| ຜະລິດຕະພັນຫວຽດນາມ ຍາກທີ່ຈະແຊກຊືມເຂົ້າຕະຫຼາດ ຈີນໄດ້ | |
| ຄວາມສາມາດບົ່ມຊ້ອນໃນການຮ່ວມມືລະຫວ່າງບັນດາທ້ອງຖິ່ນ ຫວຽດນາມ ແລະ ຮົ່ງກົງ ພາຍລັງໂລກລະບາດໂຄວິດ - 19 |
ຕອນບ່າຍວັນທີ 6 ກັນຍາ, ທີ່ການຖະແຫຼງຂ່າວລັດຖະບານປະຈຳເດືອນ ສິງຫາ, ທ່ານເຈິ່ນວັນເຊີນ ຫົວໜ້າຫ້ອງວ່າການລັດຖະບານ ໃຫ້ຮູ້ວ່າ ທ່ານນາຍົກລັດຖະມົນຕີ ໄດ້ຮຽກຮ້ອງບຸລິມະສິດຢ່າງສູງທີ່ສຸດໃຫ້ແກ່ການຄວບຄຸມໂລກລະບາດໂຄວິດ - 19 ໂດຍໄວ, ພ້ອມທັງຟື້ນຟູການເຄື່ອນໄຫວຜະລິດ, ດຳເນີນທຸລະກິດຢູ່ບັນດາສະຖານທີ່ຮັບປະກັນຄວາມປອດໄພໃນໂລກລະບາດໂຄວິດ - 19 ເປັນເທື່ອລະກ້າວ, ຄວບຄຸມໂລກລະບາດໂຄວິດ - 19 ໃຫ້ເປັນຢ່າງດີ ແມ່ນປະຖົມປັດໄຈຕິດສິນການຟື້ນຟູເສດຖະກິດ.
 |
| ທ່ານເຈິ່ນວັນເຊີນ ຫົວໜ້າຫ້ອງວ່າການລັດຖະບານ (ພາບ: TTXVN) |
ຕາມ ທ່ານ ເຊີນ ແລ້ວ, ໃນ 8 ເດືອນຜ່ານມາເສດຖະກິດມະຫາພາກມີຄວາມສະຖຽນລະພາບ, ໄພເງິນເຟີ້ໄດ້ຮັບການຄວບຄຸມ, CPI ເດືອນ ສິງຫາເພີ່ມຂຶ້ນ 0,25% ເມື່ອທຽບໃສ່ກັບເດືອນກໍລະກົດ, ຕະຫຼາດເງິນຕາ, ສິນເຊື່ອ, ເງິນຕາຕ່າງປະເທດມີຄວາມສະຖຽນລະພາບໂດຍພື້ນຖານ, ອັດຕາດອກເບ້ຍສືບຕໍ່ທ່າອ່ຽງຫຼຸດລົງ.
ລາຍຮັບງົບປະມານແຫ່ງລັດ ໄລ່ສະເລ່ຍໃນ 8 ເດືອນ ບັນລຸເກືອບ 75% ຄາດງົບປະມານ, ເພີ່ມຂຶ້ນ 14% ເມື່ອທຽບໃສ່ກັບໄລຍະດຽວກັນຂອງປີ 2020.
ສະພາບການຜະລິດກະສິກຳ, ປ່າໄມ້ ແລະ ສິນໃນນ້ຳດີພໍສົມຄວນ, ຄວາມໝັ້ນຄົງດ້ານສະບຽງອາຫານ, ທັນຍາຫານ ໄດ້ຮັບການຮັບປະກັນ, ກະສິກຳ ແມ່ນເສົາຄ້ຳທີ່ໝັ້ນແກ່ນຂອງພື້ນຖານເສດຖະກິດໃນສະພາບການເກີດໂລກລະບາດນີ້.
ດັດຊະນີການຜະລິດທົ່ວຂະແໜງອຸດສາຫະກຳ ໃນ 8 ເດືອນເພີ່ມຂຶ້ນ 5,6%. ຍອດວົງເງິນການສົ່ງອອກ, ນຳເຂົ້າສິນຄ້າ ໃນ 8 ເດືອນ ເພີ່ມຂຶ້ນ 27,2%, ໃນນັ້ນການສົ່ງອອກເພີ່ມຂຶ້ນ 21,2 %. ຕະຫຼາດພາຍໃນປະເທດໄດ້ຮັບຄວາມເອົາໃຈໃສ່, ການຄ້າເອເລັກໂຕນິກ, ການຊຳລະແບບບໍ່ໃຊ້ເງິນສົດ ມີທິດທາງພັດທະນາ.
ທຶນ FDI ປະຕິບັດບັນລຸກ່ວາ 11,59 ຕື້ USD, ເພີ່ມຂຶ້ນ 2%. ໂປແກຼມເຕັກໂນໂລຢີຂໍ້ມູນຂ່າວໄດ້ຮັບການຍູ້ແຮງ, ເປັນຕົ້ນແມ່ນການປ້ອງກັນ, ຕ້ານໂລກລະບາດໂຄວິດ - 19 ແລະ ມີຫຼາຍຂົງເຂດຕ່າງໆຄື: ການສຶກສາ, ສາທາລະນະສຸກ, ການບໍລິຫານ, ການບໍລິການ... ວຽກງານບຸລະນະລະບອບລະບຽບການ, ປະຕິຮູບການບໍລິຫານ, ປັບປຸງສະພາບແວດລ້ອມແຫ່ງການລົງທຶນ, ດຳເນີນທຸລະກິດສືບຕໍ່ໄດ້ຮັບການຄວາມສົນໃຈຊີ້ນຳ. ລັດຖະບານຈະປະກາດໃຊ້ມະຕິກ່ຽວກັບການແກ້ໄຂຄວາມຫຍຸ້ງຍາກ ໃຫ້ແກ່ການຜະລິດດຳເນີນທຸລະກິດ, ໜູນຊ່ວຍການພັດທະນາວິສາຫະກິດ.
ທຸກຂັ້ນ, ທຸກຂະແໜງການເອົາໃຈໃສ່ເຖິງການຮັບປະກັນຊີວິດສັງຄົມ ແລະ ຊີວິດການເປັນຢູ່ຂອງ ປະຊາຊົນ, ເຖິງວ່າ ທຽບກັບຄວາມປາດຖະໜາ ແລະ ຄຳຮຽກຮ້ອງແລ້ວ ແມ່ນຍັງບໍ່ທັນໄດ້ຮັບການຕອບສະໜອງ. ມາຮອດປັດຈຸບັນ ທົ່ວປະເທດມີຜູ້ອອກແຮງງານປະມານ 15 ລ້ານຄົນ ໄດ້ຮັບການໜູນຊ່ວຍຕາມມະຕິເລກທີ 68/ NQ-CP ກ່ຽວກັບບາງນະໂຍບາຍໜູນຊ່ວຍຜູ້ອອກແຮງງານ ແລະ ຜູ້ນຳໃຊ້ແຮງງານທີ່ປະສົບກັບຄວາມຫຍຸ້ງຍາກ ຍ້ອນໂລກລະບາດໂຄວິດ - 19 ດ້ວຍຍອດເງິນຂຶ້ນເຖິງ 8,4 ພັນຕື້ດົ່ງ.
ພ້ອມທັງໜູນຊ່ວຍແຮງງານເສລີ 1,2 ລ້ານຄົນດ້ວຍຈຳນວນເງິນກ່ວາ 2,1 ພັນຕື້ດົ່ງ. ມີ 37 ຄອບຄົວທຳການຜະລິດດຳເນີນທຸລະກິດໄດ້ຮັບການໜູນຊ່ວຍ. ສະໜອງເຂົ້າສານ 134 ພັນໂຕນ ເພື່ອໜູນຊ່ວຍໃຫ້ແກ່ປະຊາຊົນທີ່ປະສົບກັບຄວາມຫຍຸ້ງຍາກ, ຜັນຂະຫຍາຍຖົງເຄື່ອງໜູນຊ່ວຍສັງຄົມ 2 ລ້ານຖົງ. ບັນດາທ້ອງຖິ່ນ ໄດ້ບຸລິມະສິດຈັດແບ່ງແຫຼ່ງກຳລັງໜູນຊ່ວຍໃຫ້ແກ່ປະຊາຊົນ, ວິສາຫະກິດໃນບໍລິເວນ...
ບຸນຄົງ
