ຄົນ ກັບມາຈາກ ໄຕ້ຫວັນ ປະຕິບັດການແຍກຕົວລວມສູນ | |
| ສະມາຄົມການພັດທະນາເສດຖະກິດ, ວັດທະນະທຳ ແລະ ການສຶກສາ ໄຕ້ຫວັນ - ຫວຽດນາມ ໄດ້ສະໜັບສະໜູນກອງທຶນວັກແຊງປ້ອງກັນ ແລະ ຄວບຄຸມ COVID-19 |
 |
| ທ່ານຫງວຽນແອັງຢຸງ ຫົວໜ້າຫ້ອງວ່າການເສດຖະກິດວັດທະນະທຳຫວຽດນາມ ປະຈຳໄຕ້ຫວັນ ເຂົ້າຮ່ວມກອງປະຊຸມສຳມະນາ (ພາບ:baodauthau.vn ) |
ກອງປະຊຸມສຳມະນາໂດຍສະຫະສະມາຄົມພັດທະນາເສດຖະກິດວັດທະນະທຳການສຶກສາ ໄຕ້ຫວັນ - ຫວຽດນາມ, ສະມາຄົມເອເລັກໂຕນິກ ໄຕ້ຫວັນ, ກົມອຸດສາຫະກຳ ຂຶ້ນກັບກະຊວງເສດຖະກິດ ໄຕ້ຫວັນ, ຫ້ອງການເສດຖະກິດວັດທະນະທຳ ຫວຽດນາມ ປະຈຳ ໄທເປ ແລະ ສູນສົ່ງເສີມການລົງທຶນ ທາງທິດເໜືອ ຂຶ້ນກັບກົມການລົງທຶນຕ່າງປະເທດ (ກະຊວງແຜນການ ແລະ ການລົງທຶນ ຫວຽດນາມ) ສົມທົບກັນຈັດຕັ້ງ.
ຕາມທ່ານ ຫງວຽນແອັງຢຸງ - ຫົວໜ້າຫ້ອງການເສດຖະກິດວັດທະນະທຳ ຫວຽດນາມ ປະຈຳໄທເປ ແລ້ວ, ກອງປະຊຸມສຳທະນາມີການເຂົ້າຮ່ວມຂອງນັກລົງທຶນໃຫຍ່ຂອງໄຕ້ຫວັນເປັນຈຳນວນຫຼາຍ, ໄດ້ສະແດງຄວາມສົນໃຈທີ່ສຸດເຂົ້າໃນຕະຫຼາດ ຫວຽດນາມ.
ຢູ່ກອງປະຊຸມສຳມະນາ, ທ່ານ ເລິມຕວັນຕູ ຫົວໜ້າກົມອຸດສາຫະກຳຂຶ້ນກັບກະຊວງເສດຖະກິດ ໄຕ້ຫວັນ ໄດ້ແບ່ງປັນວ່າ ປັດຈຸບັນບັນດາກຸ່ມບໍລິສັດເອເລັກໂຕນິກໃຫຍ່ຂອງ ໄຕ້ຫວັນ ຄື Foxconn, Wistron, Foxlink... ໄດ້ລົງທຶນມາຫວຽດນາມ ແລະ ພວມຜັນຂະຫຍາຍຍຸດທະສາດເປີດກວ້າງການລົງທຶນ. ຫວຽດນາມ ພວມເອົາໃຈໃສ່ເຖິງການສົ່ງອອກຜະລິດຕະພັນສຳເລັດຮູບ, ຫວັງວ່າປີ 2025 – 2030 ອາດຈະບັນລຸລະດັບ 45 – 70% ອັດຕາຜະລິດຢູ່ ຫວຽດນາມ. ໃນນັ້ນຂະແໜງເອເລັກໂຕນິກ ພວມໄດ້ຮັບການຕ້ອນຮັບຈາກຫວຽດນາມ ແລະ ມີຫຼາຍນະໂຍບາຍບຸລິມະສິດ. ການຮ່ວມມືລົງທຶນນີ້ແມ່ນຜົນສຳເລັດທີ່ຕ່າງຝ່າຍຕ່າງມີຜົນປະໂຫຍດ.
ກອງປະຊຸມສຳມະນາກໍ່ແນະນຳກາລະໂອກາດລົງທຶນເຂົ້າໃນບັນດາເຂດອຸດສາຫະກຳ ຢູ່ຮ່ານາມ, ຫ໋າຍເຢືອງ, ວິງຟຸກ, ແທງຮວາ, ເງະອານ… ແລະ ຂໍ້ກຳນົດຂອງກົດໝາຍຫວຽດນາມກ່ຽວກັບການນຳໃຊ້ຜູ້ອອກແຮງງານສຳລັບບັນດາວິສາຫະກິດຕ່າງປະເທດ ມາລົງທຶນຢູ່ ຫວຽດນາມ.
ເຖິງວ່າໂລກລະບາດໂຄວິດ - 19 ກໍ່ຜົນກະທ້ນຕໍ່ພື້ນຖານເສດຖະກິດທົ່ວໂລກ, ແຕ່ຕາມທ່ານາງ ໂດທິກວິ່ງງາ - ຜູ້ຕາງໜ້າກົມລົງທຶນຕ່າງປະເທດ (ກະຊວງແຜນການ ແລະ ການລົງທຶນ) ແລ້ວ, ໃນຊຸມເດືອນຕົ້ນປີ 2021, ບັນດາໂຄງການ FDI ມາລົງທຶນ ຢູ່ ຫວຽດນາມ ຍັງມີການເຕີບໂຕ, ເປັນຕົ້ນແມ່ນບັນດາຂະແໜງອຸດສາຫະກຳ, ເຕັກນິກເຕັກໂນໂລຢີສູງ.
ທ່ານນາງ ໂງເຟີມເຈິ່ນ, ປະທານສະຫະສະມາຄົມພັດທະນາເສດຖະກິດວັດທະນະທຳການສຶກສາ ໄຕ້ຫວັນ ຫວຽດນາມ ໄດ້ຕີລາຄາວ່າ: ຫວຽດນາມ ມີຄວາມເອົາໃຈໃສ່ເປັນພິເສດເຖິງການບຳລຸງສ້າງແຫຼ່ງຄົນທີ່ມີຄວາມເກັ່ງກ້າສາມາດດ້ວຍຄຸນນະພາບສູງ. ນັບແຕ່ປີ 2016 ມາຮອດປັດຈຸບັນ ມີນັກສຶກສາຫວຽດນາມ ກ່ວາ 17.000 ຄົນ ພວມຮ່ຳຮຽນຕາມໂຄງການບຳລຸງສ້າງຜູ້ມີຄວາມເກັ່ງກ້າສາມາດຕາມນະໂຍບາຍໃໝ່ມຸ່ງໄປເຖິງທາງທິດໃຕ້ຂອງ ໄຕ້ຫວັນ ແລະ ຄາດວ່າຕົວເລກນີ້ຈະເພີ່ມຂຶ້ນຫຼາຍກ່ວາອີກໃນໄລຍະຈະມາເຖິງ.
ບຸນຄົງ
